জনুৱারি ১২, ২০২১দা দিফেন্স সেক্রেতরি দোক্তর অজয় কুমারনা ভিয়েতনামগী দিপুতি দিফেন্স মিনিস্তর সেনিয়র লেপ্তনেন্ত জেনেরেল ঙুয়েন চি ভিনগা লোয়ন্না ১৩শুবা ভারত-ভিয়েতনাম ঙাক-শেনগী ৱারি শানবা পাংথোকখ্রে। ভর্চুএল ওইনা পাংথোকখিবা ৱারি শানবা অদুদা, কোবিদ-১৯গী খুদোংচাদবা কয়া লৈরবসু লৈবাক অনিগী মরক্তা ঙাক-শেনগী মতেং পাংনরিবা অসিদা দিফেন্স সেক্রেতরি অমসুং দিফেন্স মিনিস্তরনা অপেনবা ফোঙদোকখি।

ৱারি শানবা অদুদা হন্দক প্রধান মন্ত্রী শ্রী নরেন্দ্র মোদী অমসুং ভিয়েতনামগী প্রধান মন্ত্রী ঙুয়েন সুৱান ফুক অনিগী মরক্তা দিশেম্বর ২০২০দা পাংথোকখিবা ভর্চুএল সমিত্তা লৌখিবা ৱারেপশিংগী মতাংদা দিফেন্স সেক্রেতরি অমসুং দিফেন্স মিনিস্তরনা ৱারি শানখি। ঙাক-শেনগী অনৌবা হিরমশিংদা মতেং পাংনবগী মতাংদশু খন্নখি।

লৈবাক অনিগী মরক্তা ঙাক-শেনগী মরী ফগৎলকপদা মখোয়না অপেনবা ফোঙদোকখি। নাকল অনিগী তোঙান-তোঙানবা ঙাক-শেনগী মতেং পাংনবগী থবকশিংগী খুমাঙচাউশিনবা নাকল অনিনা হন্না য়েংশিনখি অমসুং কমপ্রেহেন্সিপ স্ত্রাতেজিক পার্তনরসিপ ফ্রেমৱার্ককী মখাদা আর্মদ ফোর্সেস অনিগী মরক্তা মখা তানা মতেং পাংন্নবা থাজবা পীনখি। লৈবাক অনিগী মরক্তা দিফেন্স ইন্দস্ত্রি অমসুং তেক্নোলোজিগী মতেং পাংনবগী লমদা খুমাঙ চাউশিনবদা নাকল অনিনা অপেনবা ফোঙদোকখি অমসুং হিরম অসিদা হেন্না মতেং পাংন্নবা থাজবা থমখি।

******