প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সিংগী থোংদা অনিশুবা নেস্নেল য়ুথ পার্লিয়ামেন্ত ফেস্তিবেলগী লোইশিনবগী থৌরমদা ৱা ঙাংখ্রে। থৌরম অসি সেন্ত্রেল হোলদা পাঙথোকখি অমদি প্রধান মন্ত্রীনা ফেস্তিবেল অসিদা নহা ওইরিবা নেস্নেল ৱিনর অহুমনা ফোঙদোকখিবা ৱাখল্লোনসু তাখি। থৌরম অসিদা লোক সভাগী ৱাঙাংলোই শ্রী ওম বির্লা; কেন্দ্রগী এজুকেসন মন্ত্রী, শ্রী রামেশ পোখ্রিয়ল 'নিশঙ্ক' অমসুং য়ুথ এফির্স অমসুং স্পোর্তসকী কেন্দ্রগী এম.ও.এস.(আই/সি) শ্রী কিরেন রিজিজু শরুক য়াখি।

স্বামী বিবেকানন্দবু মহাক্কী মপোক কুমওন্দা নীংশিংলদুনা, প্রধান মন্ত্রীনা হায় মতমগী খোঙচৎকা ইরোইননা, ঐখোয়গী লৈবাক অসিদা স্বামী বিবেকানন্দগী শাফু অমসুং ইথিল অদুমক লেংদনা লৈরি। মহাক্কী লৈবাক নীংবগী অমদি লৈবাক শেমগৎপগী ৱাখল্লোন অমসুং মহাক্না মীয়ামগী থৌগৎ অমদি মালেমগী থৌগৎ তৌবগী মতাংদা তাকপী রম্বীরম্বা অসিনা ঐখোয়বু মখা তানা ইথিল পীরি। প্রধান মন্ত্রীনা স্বামীজীনা ইন্দিবিজ্যুএল অমদি ইন্সিতিত্যুসনদা শরুক তমখিবগী মতাংদা ৱা ঙাংখি। ইন্দিবিজ্যুএলশিংনা স্বামী ইবেকানন্দগা নকশিন্নখি অমদি ইন্সিতিত্যুসনশিং শেমগৎখি অমসুং মখোয়না অমুক অনৌবা ইন্সিতিত্যুসন-বিল্দরশিং শেমগৎখি। অসুম্না লোইবা নাইদ্রবা সাইকল অমদা ইন্সিবিজ্যুএল দেবেলপমেন্তদগী ইন্সিতিত্যুসন-বিল্দিং অমসুং ভাইস-ভর্সা হৌখি। প্রধান মন্ত্রীনা ইন্দিবিজ্যুএল ওন্তপ্রিনোরশিপ অমসুং অচৌবা কম্পনীশিংগী মরক্তা লৈনরিবা মরীশিং অদু থম্লদুনা মসি ভারতকী অচৌবা পাঙ্গল অমনি হায়না ফোঙদোকখ্রে। মহাক্না নহাশিংদা হন্দক্তা নেস্নেল এজুকেসন পোলিসীগী ফ্লেক্সিবিলিতী অমসুং ইন্নোবেতিব লর্নিং ফোর্মেৎকী কান্নবা লৌনবা হায়খ্রে। লৈবাক অসিদা ঐখোয়না ইকোসিস্তেম অমা শেমগৎনবা হোৎনরি মসি য়াওদবনা অয়াম্বা মতমদা নহাশিংনা মপাল লৈবাক্তা চৎহনখি হায়না প্রধান মন্ত্রীনা ফোঙদোকখ্রে।

প্রধান মন্ত্রীনা হায় থাজবা, পুকচেল শেংবা, অকিবা লৈতবা অমসুং থৌনা লৈবা নহাশিং অসি লৈবাক্কী য়ুম্বীনি হায়না স্বামী বিবেকানন্দনা শকখঙলমখি। শ্রী মোদীনা নহাশিংগীদমক্তা স্বামী বিবেকানন্দগী লাইৱাশিং অদু খুদোল তমখি। হকচাং ফনা থম্নবা “য়োৎকী তোংশা অমসুং স্তীলগী শিংলি-নাওরি’ ওইহনবা তাই, পর্সনেলিতী দেবেলপমেন্তগীনা ‘ইশাদা থাজবা থম্বা’; লুচিংবা ওইবা অমসুং তীমৱার্ক্কনা স্বামীজিনা ‘পুম্নমক্তা থাজবা থম্বা’ হায়না তাকপীরমখি।

