নেস্নেল জল জীবন মিসনগী মীওই ৬কী তিম অমনা খোঙচৎ অমদা মনিপুরদা জনুৱারী ১০দগী ১৩, ২০২১ ফাওবী ওইনা লাকখ্রে। তীম অসিনা তেক্নিকেলগী ওইবা মতেং পীগনি অসুম্না মরু ওইবা প্রোগ্রাম অমা ওইরিবা জল জীবন মিসনগী মখাদা ‘হর গর জল’গী পান্দম মঙ ফাওনবা ঙম্নবা রাজ্যদা মতেং পাংগনি। তীম অসিনা রাজ্য অসিদা প্রোগ্রাম ইমপ্লিমেন্ত তৌরিবশিংনা থেংনবা সমস্যাশিং অমসুং শিংনবশিং খঙদোক্নবা  লোইননা লৈবাক অসিগী অতোপ্পা শরুক শিংদা থবক খুমাং চাউশিনহন্নবা অমসুং মতৌ তমহন্নবা অফবা থবকশিং দোক্যুমেন্ত তৌবদা পান্দম থম্লি।

তীম অসিনা ককচিং, থৌবাল, বিশনুপুর অমসুং নোনে জিলাশিং অসিদা নুমিৎ মরিনিগী খোঙচৎ অসিদা চৎকনি। মখোয়না পৱাতর সপ্লাই স্কীমশিং  ইমপ্লিমেন্ত তৌবদা য়াওখিবা ফিল্দ লেবেল ওফিসিএলশিং লোইননা প্রোগ্রাম অসিগী মখাদা শেমখিবা ইনফ্রাস্ত্রকচর য়েংশিল্লিবা গ্রাম প্রধানশিং অমসুং গ্রাম পঞ্চায়ৎশিংগী মেম্বরশোংগা ৱারী শাগনি। মখোয়দা প্রোগ্রাম অসি থবক্কী খুমাং চাউশিনবা অমসুং খোঙজেল য়াংনা ইমপ্লিমেন্ত তৌনবা খোঙথাং লৌখৎনবগী মতাংদা পাউদম্নবা দিস্ত্রিক্ত ৱাতর এন্দ সেনিতেসন মিসনগী চিয়রপর্সন/ দিপুতী কম্মিসনরগা লোইননা তীম অসিনা মীফম পাঙথোক্কনি। খোঙচৎকী অরোইবা নুমিৎতা তীম অসিনা দি-ব্রিফ সেসন অমা পাঙথোক্নবা থৌরাং তৌখ্রে।

মনিপুরগী রাজ্যদা খুঙ্গংগী য়ুমথোং লাখ ৪.৫১রোম লৈ, মসিগী মনুংদা য়ুমথোং লাখ ১.৬৭ (৩৭%)তা তোতি ঈশিংগী সপ্লাই তৌবা ঙমখ্রে। রাজ্য অসিনা ২০২০-২১দা ফঙ্কস্নেল হাউসহোল্দ তেপ কন্নেক্সন লাখ ২ ফংহন্নবা পান্দম থম্লি।  জল জীবন মিসন (জে.জে.এম.)গী মখাদা রাজ্য অসিনা ২০২১-২২ ফাওবদা তোতি ঈশিং ১০০% শম্বা ঙম্নবা থৌরাং তৌখি।

জল জীবম মিসন অসি প্রধান মন্ত্রীনা অগস্ত ২০১৯দা লাউথোকখিবা মরু ওইবা প্রোগ্রাম অমনি, মসিনা ২০২৪ ফাওবদা খুঙ্গংগী য়ুমথোং খুদিংদা ঈশিং মরাং কাইনা অমদি অপীবা ক্বালিতীদা তোতি ঈশিং সপ্লাই তৌনবা পান্দম থমখিবনি। কেন্দ্র সরকারনা থক্নবা ঈশিং ফংহনবা হায়বা অসি খ্বাইদগী মরু ওইনা লৌবা অমা ওইবনা মতেং পুম্নমক পীনবা হোৎনখি। প্রোগ্রাম অসিগী মখাদা ভারত সরকারনা তোতি ঈশিং শমখিবগী আউৎপুৎশিংদা অমদি কেন্দ্র অমসুং রাজ্যগী চান্নবা শিয়র শীজিন্নখিবদা য়ুম্ফম ওইরগা ফন্দশিং পীথখি। ২০২০-২১দা মনিপুরদা কেন্দ্রনা লুপা করোর ১৩১.৮০ এল্লোকেৎ তৌখি।

