রোদ ত্রান্সেপোর্ত অমসুং হায়ৱেজকী মিনিস্ত্রীনা ২০২১গী জানুৱারীগী ৭তা নোতিফিকেসন অমা থোক্তুনা ইন্দিয়াগী নাগরিকশিংগীদমক মখোয়না মপালদা লৈরিঙৈদা মতম লোইখ্রবা ইন্তর্নেস্নেল দ্রাইবিং পর্মিৎ (আই.দি.পি.) পীবদা লাইথোকহল্লগনি।

নাগরিকশিংনা মপালদা লৈরিঙৈদা রিনেৱেল তৌবগী থৌওং অসি লৈরমদে অমসুং মখোয়গী আই.দি.পি. অসি মতম লোইখিরম্মী। হৌজিক্তি, মসিগী এমেন্দমেন্ত অসিনা হায়রি মদুদি ইন্দিয়ন নাগরিকশিংনা রিনেৱেল অসি ইন্দিয়ন এম্বেসি/মিসন এবোর্দতা, হায়রিবা অসিদা এপ্লিকান্তশিংনা ইন্দিয়াদা ভি.এ.ঐচ.এ.এন. পোর্তেলদা চৎতুনা মরী লৈনবা আর.তি.ও.শিংদা থাবা য়ারগনি। আই.দি.পি. অসি মপালদা লৈরিবা নাগরিকশিংগী লৈফমদা মরী লৈনবা আর.তি.ও.শিং মখোয়গী মফমদা য়ৌহনগনি।

নোতিফিকেসন অসিনা মেদিকেল সর্তিফিকেৎকী ওইবা চংবশিং অমসুং ইন্দিয়াদা আই.দি.পি.গীদমক অমুক্তং ওইবা ভিজা অসি লৌথোক্লি। ৱাখল্লোন অসিনা হায়রি মদুদি ইন্দিয়াদা দ্রাইবিং লাইসেন্স পায়রিবা অমনা অতোপ্পা মেদিকেল সর্তিফিকেৎকী মথৌ তাদ্রে। মখা তানা, লম খর অমদি ভিজা অসি য়ৌরবা মতুংদা পীবা নত্ত্রগা ভিজা অসি অরোইবা মতমদা পীরি: অসিগুম্বা ফিবম অসিদা ভিজা অসি আই.দি.পি. থারমদাই অসিদা ফংদে। মরম অদুনা আই.দি.পি. এপ্লিকেসন অসি ভিজা য়াওদনা থাবগী অয়াবা পীরি।

****