কম্পিতিসন কম্মিসন ওফ ইন্দিয়া (সি.সি.আই.)না ওস্তিন হোল্দকো., জি.আই.সি. ইনবেস্তর অমসুং সি.পি.পি.আই.বি. ইনবেস্তরনা ভর্তুসা কোর্পোরেসনগী ইক্বিতী ইন্তরেস্ত ১০০% লৌশিনবা অমসুং পুন্না কন্ত্রোল তৌবগা মরী লৈন্ননা পুনশিন্নবা প্রপোজ তৌখিবা অদু অয়াবা পীখ্রে।

পুনশিন্নবা প্রপোজ তৌখিবা অসি বরিং প্রাইবেৎ ইক্বিতী এসিয়া (বি.পি.ই.এ.) (ওস্তিন হোল্দকো.গী খুত্থাংদা), অতাগো ইনবেস্তমেন্ত প্রাইবেৎ লিমিতেদ (জি.আই.সি. ইনবেস্তর) অমসুং সি.পি.পি. ইনবেস্তমেন্ত বোর্দ প্রাইবেৎ হোল্দিংস (৪) ইনকোর্পোরেসন (সি.পি.পি.আই.বি. ইনবেস্তর)না ভর্তুসা কোর্পোরেসনগী ইক্বিতী ইন্তরেস্ত ১০০% লৌশিনবা অমসুং পুন্না কন্ত্রোল তৌবগা মরী লৈনৈ।

ওস্তিন হোল্দকো অসি দেলাৱরাদা ইনকোর্পোরেৎ তৌবা কম্পনী অমনি। মসি হৌজিক মখল অমত্তগী বিজিনেসকী থবক থৌরম অমদা তৌদে। বি.পি.ই.এ. অসি এসিয়াগী প্রাইবেৎ ক্বিতী ইনবেস্তমেন্তদা মীৎয়েং থম্লিবা ইন্তরনেস্নেল প্রাইবেৎ ইক্বিতী ফর্ম অমনি।

জি.আই.সি. ইনবেস্তর অসি অপস্তার ইনবেস্তমেন্ত প্রাইবেৎ লিমিতেদগী মখাদা মপুং ওইনা লৈ হায়রিবা অসি অমুক জি.আই.সি. (ভেঞ্ভর) প্রাইবেৎ লিমিতেদকী মখাদা মপুং ওইনা লৈ। জি.আই.সি. ইনবেস্তর অসি সিঙ্গাপুরদা লৈবা প্রাইবেৎ লিমিতেদ কম্পনী অমা ওইনা ওর্গনাইজ তৌবা স্পেসিএল পর্পজ ভেহিকল অমনি মসি জি.আই.সি. স্পেসিএল ইনবেস্তমেন্ত প্রাইবেৎ লিমিতেদনা মেনেজ তৌবা গ্রুপ ওফ ইনবেস্তমেন্ত হোল্দিং কম্পনীস অমগী শরুক্নি।

সি.পি.পি.আই.বি. ইনবেস্তর অসি কেনেদিয়ন কোর্পোরেসন অমনি অমসুং কেনেদা পেন্সন প্লানগী সবসিদিয়রীগী মখাদা মপুং ওইনা লৈ। মসি ইনবেস্তমেন্ত হোল্দিং কম্পনী অমনি অমসুং মখল কয়াগী এসেৎশিংগী পোর্তফোলিয়োদা ইনবেস্ত তৌরি।

ভর্তুসা অসি গ্লোবেল ইনফোর্মেসন তেক্নোলোজী সর্ভিসেস কম্পনী অমনি। ভর্তুসানা মাগী সবসিদিয়রীশিংগী খুত্থাংদা  এপ্লিকেসন আউৎসোর্সিং সর্ভিসেস, বিজিনেস অমসুং আই.তি. কনসলতিং সর্ভিসেস, তেক্নোলোজী ইমপ্লিমেন্তেসন সর্ভিসেস, সিস্তেমস ইন্তিগ্রেসন, দিজিতেল ইঞ্জিনীয়রিং, ক্লাউদ সোলুসনস অসিনচিংবা য়াওনা ভারত্তা আই.তি. সর্ভিসেসকী লমদা থবক তৌখি।

সি.সি.আই.গী অকুপ্পা মরোল য়াওবা ওর্দর থোরকখিগনি।

****