প্রধান মন্ত্রীনা নহাশিংদা রাজনিতিদা ইশাগী ওইজবা থাদোক্তুনা অমদি কান্নগদবা মওংদা শরুক য়ান্নবা ফোঙদোকখ্রে অমসুং মহাক্না হায় ঙসি পুকচেল শেংবা মীওইশিংনা তাঞ্জা ফংহল্লি, পথাপ-নাইদবা থবক থৌরমশিং চত্থরম্বা মফম অমা ওইরিবা রাজনিতীগী অরিবা থৌওং অসি হোংহল্লক্লি। ঙসি পুকচেল শেংবা অমসুং মথৌ ফজনা তৌবা অসিনা খ্বাইদগী মরু ওইবা ওইরক্লি। হিরম অসিদা প্রধান মন্ত্রীনা শাগৈগী ওইবা রাজনিতীদা শাংনা ৱা ঙাংখি। মহাক্না হায় শেঞ্জা-থুমজা হায়বা অসি মীয়াম্না পুরিবা পোৎলুম অমদি মসি হৌখিবা মতমদা শেঞ্জা-থুমজা তৌখিবগী মহৈনি। মহাক্না নহাশিংদা শাগৈগী ওইবা চৎনবী অসি মরু ফংনা মুত্থৎনবা ফোঙদোকখ্রে। শাগৈগী ওইবা রাজনিতী তৌবনা দেমোক্রেতিক লৈরিবা পথাপ অসিদা মতিং হন্থহনবগী ফীভম অমদা লোয়ননা মীয়ামগী লৈঙাক্তা শুপ্নম লৈঙাক পুরকই মরমদি অসিগুম্বা মীওইশিং অসিনা ইমুংগী রাজনিতী অমসুং ইমুং অদুদা রাজনিতী লৈহন্নবা হোৎনৈ। “ঙসিদি শাগৈগী মিংদা মীখল কারম্বগী মতম লোইশিল্লক্লে, অদুবু রাজনিতিদা শাগৈগী মরী অসি হৌজিকসু মপুং ফানা লোইশিনদ্রি....শাগৈগী রাজনিতীনা লৈবাক্না মাঙদা থমবগী মহুৎ ঐ অমসুং ঐগী ইমুং মনুং হায়বা ৱাখল্লোন হান্না পুশিল্লকই। মসিনা ভারত্তা খুন্নাইদা শেঞ্জা থুমজা থোকহনবগী য়াম্না মরুওইবা মরম অমসু ওইরি” হায়না প্রধান মন্ত্রীনা হায়খি।

থৌরম অসিদা ৱা ঙাংলদুনা লোক সভাগী ৱা ঙাংলোই শ্রী ওম বির্লানা হায় ঐখোয়গী লৈবাক অসি চাউখৎহন্নবা অমসুং সম্বিধান অমদি পার্লিয়ামেন্তকী মপাঙ্গল কনখৎহন্নবা নহাশিংগী থৌনা লিংজেল অমসুং শক্তি শীজিন্ননবা ঐখোয়না অঙম্বা থাক্তা হোৎনগদবনি। মহাক্না নহাশিংনা লৈবাক অসিগী থবক-থৌরমদা, ঐখোয়গী দেমোক্রেসীদা অমসুং সিস্তেমশিংদা থৱায় য়াওনা শরুক য়াবনা ভারতকী দেমোক্রেসীগী তুংলমচৎ অসি মঙাল লৈ হায়না থাজবা ফোঙদোকখি। নহাশিংনা অফবা অওনবশিং পুরক্নবা ইন্নোবেসনশিংগা লোইননা মাংলোমদা চংশিল্লি, মসি লৈবাক অসিগী দেমোক্রেতিক্কী তুংলমচৎকী অফবা খুদম অমনি।

শ্রী বির্লানা শরুক য়ারিবা নহাশিংদা মীয়ামগী মরক্তা পার্লিয়ামেন্তরী প্রোসিজরশিং অমসুং ভেল্যুশিংগী মরমদা এৱের্নেস পীনবা হায়খি। মহাক্না মসিদগী নহাশিংনা ফংলকপা শক্তি অমসুং থৌনা-লিংজেল অদুনা লৈবাক অসিগী তোঙান তোঙানবা শরুকশিংদা দেমোক্রেসীগী মপাঙ্গল কনখৎহনবদা মতেং পাংগনি অমসুং মসিগা লোইননা লৈবাক অসিনা থেংনরিবা সমস্যাশিং অমসুং খুদোংচাদবশিং অসি দেমোক্রেসীগী মীদিয়মগী খুত্থাংদা ৱারোইশিন পুরক্নবা এভেন্যুশিং হাংদোক্লগনি।

শ্রী বির্লানা মখা তানা স্বামী বিবেকানন্দনা  নহাশিংদা অখাং কনবা অমসুং ইশাদা থাজবা থম্বগী গুনশিং অসি মপাঙ্গল কনখৎহন্নবা পাউজেল পীখিবা অদু উবা ফংখি। মহাক্না হায় মসিগী চপ মান্নবা শক্তি অমদি থাজবা অসি শরুক য়ারিবা পুম্নমক্তা উবা ফংঙি মসিনা ওইথোক্তবা থবক কয়া ওইথোক হনবা ঙমগনি অমসুং মখোয়না স্বামীজীগী মঙলান মঙ ফাওনবা ঙমহনবগী মতিক ময়াই চেল্লী।

