ঙসি উত্তর প্রদেসকী রাজ্যপাল শ্রীমতি অনন্দিবেন পতেলনা য়ুনিয়ন ইজুকেসন মিনিস্তর শ্রী রমেস পোখ্রিয়াল ‘নিশঙ্ক’ উনখ্রে। উনবা অদুদা নেসনেল ইজুকেসন পোলিসি-২০২০ থবক ওইনা পায়খৎনবা অমসুং লাইরিক-লাইশু তম্বগা মরী লৈনবা ৱাফমশিং খন্নখি। উনবা অদুদা মিনিস্ত্রিগী সেনিয়র ওফিসিএলশিংসু শরুক য়াখি।

মহৈরোয়শিংগী য়াইফনবা উত্তর প্রদেসকী ইজুকেসন দিপার্তমেন্তনা অঙ্গনৱাদি ৱার্করশিং অমসুং ওজাশিং ত্রেনিং পীনবা পায়খৎলিবা থবকশিং শ্রীমতি অনন্দিবেন পতেলনা পাউদমখি। প্রি-প্রাইমারি অমসুং প্রাইমারি থাক্কী মহৈরোয়শিংগী ‘তিচরস গাইদ’ লাইরিক্কী কোপি অমসু মহাক্না য়ুনিয়ন মিনিস্তরদা খুদোল তমখি। লাইরিক অদুনা তোঙান-তোঙানবা সবজেকশিং হায়বদি ইনভাইরোনমেন্ত, ভেলু ইজুকেসন অসিনচিংবা য়াম্না নুংঙাইবা মওংদা মহৈরোয়শিং হেন্না ফজনা খঙনবা তাকপী-তম্বীনা ওজাশিংদা মতেং পাংগনি।

শ্রী পোখ্রিয়ালনা হায়খি অঙাং ওইরিঙৈদগী হৌনা ময়েক চৎনবা অমসুং মশিং খঙনবা পান্দমগী মখাদা নিউ ইজুকেসন পোলিসি অসিনা মহৈরোয়শিংনা খঙলিবা অদুগী মহৈ ফংবা ঙম্নবা অমসুং ওজাশিং ত্রেনিং পীনবা ফ্রেমৱার্ক অমা শেম্লগনি। এন.সি.ই.আর.ইতিনা অনৌবা নেসনেল করিকুলম ফ্রেমৱার্ক অমা পুথোক্নবা হোৎনরি। তিচরস গাইদ অসিদা পীরিবা পাউতাকশিং য়েংশিনগনি অমসুং চুনবশিং এন.সি.এফতা হাপচিনগনি।

*****