ঙসি পর্লিয়ামেন্তগী সেন্ত্রেল হোলদা য়ুথ এফেয়ার্স অমসুং স্পোর্তস মিনিস্ত্রী অমসুং লোক সভা সেক্রেতরিয়েদনা শীনবা নেসনেল য়ুথ পর্লিয়ামেন্ত ২০২১গী ফাইনেলশিংগী মীফম হৌদোকপা থৌরমদা শরুক য়ারিবশিংদা লোক সভাগী স্পিকর শ্রী ওম বিরলানা ৱা ঙাংখ্রে।

ঙসিগী থৌরম অদুদা য়ুথ এফেয়ার্স অমসুং স্পোর্তসগী রাজ্য মন্ত্রী(ইন-চার্জ)শ্রী কিরেন রিজিজু; এম.পি রুপা গাঙ্গুলি; লোক সভাগী সেক্রেতরি জেনেরেল শ্রী উতপাল কুমার সিংহ; য়ুথ এফেয়ার্সকী সেক্রেতরি উসা শর্মা; স্পোর্তস সেক্রেতরি রবি মিত্তল; রাজ্য থাক্কী য়ুথ পর্লিয়ামেন্তগী ফাইনেলিস্ত ৮৪ অমসুং য়ুথ এফেয়ার্স অমসুং স্পোর্তস মিনিস্ত্রি অমসুং লোক সভা সেক্রেতরিয়েদকী সেনিয়ার ওফিসারশিং শরুক য়াখি। চহি খুদিংগী জনুৱারি ১২দগী জনুৱারি ১৬ ফাওবা পাংথোকপা নেসনেল য়ুথ ফেস্তিবেলগী শরুক অমা ওইনা চহি অসিদা নেসনেল য়ুথ পর্লিয়ামেন্ত ফেস্তিবেল পাংথোকপনি।  

শ্রী বিরলানা হায়খি হৌখিবা চহি ৭০ অসিদা ভারতকী গনতন্ত্র লেপ্তনা মপাঙ্গল কনখৎলক্লি। ঐখোয়গী গনতন্ত্রগী চৎনবীশিংগী শরুক অমা ওইনা মতম পুম্নমক্তা নিংথিজনা শক্তি শীন্নবা অসিদগী ভারতকী গনতন্ত্রগী মপাঙ্গল উবা ফংলে।

শ্রী বিরলানা হায়খি নিংতম্বা ফংদ্রিঙৈ মমাঙদা, নিংতম ইহৌদা ভারতকী নহারোলশিংনা মমাঙ থাখি। মসিগা চপ মান্নবা মওংদা, নুংঙাই-য়াইফবা অমসুং চাউখৎপগী লম্বীদা ভারত চৎনবা নহারোলশিংনা লেপ্তনা থবক তৌগদবনি। লৈবাক অসি চাউখৎনবা মখোয়গী দাইত্ব অমসুং থৌদাং অমা ওইনা নহারোলশিংনা মশক থোকপা থবকশিং পাংথোক্কদবনি। ২০১৭দা মন কি বাত থৌরম মনুংদা তোঙান-তোঙানবা হিরমশিংদা অনৌবা থবক অমসুং অনৌবা ৱাখল্লোলশিংগী খুৎথাংদা ভারত মাঙলোমদা পুখৎনবা থবক তৌনবা প্রধান মন্ত্রী নরেন্দ্র মোদীনা নহারোলশিংদা মরুওইবা মাইকৈ তাকখি। মখোয়গী তেক্নিকেলগী লৌশিং অমসুং হৈশিংবগী খুৎথাংদা অনৌবা পুথোকপদা য়ুম্ফম ওইবা মালেম অমা শেমগৎনবা লাক্লিবা চহিশিংদা ভারতকী নহারোলশিংনা মাঙজিল থাগনি।

