নেসনেল কেদেদ কোরগী দিরেক্তর জেনেরেল, লেপ্তনেন্ত জেনেরেল তারুন কুমার আইচনা হায়খি লৈবাক শেমগৎপদা চাউনা মতেং পাংগদবা নহারোলশিং দাইত্ব লৈবা নাগরিকশিং ওইনা শেমগৎনবা এন.সি.সিনা থবক পায়খৎলে। জনুৱারি ৮,২০২১দা নিউ দিল্লিদা মেদিয়াদা ৱা ঙাংবদা দিরেক্তর জেনেরেলনা হায়খি জনুৱারি ২৬ গনতন্ত্র দিৱস পেরেত্তা নুপামচাশিং অমসুং নুপীমচাশিংগী এন.সি.সি কেদেদশিংগী কন্তিনজেন্ত অনি শরুক য়াগনি। জনুৱারি ৪,২০২১দগী দিল্লিগী কারিয়াপ্পা পেরেদ গ্রাউন্দা হৌখিবা রিপব্লিক দে কেম্প-২০২১দা শরুক য়ারিবা কেদেদশিংগী মরক্তগী হায়রিবা কেদেদশিং অসি খনগনি। রাজ্য ২৮ অমসুং য়ুনিয়ন তেরিতোরি ৯দগী খনগৎলকপা নুপীমচা কেদেদ ৩৮০ য়াওনা পুন্না কেদেদ ১০০০ থা অমগী কেম্প অসিদা শরুক য়ারি। রিপব্লিক দে কেম্পগী মরুওইবা পান্দমদি গনতন্ত্র দিৱস ফাওবা পাংথোক্কদৌরিবা কলচরগী থৌরমশিং কেদেদশিং উহনবনি অমসুং জনুৱারি ২৮,২০২১দা পাংথোক্কদবা প্রধান মন্ত্রীগী রেল্লিদা প্রধান মন্ত্রীনা এন.সি.সি কেম্পতা চৎকনি। 

মহাক্না হায়খি কেম্প অসিগী মরুওইবা য়াম্না নুংঙাইবা থৌরমদি মার্চিং কন্তিনজেন্তশিং অমসুং কলচরগী থৌরমশিংগী খুৎথাংদা জনুৱারি ২৮,২০২১দা প্রধান মন্ত্রীগী মমাঙদা কেদেদশিংগী হৈশিংবা উৎপা অসিনি। জনুৱারি ২৮,২০২১দা কেম্প লোইশিনবা থৌরমদা দিফেন্স মিনিস্তর শ্রী রাজনাথ সিংহ অমসুং দিফেন্সকী রাজ্য মন্ত্রী শ্রী শ্রীপাদ য়েসো নাইক শরুক য়াগনি।

কেম্প শরুক য়ারিবা কেদেদশিংনা অইবা চাংয়েং, আর্মস দ্রি, মাইক্রোলাইত ফ্লাইয়িং অমসুং খ্বাইদগী ফবা কেদেদ খনবগী চাংদম্না য়াওনা তোঙান-তোঙানবা থবকশিং শরুক য়ারি। কেম্প মনুংদা তোঙান-তোঙানবা চাংদম্নবশিং পাংথোক্লি , জনুৱারি ২৮দা প্রধান মন্ত্রী মশামক্না পীগদবা প্রধান মন্ত্রীগী বেন্নর ফংনবগীদমক দাইরেক্তোরেত ১৭না চাংদম্নরি।

মহাক্না হায়খি ঐখোয়গী নহারোলশিংগী হোঙলক্লিবা অপাম্বশিং অমসুং খুন্নাইগী থাজবশিং ফংবা ঙম্নবা কেদেদশিংগী ত্রেনিং ফিলোসোফি ফগৎহল্লে। হৌজিক কেদেদশিংগী হৈশিংবা হেনগৎহন্নবা, লুচিংবা ওইবগী গুনশিং লৈহন্নবা অমসুং ৱা ঙাংবা হৈবগী লৌশিং হেনগৎহন্নবা মিৎয়েং চঙলে অমসুং মসিনা তুংদা থেংনগদবা শিংনবশিং থেংন্নবা মখোয়না থৌরাং তৌবা ঙমগনি।

নহারোলশিংদা শক্তি পীবা, লৈবাক শেমগৎপা, খুন্নাইগী মীয়াম ৱাখল তাহন্নবা কেম্পেনশিং, খুন্নাই চাউখৎনবা থবকশিং, অকোয়বগী ফিবম ঙাক-শেন্নবা থবকশিং, শান্ন-খোৎনবা অমসুং এদভঞ্জরগী লমশিংদা এন.সি.সিগী অচৌবা মাইপাকপশিং এন.সি.সিগী দিরেক্তর জেনেরেলনা পনখি।

কোবিদ-১৯ লাইচৎ মনুংদা “এন.সি.সি য়োগদান”গী মখাদা মমাঙ থানা থবক তৌবা কোরোনা লান্মীশিং ওইনা পাংথোকখিবা তোঙান-তোঙানবা থবকশিং হায়বদি লম্বী তাকপা, চীঞ্জাকশিং য়েন্থোকপা, কিউ শেন্নবা অমসুং মীয়াম থাপ্না লৈহনবা, পোৎ-চৈশিং ফংহনবা, অহলশিং মতেং পাংবা, সি.সি.তি.ভি কন্ত্রোল রুম শেন্নবা, ফেস মাক্স শেম্বা অমসুং য়েন্থোকপা অমসুং লায়রবশিংদা দরকার ওইবশিং ফংহনবা অসিগীদমক কেদেদ ১,৩৯,৯৬১ অমসুং স্তাফ ২১,৩৮০ মহাক্না থাগৎখি। হন্দক কেরলা অমসুং বিহারদা ইচাউগী মতেং পাংবগী থবকশিং শরুক য়াখিবগীদমক মহাক্না এন.সি.সি কেদেদশিং থাগৎখি।

****