ভারতকী উপ রাস্ত্রপতি অমসুং রাজ্য সভাগী চেয়র্মেন, শ্রী এম. ভেঙ্কয়া নাইদুনা লেজিসলেচরগী মরু ওইবশিংগী মতাংদা শন্দোক্না তাকপগা লোয়ননা লেজিসলেচর অমসুং আইন শেম্বা কাঙবুশিংনা মীয়ামগী তঙাই ফদ্রবা থাজবশিংনা শৌগত্তুনা আইনগী কাঙলোনশিং নীংথিজনা ইন্দুনা চৎপা অসি পারলিয়ামেন্তরী দীমোক্রেসীনা নীংথিনা থবক পাংথোকপদা য়াম্না মরু ওইবা অমনি হায়খি। লেজিসলেচর অসি একজেক্যুতিব অমসুং জুদিসিএরীনা লৌবা ৱারেপশিংগী মথৌ নীংথিনা পাংথোকহন্নবা খুৎলায় অমনি হায়রদুনা লেজিসলেচরশিংনা মথৌ নীংথিনা তৌদ্রবা নত্ত্রগা মখোয়না মহুৎ শিল্লিবা মীয়ামগী ইকায় খুম্নবা অদু ফংদ্রগদি মখোয়না আইন করম্না চলায়গনি হায়বা ৱাহং হংখি।

পানাজিদা ঙসি পাংথোকখিবা ‘লেজিসলেচরগী নুমিৎ’কী থৌরম অমদা গোৱাগী হৌজিক্কী অমসুং হান্নগী লেজিসলেচরশিংদা ৱা ঙাংবদা, শ্রী নাইদুনা আইন শেম্লিবা মীওইশিংনা হাউসকী মনুং অমসুং মপান্দা চিং-লেম্বা লিচৎ চত্তুনা অমসুং নীংথিনা মথৌ পাংথোক্তুনা আইনগী কাঙলোনশিং ইন্দুনা চৎনবা হায়খি। মহাক্না আইন শেম্লিবা মীওইশিংনা মশক থোক্না অহোংবা কয়া পুরকপা ঙম্বা গুন ৬ চেন্দুনা হায়রিবা থৌওং অসি পাংথোকপা য়াগনি হায়খি।

উপ-রাস্ত্রপতিনা অসুম্না হায়খি, “লেজিসলেচর অমসুং আইন শেম্বা মীওইশিংনা থবক তৌবগী থৌওংশিংনা গনতন্ত্রগী পথাপ অসি শেম্বা নত্ত্রগা থুগায়বগী মতিক লৈগনি। মখোয়না মথৌ নীংথিজনা পাংথোকপা অসিনা মীয়াম্না থাজবা থম্বা নত্ত্রগা পারলিয়ামেন্তকী ইন্সতিত্যুসনশিংদা থাজবা থম্বগী য়ুম্ফম অমা ওইগদৌরিবনি। অদুবু লাইবক থিবদি, মীয়াম্না লেজিসলেচরশিংদা থাজবা থম্বগী চাং অসি য়াম্না নেম্লে অমসুং মখোয়না তাবা অমসুং উরিবা কয়া অসিগী মরমদগী মখোয়না লেজিসলেচরশিংবু ফনা উবা ঙমদ্রে। মসিগী হীরম অসি অথুবা মতমদা য়েংশিন্দবা য়ারোই”।

আইন শেম্বা মীওইশিংনা মশাগী ওইজবা থিবা থাদোক্তুনা মীয়ামগী য়াইফ-য়ুম্বালগা মরী লৈনবা থবকশিংদা অহানবা মিৎয়েং চঙদুনা থবক তৌহন্নিংই হায়রদুনা, শ্রী নাইদুনা অসুম্না হায়খি, “মীয়ামগী মহুৎ শিনবা অসি অহাংবা মতমদা তৌবা থবক অমগুম্না তৌগদবা নত্তে, মসিদা মতম লোইনা থাদবা ঙমদ্রগসু মসিনা খ্বাইদগী মরু ওইবা থৌদাংনি হায়না লৌগদবনি। মীয়ামগীদমক্তা অফবা তৌবদা খোঙফম চেৎপা অসি হান্না তৌগদবা থবক মশক খঙলবা তুংদা ওইরক্কনি। মীয়ামগী তেংবাংনবা মতম লৈতবা মীওইশিংদি লেজিসলেচরদা চঙদবনা হেন্না ফগনি”।

আইন শেম্বশিংদা চেলহন্নিংবা অতোপ্পা অফবা মগুন কয়াগী মতাংদা ৱা ঙাংলদুনা, শ্রী নাইদুনা মখোয়না মীয়ামশিংগী মরমদা নীংথিজনা খঙদোক্তুনা অমসুং মখোয়গী অৱাবা, অপাম্বশিংবু খঙদুনা, মীয়াম মরক্তা অমসুং লেজিসলেচরগী মনুংদা অচুম্বা লিচৎ চত্তুনা; মোরেল ইন্তেগ্রিতীদা য়ুম্ফম ওইবা লিচত-শাজৎ লৈহন্দুনা, ওইরক্লিবা খুদোংচাদবশিংবু ভাব তাবা ঙম্বগী মতিক লৈদুনা অমসুং মীয়াম অমসুং অমসুং অতোপ্পা স্তেকহোলদরশিংগা নীংথিনা পাউ-ফাওনবা ঙম্বগী মতিক চেন্দুনা মখোয়না মহুৎ শিল্লিবা মীয়ামগা অচেৎপা মরী লৈহন্নবা হায়খি।

উপ-রাস্ত্রপতিনা মখা তানা হায়খিবদা, “ লেজিসলেচর খুদিংমক অসি মখোয়গী মেম্বরগুম্না লোয়না ফবা ঙাক্তনি। মখোয় অনিমক্না মথৌ নীংথিজনা তৌবা অসি মখোয় মশেলদগী মপাঙ্গল লৌনবনিনা অমনা অমগী মখা পোনবনি”। মহাক্না মখা হায়খিবদা মহাক্না পনখ্রিবা মগুন ৬তা য়ূম্ফম ওইদুনা মশক-মওং শেম্বা লেজিসলেচর অমা হেক্তনা হাউসনা ‘খন্নবা, নৈনবা অমসুং ৱারেপ লৌবগী’ থৌওং পাংথোকহন্নিংগনি হায়খি। মসিগী মরমদি, মহাক্না অয়েৎপা পীবগী মহুত্তা করিগুম্বা অফবা খরা পাংথোকপা পাম্বগীনি।

শ্রী নাইদুনা অসুম্নসু ফোংদোকখি, “লেজিসলেচর অমনা সরকারবু শৌগৎপা নত্ত্রগা য়েৎপগী অপাম্বা লৈ। সরকারগী থৌওংশিংবু নীংথিনা খঙলবা তুংদা য়েৎপা অসি অফবনি, অদুবু য়েত্তবা য়াদে হায়না য়েৎপদি অকায়বা লাক্কনি”।

উপ-রাস্ত্রপ্তিনা গোৱানা লৈবাক অসিগী পর কেপিতা ইনকম খ্বাইদগী ৱাংবা রাজ্য অমা ওইরকপা অমসুং মখোয়না মতম শাংনা হোৎনরবা তুংদা লোইলম শাশনগী চহিও ৬০দগী নিং-তম্বা ফংলকপদগী বেস্ত হ্যুমেন দিভেলপমেন্ত ইন্দিকেতর ওইরকপা অসিদা মীয়াম অমসুং গোৱাগী থংন-থংননা পাল্লক্লিবা সরাকরবু থাগৎখি। অদুবু, রাজ্য অসিনা ইং ১৯৬৩দা অহানবা মীখল পাংথোক্লবা মতুংগী চহি ৫৭ অসিদা সরকার মখল ৩০ লৈখিবা অসিগী মতাংদা পল্লদুনা শ্রী নাইদুনা মসি য়াম্না য়াম্বা মশিংনি অমসুং অসিগুম্বা রাজনীতিগী অহোংবা লৈবা অসিনা পামদবা ৱাখল্লোন লৈহল্লকপা য়াই হায়খি। “করিগুম্বা গোৱাদা রাজনীতিগী তংদু লৈতাবা ফিভম অমা লৈরম্মগদি, রাজ্য অসিনা হেন্না চাউখৎলম্বা য়াবরা” হায়বগী ৱাহং অসি মহাক্না হংখি। মহাক্না স্তেকহোলদর খুদিংমক্না, মরু ওইনা লেজিসলেচরশিংনা হীরম অসিগী মতাংদা কুপ্না খন্থহন্নিংই অমসুং রাজ্যসিনা মাং থানা চৎলিবসি অদুমক মখা চত্থহন্নিংলবদি, মসিগী ৱারোইশিন অমা পুরকফম থোকই হায়বগী থাজবা লৈ হায়না মহাক্না মখা তানা ফোংদোকখি।

শ্রী নাইদুনা মখা তানা হায়খিবদা, মসিগী সরকার ৩০ অসিগী মনুংদা ১১দি চহি অমদগী হেন্না তাথনা শুপ্নগী নুমিৎ ৬নিদগী নুমিৎ ৩৩৪নি খক্তা পানখি অমসুং অতোপ্পা ৩ অমনা চহি ২দগী তানা পানখি হায়খি। মসিগী মনুংদগী শুপ্নগী সরকার ৩না মপুং ফাবা মতম পানখি। মসিদা নত্তনা, গোৱা অসি প্রসিদেন্ত রুলগী মখাদা মঙারক লৈখি অমসুং মসিগী অপুনবা নুমিৎ অসি ৬৩৯নি অমসুং মসিদি চহি ২গা চাউরাক্না মান্নবা মতম্নি হায়না হায়খি।

গোৱাগী খ্বাইদগী চাউবা শাহৌ লৌফম ওইরিবা মাইনিং তৌবগী থবক অসিসু লোইশিল্লক্লে হায়না হায়রদুনা ইন্দস্ত্রী শেমগৎপগী অকক্নবা লম লৈবা অমসুং ইকোলোজিকেলগী ওইবা হীরমশিং হেনগৎলকপা অসিনা তুং কোইনা চাউখৎপা শেন্মিৎলোন ওইহনবদা অচৌবা শিংনবা অমা ওইরক্লি হায়না উপ-রাস্ত্রপতিনা পল্লদুনা ইনফোর্মেসন তেক্নোলোজী, বাইওতেক্নোলোজী, স্তার্ত-অপ ওন্তোপ্রিনর্শিপ্নচিংবা অসিনা ‘অনৌবা শেন্মিৎলোন’গী খুদোংচাবা অমা পীরক্লিবা অসিবু রাজ্য অসিগী মীয়াম্না মসিগী তঙাই ফদবা স্কিল মেনপাৱর রিসোর্সশিং অসিবু খুমাং চাউশিলহন্দুনা লৌনবা শেম-শাদুনা লৈবগী তঙাই ফদবগী মতাংদা ৱাফম থমখি।

গোৱাগী রাজ্যপাল, শ্রী ভগৎ সিংহ কোশ্যারী; রাজ্যগী মুখ্য মন্ত্রী, দাঃ প্রমোদ সাৱন্ত; গোৱা এসেম্বলীগী স্পীকর, শ্রী রাজেশ পত্নেকর; দেপ্যুতী স্পীকর, শ্রী ইসিদোর ফর্নান্দেজ; গোৱা সরকারগী লেজিস্লেতিব এফিয়র্সকী মন্ত্রী, শ্রী মাৱিন গোদিনহো; গোৱা এসেম্বলীগী ওপোজিসনগী লুচিংবা, শ্রী দিগম্বর কামৎ; গোৱা লেজিসলেচর ফোরমগী সেক্রেতরী, শ্রী মোহন অমশেকর; গোৱা লেজিসলেতিব এসেম্বলীগী সেক্রেতরী, শ্রীমতি নম্রতা উল্মান; গোৱা লেজিসলেতিব এসেম্বলীগী মন্ত্রী অমসুং মেম্বরশিংনা থৌরম অদুদা অতোপ্পা মীথুংলেনশিংগা লোয়ননা শরুক য়াখি।

মখাদা পীরিবা অসি মহাক্কী অপুনবা ৱারোল অদুনি

ঙসি, ফজরবা গোৱা রাজ্যগী মফম অসিদা, রাজ্য অসিনা লোইলম লৈঙাক্তগী নিং-তম্বা ফংবগী চহি ৬০শুবগী হৌরকপা মতম অসিদা ঐহাক্না নখোয় ময়ামগী মরক্তা লৈবা ফংবা অসিদা ঐহাক্না য়াম্না হরাওবা ফাওই। ঐহাক্না লেজিস্লেতিব এসেম্বলীগী মীহুৎশিংগসু ৫০শুবা লেজিস্লেচরগী নুমিৎ অসিদা উন্নবা ফংবা অসিসু য়াম্না নুংঙাইজৈ। ইংলিশকী অনৌবা চহিসু হৌবতা ঙাইরিবা ওইবা অসিগী খুদোংচাবা লৌরগা ঐহাক্না গোৱাগী চাউথোকচরবা মীয়ামদা য়াইফ-পাউজেল পীজরি।

মমাংগী চহিদি নোভেল কোরোনাভাইরস থোক্লক্তুনা মালেম শিনবা থুংবগী মীয়ামদা অৱা-অনা কয়া নংহনখিবা কোবিদ-১৯গী লাইচৎ ওইহনখিবা থৌদোক্তুগা লোয়ননা য়াম্না পামদবা মওংদা হৌখ্রে। ঐখোয়না হন্দক্কী চহি অসিদি ঐখোয়গী লৈবাক্কী অমসুং মপানগী সাইন্তিস্তশিংনা ভেক্সিন পুথোক্তুনা মাই পাকপা ফংখিবগী ইথিলগা লোয়ননা তরাম্না ওক্লি। মালেমগী মীপুম খুদিংদা নুংঙাইবা অমদি ফাওনরে অমসুং ঐখোয় খুদিংমক্না মমাংগী চহিগী পামদবা থৌদোকশিং অদুবু য়ারিবমখৈ থুনা কাওথোক্লগা চৎপা ঙম্লগনি হায়বগী ঐহাক্না থাজবা লৈ।

মমাংগী চহিদা, ভারতনা অপুনবা এন্তিতী অমা ওইনা থোক্লক্তুনা লাইচৎ অসিগা মশক থোকপা মহৈ ফংদুনা লান্থেংনখি। ভারতকী হকশেলগী ফিভম, দেমোগ্রাফীগী ফিভম অমসুং সোসিও-ইকোনোমিক্কী মান্নদবা খল কয়া য়েংলুরগদি, লাইচৎ অসিনা কেস মশিং য়াম্বা, মীশি মীনা হেন্না থোক্তুনা য়াম্না শোকহনগনি হায়না পানরুবনি। অদুবু ঐখোয়না মসিবু মশক থোক্না থেংনবা ঙমগনি হায়না লৈবাক অসিনা অপুনবা ওইনা খনখিবা ৱাখল্লোন অদুনা থবক ওইনা তাক্লে অমসুং মসিবু লৈবাক মনুংগী অমসুং মপানগী মীওই খুদিংনসু খঙনরে।

গোৱাগী সরকার অমসুং মীয়াম্না লাইচৎ অসিবু নীংথিনা শেন্নদুনা অতোপ্পশিংদা খুদম ওইনা উহনখিবা অদুগীদমক্তা ঐহাক্না য়াম্না হরাওবা ফাওই।

ঐহাক্না রাজ্য সভাগী চেয়রমেন অমা ওইনা লৈবাক অসিগী তোঙান-তোঙানবা মফমশিংগী লেজিসলেচরশিংগা ৱারী শাবা ফংবদা য়াম্না নুংঙাইজৈ অমসুং মসিনা ঐখোয়গী লেজিস্লেচরশিংনা থবক তৌবগী মওং খঙবা ঙম্বা অমসুং পাউতাক কয়া পীনবগী খুদোংচাবা অমসু পীরি। ঙসিগী গোৱাগী লেজিসলেচরশিংগা ৱারী শাবা অসিসু অদুগুম্বা থৌওং অমনি অমসুং ঐহাক্না নখোয় ময়ামগা পুনবদা নুংঙাইবা ফাওই।

গোৱানা নিং-তম্বা ফংবগী ৬০শুবা চহিদা চঙলকপা অসিগী খুদোংচাবা লৌরগা ঐহাক্না মসিগী নিং-তম ইহৌ অসিদা লুচিংখিবা মীওইশিংদা ইকায় খুম্নবা উৎলি অমসুং নিং-তম্বা ফংবগী পান্দমদা অৱাবা কয়া নঙখিবা মীওইশিং অমসুং মশাগী মপু ওইজখিবগীদমক্তা ইকায় খুম্নবসু উৎলি।

গোৱানা লমগী পাক-চাউবগী মতাংদা লৈবাক অসিগী খ্বাইদগী পিকপা রাজ্য অমসুং মীশিংগী মতাংদনা মরিশুবা খ্বাইদগী পিকপা রাজ্য অমা ওইরি। ঙসিগী নুমিৎ অসিদা রাজ্য অসিনা পর কেপিতা ইনকম খ্বাইদগী ৱাংবা অমসুং খ্বাইদগী ফবা হ্যুমেন দিভেলপমেন্ত পেরামীতর লৈবগী ৱাফম অসি মীয়ামদা হায়জনিংই। রাজ্য অসিনা লৈবাক অসিগী খ্বাইদগী অর্বানাইজ ওইরবা রাজ্য অমা ওইরি অমসুং মসিগী মীশিং চাউরাক্না ৬২% অসি শহরদা লৈ। মসিগী হিগোক মচুগী অতিয়া অমসুং সনা মচুগী সমুদ্র মপানগীদমক্তা মশক খঙলিবা গোৱা অসি ‘পর্ল ওফ দি ওরিএন্ত’ হায়নসু খঙনৈ অমসুং মালেমগী খ্বাইদগী পাম্নবা লমকোইবগী মফম ওইরিবা অসিসু মতিক য়াম্না চাবনি।

ঐহাক্না গোৱাগী সরকারশিং অমসুং মীয়াম্বু রাজ্য অসিনা নিং তম্বা হেক ফংলকপদগী মশক থোকপা লম্বী অমদা লাক্তুনা লৈবাক অসিগী খ্বাইদগী চাউখৎপা রাজ্য ওইবগীদমক্তা থাগৎপা ফোংদোক্লি।

গোৱানা ফংলিবা মাই-পাকপা অসিবু ফংনবা হোৎনবদা কন্না হোৎরকখিবা অদুমক হৌজিক ওইরিবা থাক অসিবু ঙাক্তুনা থম্বা অসিসু চপ-মান্নবা শিংনবা অমা ওইগনি। মসিগী মতাং অসিদা রাজ্য অসিনা অনৌবা শিংনবা কয়া অমা থেংনরক্কনি। তুরিজম অমসুং মাইনিংনা রাজ্য অসিগী মাই পাকপদা খ্বাইদগী চাউনা তেংবাংদুনা লাক্লি। লম ফংবদা অকক্নবা লৈরকপা, ইকোলোজিকেলগী ওইবা শিংনবশিং হেনগৎলকপা অমসুং মসিগী মাইনিং তৌবগী থবকশিং অসি লোইশিল্লকপা অসিনা রাজ্য অসিদা ইন্দস্ত্রীগী মতাংদা চাউখৎপদা অয়েৎপা পীরক্কদবা অমগী খুদম্নি। হৌজিক্তি রাজ্য অসিনা অনৌবা শাহৌ লৌফম থিবা তাবনি। ইনফোর্মেসন তেক্নোলোজী, বাইওতেক্নোলোজী, স্তার্ত-অপ ওন্তোপ্রিনর্শিপ্নচিংবা অসিনা ‘অনৌবা শেন্মিৎলোন’গী খুদোংচাবা অমা পীরক্লিবা অসিবু রাজ্য অসিগী মীয়াম্না মসিগী তঙাই ফদবা স্কিল মেনপাৱর রিসোর্সশিং অসিবু খুমাং চাউশিলহন্দুনা লৌনবা শেম-শাদুনা লৈবগী তঙাই ফদবা লৈরে। রাজ্যগী মুখ্য মন্ত্রী, দাঃ সাৱন্তনা শিংনবশিং অমসুং খুদোংচাবশিংগী মতাংদা খঙলে অমসুং মসিগীদমক্তা ৱারোইশিন পুরকপগী থবকসু হৌরম্লগনি হায়বগী ঐহাক্না থাজবা লৈ।

গোৱাগী চাউখৎপগী লম্বী অমসুং মাংদা লৈরিবা শিংনবশিং অসিগী মতাংদা ৱা ঙাংলবা তুংদা, ঐহাক্না হৌজিক রাজ্য অসিদা গনতন্ত্রনা মথৌ তৌরিবা অসিগী মতাংদা ৱাফম খরা থম্নিংই।

ঐহাক্না থৌরম অসিগী মতাংদা শেম-শাবা মতমদা রাজ্য অসিনা ইং ১৯৬৩দা অহানবা মীখল পাংথোক্লবা মতুংগী চহি ৫৭ অসিদা সরকার মখল ৩০ লৈখি হায়বা খঙখি। মসি য়াম্না য়াম্বা মশিংনি। মসিগী সরকার ৩০ অসিগী মনুংদা ১১দি চহি অমদগী হেন্না তাথনা শুপ্নগী নুমিৎ ৬নিদগী নুমিৎ ৩৩৪নি খক্তা পানখি অমসুং অতোপ্পা ৩ অমনা চহি ২দগী তানা পানখি। মসিগী মনুংদগী শুপ্নগী সরকার ৩না মপুং ফাবা মতম পানখি। মসিদা নত্তনা, গোৱা অসি প্রসিদেন্ত রুলগী মখাদা মঙারক লৈখি অমসুং মসিগী অপুনবা নুমিৎ অসি ৬৩৯নি অমসুং মসিদি চহি ২গা চাউরাক্না মান্নবা মতম্নি ।

সরকার অমগী তর্মগী মরক্তা মরম চানা হোংদোকপা অসি গনত্রন্ত্রদসু অয়াবা পীরি। অদুবু তোয়না হোংলক্লবদি রাজনীতিগী তংদু লৈতাবা অমসুং মীয়ামগী অপাম্বা পাংথোকপা ঙম্বগী মতাংদা ৱাহং কয়া অমা লাকই। অদুবু অসিগুম্বা অহোংবা কয়া লৈরবসু, গোৱানদি নীংথিনা থবক পাংথোক্লি অমসুং মসি করিদগী ওইরক্লিবনো হায়বা তাকপা লুরকই। মসিনা মীয়াম্না লান্না উহল্লকই। মতাং অসিদা ঐহাক্না হংনিংলিবা ৱাহংদি, “গোৱাদা রাজনীতিগী তংদু লৈতাবা ফিভম লৈরম্লবদি, হৌজিক্কী ওইরিবা ফিভম অসিদগী হেন্না চাউখৎলমগদরা” হায়বা অসিনি। ঐহাক্না স্তেকহোলদরশিংবু, মরু ওইনা মফম অসিদা পুল্লিবা লেজিস্লেচরশিংদা, হীরম অসিগী মতাংদা কুপ্না খন্ন-নৈনদুনা অমসুং হৌজিক মাং থানা লৈরিবা ফিভম অসি অদুমক লৈবা ঙম্নবা, হীরম অসিগী মতিক চাবা ৱারোইশিন অমা পুরক্নবা হায়নিংই।

ঐহাক্না হৌজিক লেজিস্লেচরশিংগী থৌদাং অমসুং ঐখোয়গী গনতন্ত্রানা থবক তৌবগী মতাংদা লাক্নিংই।

চাউখৎপগী চৎনবী অসিনা নোংম-নোংমগী ফগৎলকপা অসিদগী গনতন্ত্রসু মীয়ামগী অনিংবা অমসুং অপাম্বদা য়ুম্ফম ওইদুনা মীয়াম্বু লৈঙাকপগী খ্বাইদগী পাম্বৈ ওইনা লৌনবা হেনগৎলক্লি। কন্সতিত্যুসনগী পীথোক্তুনা লৈরবা থৌরাংশিংনা গনতন্ত্রগী থবক তৌবগী মওংবু লেজিসলেচর, একজেক্যুতিব অমসুং জুদিসিএরীগী মরক্তা শক্তি নীংথিনা খায়দোক্তুনা অমসুং শিন্নদুনা লমজিং লমতাক্লি। লেজিস্লেচর অসি মীয়ামগী য়াইফনবগীদমক্তা মখোয়গী মহুৎ শিন্দুনা একজেক্যুতিবশিংনা ৱারেপ লৌবা অমসুং থবক পাংথোকপশিংবু আইনগী মতুং ইন্না চৎহন্নবা খুৎলায় অমনি। লেজিসলেচর অসিনা সোসিও-ইকোনোমিক দিভেলপমেন্ত অমসুং শেমদোকপগী ঙমখৈশিংবু নীংথিনা খায়দোক্তুনা লৈবাক শেম্বগী থৌওং কয়া অমদসু তেংবাংই। অসিগুম্বা কয়া অসিননি, লেজিস্লেচরনা গনতন্ত্রদা য়াম্না মরু ওই হায়রিবসি।

লেজিস্লেচর অমগী তঙাই ফদবা মথৌশিং অসিগী মনুংদা য়াওরিবশিং অসিদিঃ আইন শেম্বা, একজেক্যুতিবশিংদা মীয়াম্না থম্লিবা থাজবা ঙাকপা অমসুং মীয়ামগী য়াইফ য়ুম্বালগী হীরমশিংদা অচেৎপা মিৎয়েং চঙবা। লেজিস্লেচরগী মীহুৎ অমসুং অতম্ননা পাংথোকপা মথৌশিং অসি হায়রিবা মওং অসিদগী লাক্তুনা মখোয়গী থৌদাংশিংবু ময়েক শেংনা তাক্লিবনি।

করিগুম্বা লেজিস্লেচরশিংদা ৱারেপ লৌবগী থৌওংশিংবু আইনগী মনুংদা লৈহন্নবা থৌদাং শিন্নরবদি, মখোয়না নীংথিনা থবক পাংথোকপা অসিনা গনতন্ত্রনা মথৌ নীংথিনা তৌহনবদা য়াম্না মরু ওইবা অমা ওইরিবনি। মখোয়গী থৌওংসিং অসিনা গনতন্ত্রা অমা শেম্বা নত্ত্রগা অকায়বা পীবা য়ারিবনি অমসুং মসিগী থৌওংশিং অসিদা য়ুম্ফম ওইরগা মীয়াম্না পারলিয়ামেন্তরী ইন্সতিত্যুসনশিংদা থাজবা নত্ত্রগা থাজদবা ওইগদৌরিবনি। অদুবু লাইবক থিবদি, মীয়াম্না লেজিসলেচরশিংদা থাজবা থম্বগী চাং অসি য়াম্না নেম্লে অমসুং মখোয়না তাবা অমসুং উরিবা কয়া অসিগী মরমদগী মখোয়না লেজিসলেচরশিংবু ফনা উবা ঙমদ্রে। মসিগী হীরম অসি অথুবা মতমদা য়েংশিন্দবা য়ারোই। অদুনা হৌজিক ঐহাক্না হংনিংবা ৱাহংদি, হীরম অসিগী মতাংদা ঐখোয়না করি তৌবা য়াবগে হায়বা অসিনি।

ঙসিগী ‘লেজিস্লেচর নুমিৎ’ অসিগী ইথিলবু খন্নরবা তুংদা, ঐখোয় পুম্নমক্না আইন শেম্বশিংনা মতৌ করম্না লেজিস্লেচরগী মথৌ তৌবদা হেন্না ফগৎহন্দুনা আইনগী কাঙলোন ইনবা অসি করম্না ওইহনগদগে হায়বা পুন্না খঙমিন্নরসি। মসিগী থৌদাংশিং অসি মখোয়না নীংথিনা কন্নেক্ত তৌবা, কন্দক্ত, কেরেক্তর, কম্মিৎমেন্ত, কেপাসিতী অমসুং কম্ম্যুনিকেসনগী থৌওংশিং পাংথোক্তুনা ওইথোকহনবা য়াগনি। ঐহাক্না মসিগী সি. ৬ অসিগী মতাংদা শম্লপ্না পন্নিংই।

১) মীয়ামগা নক্ননা লৈবা

লেজিস্লেচরশিং অসিনা মীয়াম্না খনবা মীহুৎ অমা ওইনা মতম পুম্বদা মীয়ামগা নক্ননা লোইদুনা মতাং চাবা অমসুং মতিক চাবা থৌওং কয়া পাংথোক্নবগীদমক্তা মীয়ামগী অৱা-নুংঙাইতশিংবু নীংথিনা খঙদুনা লৈগদবনি। নখোয়গী কন্সতিত্বেন্সীশিংদা চৎপগী থৌওং অসি চাং নাইবা, মাংজৌননা থৌরাং য়াৎপা অমসুং অসেংবা ৱাহন্থোক লৈহনগদবনি। চৎফম থোকই হায়বগী মওং তৌরোইদবনি। মীয়াম্না নখোয়গা লাইনা পাউ ফাওনবা ঙমহনগদবনি অমসুং হৌজিক্তি তেক্নোলোজী চাউখৎলকপা অসিনা থৌওং অসি য়াম্না লাইথোকহল্লবনি। চাউরাক্না মীওই লাখ ১৬ লৈবদা এম.এল.এ. ৪০ লৈরবদি, নখোয় অমনা মীহুৎ শিল্লিবা অসি মীওই ৪০,০০০ নি অমসুং অতোপ্পা রাজ্যশিংগা চাংদম্নবদা মসিদি য়াম্না য়ামদ্রবনি। নহাক্কী কন্সতিত্বেন্সীগী মীওইশিংনা নখোয়গী মপু ওইগদবনি। মসিগী নক্ননা লৈবগী মওং অসিনা নখোয়গী থৌদাং পাংথোকপদা হেন্না ফগৎহনগনি।

২) কন্দক্ত

মসিদি নখোয়না মীয়াম মাংদা অমসুং তোঙান-তোঙানবা থৌরমশিংদা নখোয়না চৎকদবা লিচত-শাজৎকী মতাংদনি। নখোয়গী মওং-মতৌ, বোদী লেংগ্বেজ, ফেসিএল এক্সপ্রেসন, ৱা ঙাংবগী মওং, মীয়াম্বু ওকপগী মওং, মীয়ামদা ৱারী শাবগী মওং, অরুবা তাঞ্জাদা নশাবু ফাজিনবগী মওং, ইং তপ্পগী মওংনচিংবা কয়া অসিনা মীয়ামদা মতিক চাবা পাউজেল পীগদৌরিবনি। করিগুম্বা নখোয়দা ফত্তবা নত্ত্রগা অরানবা ৱাখল লাক্লবদি, মদুনা নহাক অমসুং নহাক্না ইকায় খুম্ননিংঙাই ওইরবা মেম্বর অমা ওইরিবা ইন্সতিত্যুসন অদুদা শোকহনগনি। মহাক্কী অফবা ৱাখল্লোনগা লোয়নবা থৌওং অদুনা লেজিসলেচর অমগী মশক অসি নীংথিহনগদৌরিবনি।

৩) কেরেক্তর

মসিদি মীওই খুদিংনা উবা ঙম্বা নহাক্কী ৱাখল্লোন অমসুং অফবা তৌবগী গুনশিং অদুনি। মসিদা নহাক্কী ভেল্যু, থাজবা, ইথো, অচুম-অরানগী ৱায়েল তৌবা ঙম্বগী নহাক্কী মগুনগী য়ুম্ফম ওইরিবশিং অসি য়াওরি। অচুম্বা নত্ত্রগা অরানবা কেরেক্তর চেনবা মীওই মশক খঙদোকপগী পাম্বৈ অনিখক লৈ। অদুবু লাইবক থিবদি, মীয়াম্না রাজনীতিগী মীওইশিং অসিদা অফবা কয়া লৈত্রে হায়না খন্নৈ অমসুং মসিনা মখোয়না পারলিয়ামেন্তরী ইন্সতিত্যুসনশিংদা থম্বা থাজবা অসিবু য়াম্না হন্থহল্লি। লেজিস্লেচরশিং অসিনা মীয়ামগী শক্তি হাপকদবনি, মশাগী শক্তি হাপকদবা নত্তে। নহাক্কী অপাম্বা অসি মীয়াম অয়াম্বগী অপাম্বদা ওনশিনগদবনি। অসিগুম্বা অফবা থৌওং অসিনা আইন শেম্বা বোদীশিংগী ইকায় খুম্নবা হেনগৎহনগনি।

৪) খোঙফম চেৎপা

লেজিসলেচর অমগী খ্বাইদগী হান্না খনগদবা ৱাখলদি মহাক্না মীহুৎ ওইরিবা মীয়াম, রাজ্য অমসুং লৈবাক্কী অফবা তৌবা অসিনি। মহাক্না মহাক্কী ওইবা হীরমশিংদা থবক চিন্দুনা লৈগদবা নত্তে। মীয়ামগী মহুৎ শিনবা অসি অহাংবা মতমদা তৌবা থবক অমগুম্না তৌগদবা নত্তে। করিগুম্বা মসিদা নহাক্কী মতম পুম্বা থাদবা ঙমদ্রবসু, মসিনা নহাক্কী খ্বাইদগী মরু ওইবা থৌদাংনি হায়না খনগদবনি। হান্না পাংথোক্কদবা থবকশিং নীংথিজনা খঙবা অসিনা থবকশিং অদুদা নহাক্না খোঙফম চেৎপা ঙমগনি। মীয়ামগী মতম কাইথোকপা ঙমদবা মীওইশিংদি লেজিএস্লেচরদা চঙলোইদবনি।

৫) কেপাসিতী

মীয়ামগী অপাম্বদা অচুম্বা ৱায়েল পীবা অসিদা তৌবা ঙম্বগী মতিক খরা চঙই। মসিনা মীয়াম, সিবিল সোসাইতী, একজেক্যুতিব অমসুং অতোপ্পা স্তেকহোলদর খুদিংগা লোয়ননা থবক তৌমিন্নবা হৈবা অমা চঙই। খুদম ওইনা হায়রবদা, লেপ্তনা হোংলক্লিবা শিংনবশিংবু নীংথিনা খঙবা ঙম্বগী মতিক, খুদোংচাদবশিং মশক খঙদোক্তুনা মদুগী চান্নবা ৱারোইশিন পীবা ঙম্বগী মতিকশিং চঙই। মসিনা মীয়াম্বু খোমজিন্দুনা খন্ন-নৈনবা অমসুং ভাব তামিন্নবগী থৌওং শিজিন্নদুনা খ্বাইদগী লুরবা শিংনবশিংগী ৱারোইশিন পুরকপা ঙম্বগী মতিক অমা লৈফমসু থোকই। লেজিস্লেচর খুদিংমক্না থবক হেন্না নীংথিজনা তৌবা ঙম্নবা অসিগুম্বা তৌবা ঙম্বগী মতিক অসি লৈফম থোকই।

৬) পাউ-ফাওনবা

লেজিস্লেচর হায়বদি লুচিংবা হায়বনি অমসুং অফবা লুচিংবা অমা ওইগে হায়রবদি মীয়ামগা নীংথিজনা পাউ ফাওনবা ঙমগদবনি। মীয়াম অমসুং মরী লৈনবা মীওইশিংগা খুদোংচাদবা অমসুং অতোপ্পা ফিভম কয়াগী মতাংদা নীংথিনা পাউ ফাওনদুনা কুপ্না য়েংশিনবা ঙম্বগী মতিক লৈগদবনি। অতোপ্পগা নীংথিজনা পাউ ফাওনবা ঙম্বগী মতিক অসিনা অফবা লুচিংবা অমা ওইবগী মগুন্নি।

লেজিসলেচর খুদিংমক্না ঐহাক্না পনখ্রিবা মগুনশিং অসি চেনগদবনি অমসুং মসিনা মখোয়না লেজিস্লেচরগী মনুং অমসুং মপান্দা থবক পাংথোকপদা নীংথিজনা পাংথোকপা ঙমহনগনি।  লেজিসলেচর খুদিংমক অসি মখোয়গী মেম্বরগুম্না লোয়না ফবা ঙাক্তনি। মখোয় অনিমক্না মথৌ নীংথিজনা তৌবা অসি মখোয় মশেলদগী মপাঙ্গল লৌনবনিনা অমনা অমগী মখা পোনবনি।

ভারত অমসুং মালেম অসিনা হান্না মমাংদগী ওইরকপা হৌখ্রবা শেন্মিৎলোন তপথরকপগী খুদোংচাদবশিং অসিবু কোবিদ-১৯গী লাইচৎ অসিনা অমুক্কা হেন্না হেনগৎহন্দুনা  য়াম্না লুরবা তাঞ্জা অমা ফাওদুনা চৎলি। ভেক্সিন্না মীয়াম্বু লায়না অসিদগী ঙাকথোক্কনি হায়বগী আশা অমদি মীয়ামদা পীরি অদুবু হান্না লৈরম্বা শেন্মিৎলোনগী শাহৌ লৌবা অসিদদি য়াম্না ৱাখল চেৎপগী মথৌ অমা তারি। ভারত সরকারনা শাহৌ লৌবগী থৌওং হেনগৎহন্নবা শেমদোকপগী থবক কয়া অমা পায়খৎলি। মসিগী মরমদি অচৌবা অমসুং চাউখৎপা শেন্মিৎলোন খক্তনা মীয়ামগী অনিংবা অমসুং অপাম্বশিং পীবা ঙমগদৌরিবনি। লৈবাক শিনবা থুংনা লৈরিবা লেজিস্লেচরশিংনা হৌজিক্কী ওইরিবা লুরবা তাঞ্জা অসি থেংননবা মরু ওইবা থৌদাং লৌদুনা লৈবাক পুম্নমক্না অমত্তা ওইনা শিংনবা কয়া অসিগী মরক্তগী অথুবা মতমদা থোক্লকপা ঙম্নবা হোৎনফম থোকই।

ঐহাক্না লেজিসলেচরগী থৌদাংশিংগী মতাংদা খনবা ৱাখল্লোন কয়া অমা মীয়ামগা তান্নবা ফংবা অসিদা য়াম্না নুংঙাইজৈ।

ঐহাক্না গোৱাগী রাজ্য অসিনা নিং-তম্বা ফংবগী চহি ৬০শুরকপা অসিদা রাজ্যসিগী মীয়াম্বু থাগৎলি। খ্বাই পুম্নমকপু ঐহাক্না নুংঙাইরবা পোঙ্গল, মকর সংক্রান্তী অমসুং ইংলিশ ন্যু য়ারগী য়াইফ পাউজেল পীরি।

জয় হিন্দ!

****