খুঙ্গংগী থাক্তা এম.জি.নরেগা, জে.জে.এম., এস.বি.এম (জি), পি.আর.আই.শিং, সি.এ.এম.পি.এ. লোকেল এরিয়া দেবেলপমেন্ত ফন্দ অসিনচিংবদা পীবা ১৫শুবা ফাইনান্স কম্মিসন গ্রান্তশিং অসিগুম্বা তোঙান তোঙানবা প্রোগ্রামশিংগী মখাদা রাজ্যনা পুনশিন্নবা থৌরাং তৌবা অমসুং অসিগুম্বা ফন্দ পুম্নমক অসি পুনশিনদুনা ১৫শুবা ফাইনান্স কম্মিসনগা লোইননা কো-তর্মিনস ওইদুনা চহি ৫গী ওইনা খুঙ্গং খুদিংমক্কী ভিলেজ এক্সন প্লান (ভি.এ.পি.) শেম্বা মথৌ তাই অসুম তৌদুনা থাক্নবা ঈশিংগী সেক্যূরিতী পীনবা তোঙান তোঙানবা থবক-থৌরমশিং পাইখৎপা য়াগনি।

মনিপুর অসি নোং য়াম্না চুবা মফম অমা ওইরবসু চহি খুদিংগী ফেব্রুৱারী-মে ফাওবগী ইকং পন্থাদা ঈশিংগী অৱাবা মায়োক্নৈ। মনিপুর অসি হাইদ্রোইলেক্ত্রিক পাৱর মরাং কাইনা শুংবা য়াবা মফম ওইবগা লোইননা মপুং ওইনা লৌউ শিংউদা য়ুম্ফম ওইবা শেন্মীৎলোন অমা লৈ। মনিপুরদা ঈশিং ফজনা মেনেজ তৌদবনা ঈশিংগী সপ্লাই কাহেন্না শোত্থহনবগা লোইননা ঈশিংগী ক্বালিতীসু হন্থহল্লি। ঈশিং তাংবা, ঈশিং মাংহনবা অমসুং পোলুসন অসি ঈশিংগী মেনেজমেন্তগা মরী লৈননা মীৎয়েং চংবা মথৌ তাবা মরুওইবা লমশিংনি। নিয়ম চুম্বা রিচার্জ স্ত্রকচরশিং অমসুং ৱাতরশেদ মেনেজমেন্তগী মতেংনা ইনফিলত্রেসন রেৎ হেনগৎহনবা য়াই অমসুং মসিনা গ্রাউন্দৱাতর রিচার্জ তৌবদা মতেং পাংলগনি।

রাজ্য অসিনা মফম অমসুং ইশিং নুংশিৎকী খুদোংচাদবশিং চৈরক্তা অমসুং কোবিদ-১৯না থোকহনবা অপনবা কয়াগী মরক্তা জল জীবন মীসন ইম্প্লিমেন্ত তৌনবা কন্না হোৎনরি। রাজ্য জে.জে.এম.গী মখাদা অকনবা মওংদা থবকশিং পাইখৎলি অমসুং এন.জে.জে.এম.গী তীমগী খোংচৎ অসিনা রাজ্য অসিদা প্রোগ্রাম অসি ইম্প্লিমেন্ত তৌবদা ইনোৎ অমা হাপ্লগনি।     

হৌজিক ফাওবদা রাজ্য অসিদা খুমাং চাওশিল্লবা মমি খরা মখাদা পীরি (সোর্স-জে.জে.এম. আই.এম.আই.এস. দাশবোর্দ)।

*******