অৱাং নোংপোক লমদগীদমক্তা অহানবা অমদি অমা খক্তা ঙাইরবা দেদিকেতেদ ভেঞ্চর ফন্দ ওইরিবা দি নোর্থ ইস্ত ভেঞ্চর ফন্দ (এন.ই.ভি.এফ.) অসি স্তার্ত-অপশিং অমসুং নহা ওইরিবা ওন্তোপ্রিনোরশিংনা মশক খঙবা হেনগৎলক্লি। দেবেলপমেন্ত ফোর নোর্থ ইস্তর্ন রিজন (দোনর) মন্ত্রালয়গী ভেঞ্চর ফন্দ স্কীম অসি লমদম অসিগী বিজিনেস ভেঞ্চরশিং অমসুং স্কিল দেবেলপমেন্ত থৌগৎনবা হৌদোকখিবনি।

স্কীম অসিগী মতাংদা দেবেলপমেন্ত ফোর নোর্থ ইস্তর্ন রিজন (দোনর), এম.ও.এস. পি.এম.ও., পর্স্নেল পব্লিক গ্রীভান্সেস, পেন্সন, এতোমিক ইনর্জী অমসুং স্পেসগী কেন্দ্রগী রাজ্য মন্ত্রী (ইন্দিপেন্দেন্ত চার্জ) দা.জিতেন্দ্র সিংহনা হায়খি দোনর মন্ত্রালয়না  নোর্থ ইস্তর্ন দেবেলপমেন্ত ফাইনান্স কোর্পোরেসন লিমিতেদ (এন.ই.দি.এফ.আই.)গা খুৎশম্নদুনা লুপা করোর ১০০গী ইনিসিএল কোর্পসকা লোইননা অৱাং নোংপোক্কী অহানবা অমদি অমত্তা ঙাইরবা ভেঞ্চর ফন্দ, নোর্থ ইস্ত ভেঞ্চর ফন্দ লিংখৎখি। ফন্দ অসিনা স্তার্ত-অপশিং ইনবেস্ত তৌনবা অমসুং অনৌবা ওন্তপ্রিনোরশিপশিংদা রিসোর্সশিং ফংহন্নবা তোপ-তোপ্পা বিজিনেসকী খুদোংচাবশিং ফংহন্নবা পান্দম থমখি। মহাক্না হায়খি, নোর্থ ইস্ত ভেঞ্চর ফন্দ (এন.ই.ভি.এফ.)না ফুদ প্রোসেসিং, হেল্থকিয়র, তুরিজম, সর্ভিস, আই.তি. অসিনচিংবা খাইদোকপগী থবক তৌরিবা অয়ামবা এন্তরপ্রাইস্তা মপুং ওইবা মীৎয়েং থমখি।

দা. জিতেন্দ্র সিংহনা হায় খঙজিনবদা য়াম্না নুংঙাইরিবদি অৱাং নোংপোক লমদমগী নহাশিংদা থবক পীনবা অহানবগী ইথিল পীনবা হৌদোকখিবা ভেঞ্চর ফন্দ স্কীম অসি হৌজিক্তি অৱাং নোংপোক লমদমগী লোৎশিনদুনা লৈরম্বা মতিক ময়াই কয়াগী খুত্থাংদা মখোয়গী লাইবক চাংয়েং তৌবা পাম্বা তোঙান তোঙানবা লমশিংদগী লাকপা নহাশিংগী তোঙান তোঙানবা কাংলুপশিংগী মীৎয়েং চিংশিনবা হৌখ্রে। ভেঞ্চর ফন্দ স্কীম অসি চহি মঙাদগী তরা শাংবা তর্ম হোরিজন ওইবগা লোইননা ইনবেস্তমেন্তগী চাং লুপা লাখ ২৫দগী লুপা করোর ১০ ফাওবগী মরক্তা ওই, হায়না মহাক্না মখা তাখ্রে।

দা. সিংহনা হায় অৱাং নোংপোক লমদমগী মন্ত্রালয়না লৈবাক অসিগী তোঙান তোঙানবা মফমশিংদা ওন্তপ্রিনোরশীপ এভেন্যুশিং য়াওনা অৱাং নোংপোক লমদমগী তোঙান তোঙানবা মশকশিং তাক্নবা সিরিজ “দেস্তিনেসন নোর্থ ইস্ত” হৌদোকখ্রে। থৌরমশিং অসিগী মনুংদা মচিন তুমখৎলক্লিবা ওন্তপ্রিনোরশিং অমসুং ব্যুজিনেস স্তার্ত-অপশিংদা কাউন্সেল্লিং অমসুং এসিস্তেন্স পীনবা অখন্ননা শিল লাংখি।

<><><><><>