মহাক্না হায়খি গনতন্ত্র চৎপা লৈবাক অমদা ঐখোয়গী অনিংবশিং অমসুং খঙজবশিং শরুক য়ারি অমসুং মরৈ য়েৎনরি অমসুং খন্নরি অমসুং খন্নরবা মতুংদা য়ানবা অমা পুরকই। মী খুদিংমক মখোয়গী অনিংবশিং ফোঙদোক্নবা হক পীবা অসি গনতন্ত্র চৎপা লৈবাক অমগী পাঙ্গলনি। লৈবাক্না হান্না হায়বা পান্দমগা লোয়ন্না গনতন্ত্রগী ৱাখল্লোল মপাঙ্গল কনখৎহন্নবা য়ুথ পর্লিয়ামেন্ত মাইপাকপা অমা ওইগদবনি।

মসিগী মমাঙদা ঙসি পাংথোকখিবা হান্নগী প্রধান মন্ত্রী শ্রী লাল বহাদুর শাস্ত্রি লৈখিদবগী কুমওন থৌরমদা শ্রী ওম বিরলানা লৈখিদ্রবা প্রধান মন্ত্রী অসিগী মফমদা ইকায়খুম্নবা উৎখি। মহাক্না হায়খি চম্না হিংবা অমসুং অখাংকনবগী গুনশিংনা লৈতেংখিবা শাস্ত্রিজিনা ভারতকী লান্মীশিং অমসুং লৌমীশিংগী ‘জয় জৱান জয় কিষান’ খোল্লাউ লাউখি। ভারতকী মশাগী ওক্নবা চীঞ্জাক পুথোক্নবা হিরমদা শাস্ত্রিজিনা য়ুম্ফম থোল্লমখি অমসুং অত্মানির্ভর ভারত শেমগৎনবা মাইকৈদা চোকথবা লৈতনা প্রধান মন্ত্রী শ্রী নরেন্দ্র মোদীনা থবক পায়খৎলি।

নেসনেল য়ুথ পর্লিয়ামেন্ত ২০২১গী ফাইনেল শরুক য়াগদবা নহারোলশিং শ্রী ওম বিরলাগা উনখি অমসুং মখোয় পুক্নিং থৌগৎখি। মখোয়না গনতন্ত্রগী থবকশিং হেন্না খঙনবা শরুক য়ারিবা নহারোলশিং অসি পর্লিয়ামেন্তগী থবকশিং য়েংহন্নবা শ্রী ওম বিরলানা লোক সভা সেক্রেতরিয়েত্তা খঙহনখি।

শ্রী কিরেন রিজিজুনা হায়খি ভারতকী গনতন্ত্রগী লাইশঙদা ঐখোয়গী লৈবাক্কী নহারোলশিংনা নেসনেল য়ুথ পর্লিয়ামেন্ত শরুক য়াবা অসি পুৱারি ওইবা থৌদোক অমনি অমসুং মসিগী খুদোংচাবা পীবগীদমক মহাক্না লোক সভাগী স্পিকর শ্রী ওম বিরলা থাগৎখি।

শ্রী কিরেন রিজিজুনা হায়খি শ্বামী বিবেকানন্দগী মপোক নুমিৎ জনুৱারি ১২দা লৈবাক অসিদা নেসনেল য়ুথ দে হায়না থৌরম পাংথোক্লি। এক ভারত, শ্রেস্থা ভারতকী পান্দম ফংনবা নহারোলশিং শরুক য়াহন্নবা চহি অসিদা অনৌবা থবক কয়া পায়খৎলে। লৈবাক অসিগী নহারোলশিং হরাও-তয়াম্না নেসনেল য়ুথ পর্লিয়ামেন্ত ২০২১দা শরুক য়ারি অমসুং থৌরম অসিনা খুন্নাই অমসুং শেন-থুমগী মতাংদা অমসুং গনতন্ত্রগী মগুনশিংগী মরমদা মখোয়দা লৈরিবা ৱাখল্লোলশিং অদু শরুক য়ানবগী মফম অমা পীরে। মসি মখোয়গী ওইনা পুন্সি চুপ্পা নিংশিংদুনা লৈহৌরগদবা থৌদোক্নি।