সম্বিধানগী মরু ওইবা অদু পুথোক্লদুনা কেন্দ্রগী এজুকেসন মন্ত্রী শ্রী রামেশ পোখ্রিয়ল ‘নিশঙ্ক’না হায় প্রিএম্বল অসি ঐখোয়গী সম্বিধানগী খ্বাইদগী মরুওইবা শরুক অমনি অমসুং প্রিএম্বলগী অহানবা ৱাহৈ পরেং অসি “ৱী দি পিপল ওফ ইন্দিয়া”নি। ৱাহৈ পরেং অসিনা মরৈবাক নিংবগী ৱাখল্লোন অমদা মীপুম খুদিংবু পুন্না পুনসিল্লি। মহাক্না মখা তারদুনা হায় প্রজাশিংনা পার্লিয়ামেন্তরী অমসুং সম্বিধানগী থৌওংদা খ্বাইদগী মরু ওইবা মচাক ওই অমসুং প্রজাশিংগী মরক্তা খ্বাইদগী মরু ওইবা শরুক অসিনা নহারোলশিংনা ওইরি।

নহাশিং থৌনা হাপ্পনা লৈবাক অসি চাউখৎহনবা ঙম্মি অমদি নেস্নেল য়ুথ ফেস্তিবেলগী খুত্থাংদা খুন্নাইদা লৈরিবা মীওই অমমমতা থৌনা হাপনবা অমসুং মখা আনা খুন্নাইদগী জাতিগী থাক্তা চত্থবা কেম্পেন অসি খোঙজেল য়াংনা চংশিল্লি হায়বা শ্রী পোখ্রিয়কনা উবা ফংখি হায়না ফোঙদোকখ্রে।

স্বামী বিবেকানন্দবু নীংশিংলদুনা শ্রী পোখ্রিয়লনা হায় স্বামীজীনা মতম পুম্বদা নহাশিংবু লৈবাক অসিগী খ্বাইদগী অথোইবা পাঙ্গলনি হায়না লৌরমখি। মহাক্না মখা তারদুনা হায় মীওইবগী লমচৎ-শাজৎ শেমগৎপা হায়বা অসি পুন্সিদা খ্বাইদগী মরু ওই অমসুং খুন্নাই শেমগৎপা লোইননা জাতি অমা শেমগৎপা হায়বা অসি য়ুম্বী মরিদা য়ুম্ফম ওই, মখোয় অদুদি ফিজিকেল প্যুরিফিকেসন, সোসিএল প্যুরিফিকেসন, ইন্তেলেকচ্যুএল প্যুরিফিকেসন অমসুং স্পিরিচ্যুএল প্যুরিফিকেসন্না ওই।

য়ুথ এফির্স অমসুং স্পোর্তসকী কেন্দ্রগী এম.ও.এস.(আই/সি) শ্রী কিরেন রিজিজুনা মহাক্কী ৱারোলদা হায় তেক্নোলোজী শীজিন্নদুনা ওনলাইন-ওফলাইন হাইব্রিদ মোদতা পাঙথোকপা নেস্নেল য়ুথ ফেস্তিবেল অসি মসিনা অহানবনি অমসুং মসিদা রেকোর্দ ওইনা শরুক য়াখিবা উবা ফংখি। ফেস্তিবেল অসিদা নহারোল লাখ ৭না তোঙান তোঙানবা অথোই-অহেন চাংদম্নবা ২৪দা শরুক য়াখি অমসুং মহাক্না নেস্নেল য়ুথ পার্লিয়ামেন্ত ফেস্তিবেলদা থোইখ্রবশিংবু থাগৎপা ফোঙদোকখি। প্রধান মন্ত্রী শ্রী নরেন্দ্র মোদীনা জাতিদা কোবিদ-১৯ লান্থেংননবা ফোঙদোকখিবা মতমদা মালেমগী ওইবা লাইচৎ অসিগী মায়োক্তা লান্থেংনবদা ভারতকী নহারোলশিংনা মাং থাদুনা থৌদাং লৌখি হায়না শ্রী রিজিজুনা ফোঙদোকখি। নেস্নেল য়ুথ দেগী থৌরমদা নহাশিংবু থাগৎলদুনা মহাক্না হায় আত্মানির্ভর ভারত শেমগৎনবা ভারত্তা নহাশিংগী অচৌবা শক্তি লৈ অমসুং মসিগী নহারোলগী চারোন অসিনা এক ভারত, শ্রেস্থা ভারতকী ৱাখল্লোন অসি ঙাক শেনগনি।

মতুং তারপা ওইনা থৌরম লোইশিনবদা নেস্নেল য়ুথ পার্লিয়ামেন্ত ২০২১গী অথোই-অহেন চাংদম্নবদা থোইখ্রবশিংদা  দিগ্নিতরীশিংনা মেমেন্তোশিং খুদোল তমখ্রে।

*******