প্রধানমন্ত্রীগী লোইশঙ
প্রধান মন্ত্রীনা শ্বামী বিবেকানন্দাগী লুচিংবগী পাউতাক নহাশিংদা শন্দোকনা হায়খ্রে
ঐখোয়না ঐখোয়গী নহারোলগীদমক হেন্না ফবা মহৈগী ওইবা অমসুং ওন্তরপ্রিনরেলগী খুদোংচাবা পীনবগীদমক হোৎনরি: পি.এম.
Posted On:
12 JAN 2021 2:49PM by PIB Imphal
প্রধান মন্ত্রী শ্রী নরেন্দ্র মোদীনা লৈবাক অসিগী নহারোলশিংদা শ্বামী বিবেকানন্দগী লুচিংবগী পাওতাকশিংদা মতুং ইন্নবা হায়খ্রে অমসুং অসিগুম্বা তমজনিঙাই ওইরবা লম্বোইবা অসিনা মীওইবা অমগী অমসুং সংস্থানশিংগী চাওখৎ থৌরাং কয়াদা লৌরিবা থৌদাং অসিগীদমক থাগৎপা ফোংদোকখ্রে। নেস্নেল য়ুথ পার্লিয়ামেন্তকী ঙসি লোইশিনবা থৌরম অসিদা ৱা ঙাংলদুনা, প্রধান মন্ত্রীনা শ্বামী জিনা মীওই অমদা লৈগদবা অফবা ৱাখল চাওখৎনবদগীনা সংস্থানশিংগী শেমগৎপদা লৌরম্বা থৌদাংশিংগী মতাংদা ৱা ঙাংখি।
শ্রী মোদীনা পল্লদুনা হায়খি মদুদি মীওই অমনা শ্বামী বিবেকানন্দগা থেংনরুবা অমসুং সংস্থানশিং শেমগৎপা অমসুং হায়রিবা অসিনা অনৌবা সংস্থান অমা পুখোকই। মসিনা মীওই অমদা অফবা শাজৎ শেমগৎপদগীনা সংস্থানশিং শেমগৎলি। প্রধান মন্ত্রীনা অসিগুম্বা ইন্ত্রেপ্রিন্যুরশিপকী খুদম পীদুনা শন্দোক্না খঙহনবা অসি ভারতকী ওইনা য়াম্না চাওবা শক্তি অমা ওইরি। মহাক্না তাকখি মদুদি মীওই অমনা অচৌবা কম্পনি অমা শেম্মী অমসুং অসিগুম্বা কম্পনি অসিগী কাংলুপ্না হৈ-শিংলবা মীওই কয়া অমবু মখোয়গী ওইনা অনৌবা কম্পনি অমা পুথোক্লি।
মহাক্না নহারোলশিংদা মসি অমসু হায়খি মদুদি হন্দক্তা থোকখিবা নেস্নেল এজুকেসন পোলিসি অসিগী কোমথোক্লবা অমসুং অনৌবা ৱাখল অমা পুথোক্নবা তম্বীবগী মওং অসিগী খুদোংচাবা লৌগদবনি। পোলিসি অসিনা পান্দম থম্লিবা অসি অফবা মীওই অমা ওইনবা তুংগী ওইবা আসা অমা, হৈ-শিংবা, ৱাখল তাম্মিন্নবা অমসুং নহা ওইবগী অপাম্বা খনবা অসিনি। মহাক্না লৈবাক অসিগী নহারোলশিংদা পীরিবা হেন্না ফবা মহৈ তম্বা অমসুং ইন্ত্রেপ্রিন্যুরিএলগী মরুওইবা অসি পনখি। “ঐখোয়না লৈবাক অসিদা ইকোসিস্তেম অমা পুথোক্নবা হোৎনরি, মসি লৈতবনা, নহাশিংনা মপাল লমদা চৎনবগী মরম ওইরকই” হায়না প্রধান মন্ত্রীনা হায়খি।
প্রধান মন্ত্রীনা হায়খি মদুদি শ্বামী বিবেকানন্দ অসি মশানা মশাবু থাজবা, থম্মোয় শেমবা, অকিবা লৈতবা অমসুং মথৌনা ফবা নহা অমা ওইনা লৈবাক অসিদা হৌরকখি। শ্রী মোদীনা নহারোলগীদমক শ্বামী বিবেকানন্দগী মন্ত্র পীখি। হকচাং ফনা থম্নবগীদমক মসি ‘মসলস ওফ আইরন এন্দ নার্ভ ওফ স্তীল’ সরকার অসিনা ইন্দিয়া অসি হকচাং ফনা লৈনবগী পুক্নিং থৌগৎলি, য়োগা অমসুং হৌজিক মতমগী ওইবা মশান্নশিং। ইশাগী লমচৎ ফগৎনবা পাউতাক অসিনা ‘ইশাবু থাজবা’; লুচিংবা অমা ওইনা অমসুং মীয়াম পুন্না তৌমিন্নবগীদমক ‘পুম্নমকপু থাজবা’ অসি শ্বামীজিনা হায়বিরম্মী।
****
(Release ID: 1687936)
Visitor Counter : 153
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam