কোবিদ-১৯না স্কুল কাবা ফংদ্রবা অঙাংশিংদা পীরিবা পামদবা চৈথেংশিং অসিবু হন্থহন্নবা খন্নবদা, রাজ্য/য়ু.তি. খুদিংমক্না দ্রোপ আউৎ মশিং হেনগৎলক্লিবা, মিং চনবগী চাং নেম্লিবা, মহৈ তম্বগী চাং হন্থরিবা অমসুং হৌখিবা চহি খরা অসিদা য়ুনিভর্সেল এক্সেস, ক্বালিতী অমসুং ইক্বিতীগী মতাংদা কান্নখিবশিংদা মাংশিল্লক্লিবা অসিবু থিংনবা হায়দুনা মতিক চাবা থৌরাং অমা য়াৎপগী তঙাই ফদবা লৈরে হায়বা খঙখি।

মসিনা মরম ওইদুনা এজুকেসন মন্ত্রালয়না মাইগ্রেন্ত অঙাংশিং মশক খঙদোক্নবা, মিং চলহন্নবা অমসুং লেপ্তনা মহৈ তমহন্নবা কাঙলোন অমা ফোঙখ্রে।

স্কুল চৎলিবা অঙাংশিংনা মগুন লৈবা অমসুং মান্নবা মিৎয়েং য়েংবা মহৈ-মশিং তম্বগী খুদোংচাবা ফংহন্নবা অমসুং লৈবাক শিনবা থুংবগী স্কুলগী এজুকেসন্দা লাইচৎ অসিনা পামদবা চৈথেং পীরিবা অসিবু হন্থহন্নবা হায়দুনা এজুকেসন মন্ত্রালয়না রাজ্য অমসুং য়ু.তি.শিংনা স্কুলশিং থিংলিঙৈ অমসুং হাংদোক্লকপা মতমদা থাক নাইনা পায়খৎকদবা অকুপ্পা কাঙলোন অমা শেমখ্রে।

কাঙলোনশিং অসিগী মশক থোকপা হীরমশিংদিঃ

১) আউৎ ওফ স্কুল চিলদ্রেন (ও.ও.এস.সি.) অমসুং চিলদ্রেন ৱিথ স্পিসিএল নীদ (সি.দবল্যু.এস.এন.)শিংগী লেপ্তনা মহৈ তমহনবা

• মশক খঙদোক্লবা আউৎ ওফ স্কুল চিলদ্রেনশিংদা ভলন্তিয়র, লোকেলগী ওজাশিং অমসুং খুন্নাইনা শরুক য়াবগী খুত্থাংদা নন-রেসিদেন্সিএল ত্রেনিং মখা চত্থহনবা।
• সি.দবল্যু.এস.এন. অঙাংশিংদা ভলন্তিয়র/মহৈ তম্বীনবা অখন্নবা মীওইশিংগী খুত্থাংদা য়ুমদা মহৈ তম্বীবগী থৌওং মখা চত্থহনবা।

২) আউৎ ওফ স্কুল চিলদ্রেন মশক খঙদোকপা

• রাজ্য অমসুং য়ু.তি.শিংনা য়ুম্থোং খুদিং চত্তুনা পাক শন্না পাংথোকপা সর্ভেগী খুত্থাংদা চহি ৬তগী ১৮ ফাওবগী মনুংদা লৈবা ও.ও.এস.সি.শিংবু নীংথিনা মশক খঙদোক্তুনা মখোয়বু স্কুলদা মিং চলহন্নবা থৌরাং য়াৎপা।

৩) মিং চলহন্নবা থবক চত্থবা অমসুং মসিগী মতাংদা ই-পাউ খঙহনবা

• প্রবেসহোৎসভ, স্কুল চলো অভিয়ান্নচিংবা মিং চলহনবগী পাক্তক্ননা পাংথোকপা থৌওংশিং অসি মহৈ-তম্বগী চহি হৌরকপদা পাংথোকপা।
• মমা-মপা ওইবশিং অমসুং খুন্নাইগী মীওইশিংদা অঙাংশিংবু স্কুলদা মিং চলহন্নবা অমসুং স্কুল কাহন্নবা মরী লৈনবা ই-পাউশিং খঙহন্নবা থবক পায়খৎপা।
• কোরোনাগা চুনবা লিচৎ ৩ – মাস্ক উপ্পা, ফুৎ ৬কী অরাপ্পা লৈহনবা অমসুং শাপোন শিজিন্নদুনা খুৎ হামদোকপগী মতাংদা খঙহন্নবা থবক পায়খৎপা। হীরমশিং অসিগী আই.ই.সি. মেতরিএলশিংসু রাজ্য অমসুং য়ু.তি.শিংদা ৬/১১/২০২০দা য়েন্থোকখ্রবনি।

৪) স্কুল থিংলিঙৈ মনুংদা মহৈরোইশিংদা তেংবাংবা

• মহৈরোইশিংদা পাউতাক পীবা, পাক-শন্না খঙহনবা অমসুং ময়ুমদা অতম্ননা চত্তুনা তেংবাংবা।
• পাউতাক পীবগী সেবা অমসুং সাইকো-সোসিএলগী তেংবাংগী ওইবা মনোদর্পন ৱেব পোর্তেল অমসুং তেলে-কাউন্সেলিং নম্বর পীবা।
• মহৈ-তম্বগী পোৎ-চৈ অমসুং রিসোর্স, তঙাই ফদবা অহেনবা পোৎ-চৈশিং, ৱর্কশোপ, ৱর্কশীৎনচিংবা য়েন্থোক্তুনা য়ুমদা মহৈ-তম্বগী থৌওং চত্থহনবা।
• ক্লাসরুম ওন হ্বীল অমসুং অপিকপা কাঙলুপকী ক্লাস তৌবগী থৌওংশিং অসি খুঙ্গংগী থাক্তা পায়খৎপা য়াবরা হায়না য়েংথোকপা।
• অঙাংশিংবু ওনলাইন/দিজিতেল রিসোর্স, তি.ভি., রেদিওনচিংবা শিজিন্নবা হেনগত্তুনা মহৈ তম্বা ফংদবগী মাঙজবা হন্থহনবা।
• য়ুনিফোর্ম, তেক্সবুক অমসুং এম.দি.এম.বু মতম চানা অমসুং অরায়বা মওংদা ফংহনবা।
• মমিং চল্লবা সি.দবল্যু.এস.এন. নুপীমচাশিংদা স্তাইপেন্দশিংবু দি.বি.তি.গী খুত্থাংদা মতম চানা য়েন্থোকপীবা।
• অঙাংশিংবু ঙাক-শেনবগী থৌওংশিংবু লোকেলগী থাক্তা হেন্না মপাঙ্গল লৈহনবা।

৫) স্কুল হাংলবা তুংদা মহৈরোইশিংদা তেংবাংবা

• স্কুল রেদীনেস মোদ্যুল/ব্রিজ কোর্সশিংবু স্কুলশিংনা হাংদোরকপগী অঙনবা মতমদা শেম-শাদুনা পাংথোক্তুনা স্কুলগী অকোয়বগা অমুক চান্নহনবা অমসুং তোঙান্না তাবগী ৱাখল্লোন ফাওহন্দবা।
• মহৈরোইশিংগী মহৈ-তম্বগী থাক্কী মতুং ইন্না তোঙান-তোঙানবা গ্রেদকী মহৈরোইশিংবু মশক খঙদোকপা।
• হন্দক্কী চহি অসিদা দ্রোপ আউৎকী চাং হন্থহন্নবা দিতেন্সনগী কাঙলোনশিংদা কোমথোকপা।
• মহৈরোইশিংদা সীলেবসকী ৱাংমদা লৈবা লাইরিক পাহন্দুনা অমসুং ক্রিএতিব রাইতিং অমসুং প্রোব্লেম সোলবিংগী থৌওংশিংদা পুক্নিং থৌগত্তুনা লাইরিকা পাবদা নীংথিনা ভাব তাহনবা অমসুং মশিং নীংথিনা খঙহনবা।
• অচৌবা থাক্কী রিমেদিএল প্রোগ্রাম/লর্নিং ইনহেন্সমেন্ত প্রোগ্রাম পাংথোক্তুনা মহৈ-তম্বা ফংহৌদবা অমসুং অতোপ্পগা মান্নহৌদবশিংবু মেনখৎনবা হোৎনবা।

৬) ওজাশিংগী কেপাসিতী বিলদিং তৌবা

• ওনলাইনগী এন.আই.এস.ঐচ.তি.ঐচ.এ. ত্রেনিং মোদ্যুল নীংথিনা শিজিন্নবা অমসুং কোরোনাগা থেংননবা লিচত-শাজৎকী ত্রেনিং মোদ্যুলসু দিকশা পোর্তেলদা য়াম্না থুনা হাপ্লগনি।
• এন.সি.ই.আর.তি.না অঙাংশিংনা নুংঙাইবা মওংদা মহৈ তম্নবগীদমক্তা শেমখিবা একাদমিক কেলেন্দর অতোপ্পা অদুবু শিজিন্নবা।

*****