কেন্দ্রগী লৌউ-শিংউ মন্ত্রী শ্রী নরেন্দ্র সিংহ তোমরনা প্রধান মন্ত্রী ফসল বিমা য়োজনা চহি মঙা মপুং ফাবগী থৌরমদা লৈবাক অসিগী স্তেকহোল্দরশিংগা লোইননা ভিদিও কনফরেন্সিংগী থোংদা ৱারী শাখ্রে। মহাক্না হায় প্রধান মন্ত্রী ফসল বিমা য়োজনা অসিগী মরমদা এৱের্নেস পীবা তঙাই ফদে অসুম তৌরগদি লৌমী কয়ানা স্কীম অসিগী কান্নবা লৌবা য়াগনি।

লৌমীশিংগী লৈবাক অসিদা খ্বাইদগী তাবা চপ মান্নবা প্রিমিয়মদা পুম্নমক য়াওরবা খুদোংথিবদগী কোকহন্নবা ৱারোইশিন পীনবা অচৌবা খোঙথাং অমা ওইনা হৌদোকখিবা স্কীম অসি কেন্দ্রগী মন্ত্রী-মন্দলনা জনুৱারী ১৩, ২০১৬দা অয়াবা পীখি।

লৌউ-শিংউগী মন্ত্রী স্কীম অসি লৈবাক শিনবা থুংনা মাই পাক্না ইম্প্লিমেন্ত তৌখিবা অসিদা রাজ্য সরকারশিং, বেঙ্কশিং অমসুং ইন্সুরেন্স কম্পনীশিংবুসু থাগৎপা ফোঙদোকখ্রে। ২০১৯দা অন্ধ্র প্রদেশ, কর্নাতাকাদা লাইকং থোকপদা, হরিয়ানাদা লেন তাবা অমসুং রাজস্থানদা কৌজেংনা শোকহনবা অসিগুম্বা স্কীম অসিনা লৌমীশিংগী ঙাকশেল পীখিবগী শীংথনিংঙাই ওইবা খুদম খরা মহাক্না পীখ্রে।

শ্রী তোমরনা হায়, “স্কীম অসি ইতিহাসিক ওইবা ক্রোপ ইন্সুরেন্স স্কীম অমনি মসিনা ঙাকথোকপা ঙমদবা মহৌশাগী ওইবা খুদোংথিবনা মরম ওইরগা অমাং-অতা থোকপদা ক্রোপ সাইকল মপুং ফানা কভর পীরি। হৌজিক ফাওবদা লৌমীশিংদা পুন্না লুপা করোর ৯০,০০০গী ক্লেম পীখ্রে। স্কীম অসি কোবিদ-১৯ লোকদাউন মনুংদা মপুং ফানা চল্লাইখি অমদি ভারত্তা লৈরিবা লৌমী লাখ ৬৯.৭০দা লুপা করোর ৮৭৪১.৩গী ক্লেম কাইথখি, মসি য়াম্না থাগৎনীংঙাই ওই।”

রাজ্য সরকারশিং, বেঙ্কশিং অমসুং ইন্সুরেন্স কম্পনীশিং য়াওনা মীফম অসি মীহুৎ ১৫০ হেনবনা শরুক য়াখি। স্তেকহোল্দরশিংনা লৈবাক অসিদা মপুং ফানা কভরেজ পীনবা পি.এম.এফ.বি.ৱাই. পোর্তেলদা লমগী রেকোর্দশিং হাপচিনবা, ক্রোপ ইন্সুরেন্স মোবাইল-এপ, সেতলাইৎ ইমেজরী, রিমোৎ সেন্সিং তেক্নোলোজী অসিগুম্বা স্কীম অসিগী মরু ওইবা ফীচরশিং খন্নখ্রে।।

খুদোংচাবা হেনগৎহন্নবা লেপ্তনা হোৎনবা ওইনা ফেব্রুৱারী ২০২০দা শেমদোকখিবনা স্কীম অসি লৌমী পুম্নমক্কী মশানা পাম্না য়াওজবা য়াহনখ্রে। চহি অমদগী চহি অমদা লৌমী করোর ৫.৫ হেনবগী এপ্লিকেসন লাকখি অসুম্না হৌখিবা চহি ৫দা লৌমীশিংগী অপুনবা এপ্লিকেসন মশিং করোর ২৮ শুখ্রে।

লৌউ-শিংউগী সেক্রেতরী শ্রী সঞ্জে অগর্ৱালনা হায় পি.এফ.এম.বি.ৱাই. অসি লৌমীশিংগী ওইনা খ্বাইদগী চাউবা ইন্সুরেন্স স্কীম অমনি অমসুং লৌউ-শিংউগী সেক্তরদা তেক্নোলোজী মপুং ফানা শীজিন্নবগী খুদম অমনি।

দা. বুতানি, সি.ই.ও.-পি.এম.এফ.বি.ৱাই.না স্তেকহোল্দরশিংগা ৱারী শাবদা পি.এম.এফ.বি.ৱাই.না চহি ৫ মপুং ফারকপগী প্রজেন্তেসন অমা পীখ্রে।. (প্রজেন্তেসন অদুগীদমক্তা মসিদা নম্বীয়ু)

শ্রী তোমরনা অতোপ্পা কেন্দ্রগী রাজ্য মন্ত্রী শ্রী পর্শোত্তম রুপালা অমসুং শ্রী কাইলাশ চৌধরীগা লোইননা ভারতকী লৌমীশিংনা স্কীম অসিদা মশিং য়াম্না এনরোল তৌরকপগীদমক্তা থাগৎপা ফোঙদোকখ্রে অমসুং স্কীম অসি মতুং তারকপদা মাই পাকপা ওইনবা য়াইফ পাউজেল পীখ্রে।

****