স্তেকহোল্দর অমসুং চত্থোক-চৎশিন তৌরিবা পুম্নমক্তা ক্লীন অমসুং গ্রীন ত্রান্সপোর্তেসন ফংহন্নবা চোকথবা লৈতনা অমদি লেপ্পা নাইদনা হোৎনখিবনা ইন্দিয়ন রেলৱেজনা পাৱর মন্ত্রালয়গী  ব্যুরো ওফ ইনর্জী ইফিসেন্সী (বি.ই.ই.)না শিনবা ইং কুমজা ২০২০গী নেস্নেল ইনর্জী কঞ্জর্বেসন এৱার্দস (এন.ই.সি.এ.)কী অৱাংবা থাক্কী কেতগোরী অহুমদা মনা ১৩ ফংখ্রে।

ৱেস্তর্ন রেলৱেনা অহানবা মনা, ইস্তর্ন রেলৱেনা অনিশুবা মনা, নোর্থ ইস্তর্ন অমসুং সাউথ সেন্ত্রেল ৱেলৱে অসি ত্রান্সপোর্ত কেতগোরীদা সর্তিফিকেৎ ওফ মেরিৎকী মনা পীখ্রে।

বিল্দিং কেতগোরীদা ভাবনগর অমসুং রাজকোৎতা লৈবা দিবিজনেল রেলৱে মেনেজরগী ওফিসশিংনা মথং শিৎনা অহানবা অমদি অনিশুবা মনা ফংখ্রে। ইলেক্ত্রিকেল দিপার্তমেন্ত, দি.আর.এম. ওফিস, নোর্থ ইস্তর্ন রেলৱেনা সর্তিফিকেৎ ওফ মেরিৎকী মনা ফংখ্রে।

রেলৱে ৱার্কশোপশিংগী সবকেতগোরীদা দিজল লোকো শেদ, সাউথ সেন্ত্রেল রেলৱে, বিজেয়ৱাদানা অহানবা মনা ফংখ্রে, কনচ্রাপরা ৱার্শোপ, ইস্তর্ন রেলৱে, নোর্থ ২৪ পর্গন্সনা অনিশুবা মনা ফংখ্রে। সর্তিফিকেৎ ওফ মেরিৎকী মনা অসি মেকানিকেল ৱার্কশোপ, নোর্থ ইস্তর্ন রেলৱে, ইজ্জতনগর, সেন্ত্রেল রেলৱে ৱার্কশোপ, মৈসুর, মেকানিকেল ৱার্কশোপ, মেকানিকেল ৱার্কশোপ, দিব্রুগর, নোর্থ ইস্ত ফ্রন্তিয়র অমসুং সেন্ত্রেল আর্কশোপ, পোনমলৈ, সাউদর্ন রেলৱে, তিরুচিরপ্লিদা পীখ্রে।

মনাশিং অসি ইনর্জী চাদনবা তোঙান তোঙানবা খোঙথাংশিং লৌখৎতুনা ইনর্জী য়োকখৎপদা শীংথানিংঙাই ওইনা ফগৎহনখিবগীদমক্তা ইন্দিয়ন ৱেলৱেজ জোনশিং অমদি ৱার্কশোপশিংদা পীখিবনি । মতুং তারকপদসু ইন্দিয়ন রেলৱেজনা ইনর্জী চাদবা অমসুং অকোয়বগী ফীভম মোৎহনদনবা পরফোর্মেন্স হেনগৎহন্নবা হোৎনখি।

***