শ্রী কিরেন রিজিজুনা মখা তানা হায়খি জনুৱারি ১২দগী জনুৱারি ১৬ ফাওবা পাংথোকপা নেসনেল য়ুথ ফেস্তিবেলগী শরুক অমা ওইনা নেসনেল য়ুথ পর্লিয়ামেন্ত ফেস্তিবেল পাংথোকপনি। ১৯৯৫দগী হৌনা য়ুথ এফেয়ার্স দিপার্তমেন্তনা নেসনেল য়ুথ ফেস্তিবেল ২৩ পাংথোকখ্রে। ফেস্তিবেল অসিগী পান্দমদি মখোয়গী হৈশিংবা উৎনবা লৈবাক অসিগী নহারোলশিং পুনশিনবা অমসুং মখোয়গী মফম অমা পীবনি। চহি অসিগী ফেস্তিবেলগী পান্দমদি ‘য়ুবা-উৎসা নয়ে ভারত কা’ হায়বনি। মসিনা অনৌবা ভারত অমগীদমক নহারোলশিং হরাওবা ফোঙদোক্নবা পাউতাক পীরি। মসিগী মরুওইবা পান্দমদি এক ভারত শ্রেস্থা ভারতকী থৌনা অমসুং ৱাখল্লোন শন্দোকপনি।

সেন্ত্রেল হোলগী মরুওইবগী মতাংদা লোক সভাগী সেক্রেতরি জেনেরেল শ্রী উতপাল কুমার সিংহনা হায়খি তুংগী পর্লিয়ামেন্তরিয়ানশিংদা সংসদকী থবকশিং অমসুং মরৈ য়েৎনবা খঙহন্নবা পান্দমদা নেসনেল য়ুথ পর্লিয়ামেন্তগী ৱাখল্লোল অসি প্রধান মন্ত্রী শ্রী নরেন্দ্র মোদীনা হৌদোরকপনি। নহারোল পর্লিয়ামেন্তরিয়ানশিংনা লৌশিং অমসুং মনা ফংবগী কান্নবা অনি ফংলগনি অমসুং ইকুই কুইদনা মখোয় খরদি সংসদকী হাওসকী সিত খর ফম্লবা য়ারি।

মহাক্কী তরাম্না ওকপগী ৱারোলদা শ্রীমতি উসা শর্মনা হায়খি হৌখিবা চহিদা লৈবাক অসিনা অৱাবা কয়া থেংনরবসু নেসনেল য়ুথ পর্লিয়ামেন্ত পাংথোক্লে।ভর্চুএল ওইনা রাজ্য থাক্তা অমসুং জিলা থাক্তা য়ুথ পর্লিয়ামেন্তশিং পাংথোকখি অমসুং ঙসি পর্লিয়ামেন্তগী সেন্ত্রেল হোলদা ফাইনেল পাংথোকপনি।

স্পোর্তস দিপার্তমেন্তগী সেক্রেতরি, শ্রী রবি মিত্তলনা মহাক্কী থাগৎ ৱাহৈশিংদা পর্লিয়ামেন্তগী সেন্ত্রেল হোল শীজিন্নবা য়াহনবা অমসুং নহারোলশিং সংসদকী থবকশিং য়েংহনবগীদমক লোক সভা স্পিকর শ্রী ওম বিরলা অমসুং লোক সভাগী সেক্রেতরিয়েদ থাগৎখি।

হৌদোকপগী মৈরা চুখত্তুনা ঙসিগী থৌরম হৌদোকখি। হয়েং লোইশিনবগী থৌরম পাংথোক্কনি। ভর্চুএল ওইনা প্রধান মন্ত্রী শ্রী নরেন্দ্র মোদীনা নহারোলশিংদা ৱা ঙাংগনি অমসুং মখোয়গা ৱারি শানগনি। জিলা অমসুং রাজ্য থাকশিংদা মাইপাক্লবা মতুংদা ফাইনেলদা লৈবাক অসিগী নহারোল ৮৪ ফেস্তিবেল অসিদা শরুক য়ারি। ফাইনেলগী জুরিশিংগী মরক্তা রাজ্য সভাগী এম.পি শ্রীমতি রুপা গাঙ্গুলি, লোক সভাগী এম.পি পরভেস সাহিব সিংহ সেনিয়র জর্নেলিস্ত অমসুং অইবা শ্রী প্রফুল কেতকার য়াওরি।

*****