উপ-রাস্ত্রপতিগী লোইশঙ

মকর সংক্রান্তি অমসুং পোঙ্গাল লাকপদা উপ-রাস্ত্রপতিনা মীয়ামদা য়াইফ-পাউজেল পীরক্লি

Posted On: 13 JAN 2021 4:45PM by PIB Imphal

মকর সংক্রান্তি অমসুং পোঙ্গাল লাকপদা উপ-রাস্ত্রপতি শ্রী এম.ভেনকিয়া নাইদুনা মীয়ামদা য়াইফ-পাউজেল পীখ্রে।

মখাগী অসি মহাক্কী পাউজেলগী মপুংফাবা ৱারোলনি-

“মকর সংক্রান্তি অমসুং পোঙ্গালগী শেংলবা থৌরম লাকপদা ঐখোয়গী মীয়ামদা ঐগী য়াইফ-পাউজেলশিং ঐনা পীজরি।

নুমিৎনা অৱাংথংবা মাইকৈদা হাইগৎলকপা হৌরকপা ‘উত্তারায়ান’ অসি মকর সংক্রান্তি হায়না থৌরম পাংথোক্লি। তোঙান-তোঙানবা লম-লমগী মমিংশিংগা লোয়ন্না লৈবাক শীনবা থুংনা থৌরম অসি পাংথোক্লি, কুহ্মৈ অসি লৌরোকথা লাকপদা পাংথোকপনি অমসুং ঐখোয়গী অপুনবা কলচর অসিদা ভারতমচা খুদিংমক অপুনবগী লংলা অমনা পুনশিনবা অদু মমি তারি।

লৌরোক কুহ্মৈ অসিদা তশেংনা মহৌশাগী মরাংকাইবা অমসুং শক্তি অদু হরাও-তয়াম্বা ফোঙদোক্লি অমসুং মহৌশা লাইরেম্বীগা ঐখোয়গা লৈনবা মরী ঐখোয়দা নিংশিংহল্লে। ঐখোয়গী সভেত্যগা মহৌশাগা লৈনবা অচেৎপা মরীগী খুদম অমা কুহ্মৈ অসিনা ওইরি। ঐখোয়গী হেরিতেচ অমসুং কলচরগী নাউশুম ওইরিবা ঐখোয়গী হৌরকফম ঐখোয়গী খুঙ্গংশিংদা হন্না চৎনবা অমসুং নিংশিংনবা কুহ্মৈ অমা ওইরি।

কুহ্মৈ অসি লাকপদা অদোমগী ইমুংদা হরাওবা, ঐখোয়গী লৈবাক্কী অপুনবগী শক্তম মপাঙ্গল কনখৎলকপা অমসুং থাক্লিবা থাশিংদা অফবা পুরকপা ওইরসনু”।

*****



(Release ID: 1688328) Visitor Counter : 3