কঞ্জুমর এফিয়র্স, ফুদ অমসুং পব্লিক দিস্ত্রীব্যুসন, কম্মর্স অমসুং ইন্দস্ত্রী অমসুং রেলৱেজগী য়ুনিয়ন মিনিস্তর শ্রী পিয়ুশ গোয়ালনা ২০২১গী জানুৱারীগী ৬তা ব্যুরিও ওফ ইন্দিয়ন স্তেন্দার্দকী ৭৪শুবা ফাউন্দেসন নুমিৎ পাংথোকখ্রে। থৌরম অসিদা মহাক্না শান্নপোৎকী তেস্ত তৌনবা খুদোংচাবা বি.আই.এস.না মসিগী লেবোরেতোরী অহুম অমসুং এসায়িং অমসুং হোলমার্কিং অমসুং পোৎকী মগুনগী সর্তিফিকেৎ কোর্স হৌদোক্নবা লাওথোকখ্রে।

বি.আই.এস.পু মসিগী স্তেত-ওফ-দ-আর্তকী খুদোংচাবা অসি থাগৎপা ফোংদোক্লদুনা, শ্রী গোয়ালনা হায় মদুদি খুদোংচাবা অসি চপ চারবা মতমদা পীরবনি মদুদি সরকার অসিনা হন্দক্তা “শান্নপোৎ”শিং অসি বি.আই.এস.কী সর্তিফিকেৎকী মখাদা শোইদনা ওইহন্নবা লৈখ্রে। তেস্তকী খুদোংচাবা অসিনা ইন্দস্ত্রী য়ুনিৎ ৫০০০রোম, মাইক্রো অমসুং মচাশিং অসি য়াওনা স্তেন্দার্দ য়াওনা থবক তৌবা ঙম্লগনি। মহাক্না হায় মদুদি মসিগী ইন্দস্ত্রী অসিনা মপাল লমগী পোৎ শাবশিংগা পাননবা ঙম্লগনি অমসুং মপাল লমদগী স্তেন্দার্দ য়াওদবা শান্নপোৎ পুশিল্লকপদা থিংবা ঙম্লগনি। মসিনা শান্নপোৎশিং অসি অফবা শোক পল্লোইদবা চেকশিনবা অমা ওইরগনি অমসুং অঙাংশিংগী হকশেলদা হেন্না থোইদোক্না অকাইবা পীররোই। মহাক্না হায় মদুদি সরকারনা ইন্দিয়াগী শান্নপোৎ শাবা ইন্দস্ত্রীশিং অসিদা ঙাকলৌ অমসুং মতেং পীদুনা ইন্দিয়াগী পোত্থোকশিং অসি মপাল লমদগী পুশিল্লক্লিবা অসিগা অহেনবা তান্নবা পাম্লি। মপালদগী পুশিল্লক্লিবা শান্নপোৎশিং অসি ঙাইহাক্কী ওইনা অহোংবা ওইনা উরবশু তু-কোইনা য়েংলকপদা মসিনা হেন্নদুম হকচাং শোকহন্দুনা তাংবা ওইহল্লি।

শ্রী গোয়ালনশু বি.আই.এস.পু মীওইবগী পুন্সিবু তেক্ত-কাইদনবা মরুওইবা ওইনা লৌদুনা হেলমেৎকী তেস্ত তৌনবগী খুদোংচাবা পীবা অসিদা থাগৎপা ফোংদোক্লি। মহাক্না খংহনখি মদুদি হেলমেৎ অসি হান্ননা বি.আই.এস. সর্তিফিকেৎ শোইদনা য়াওহন্নবা খঙহনখিবা লৈখ্রে হায়রিবা অসিনা মার্কেৎতা য়োল্লিবা হেলমেৎশিং অসি মগুম য়াওহনগদবনি।

থৌরম অসিদা, শ্রী পিয়ুশ গোয়ালনা ব্যুরিও ওফ ইন্দিয়ন স্তেন্দার্দস (বি.আই.এস.)না শিনবা এসেয়িং অমসুং হোলমার্কিং অমসুং ক্বালিতি কন্ত্রোলগী সর্তিফিকেৎ কোর্স অমা হৌদোক্নবা লাওথোকখ্রে। হায়রিবা কোর্স অসিনা অনি থোক্না কান্নবা পীদুনা এ অমসুং ঐচ পর্সোন্নেল অমসুং ক্বালিতি কন্ত্রোল পর্সোন্নেল ওইদুনা মীওইবদা কান্নবা পীগনি। মহাক্না হায় মদুদি হৈ-শিংলবা তেস্তিং পর্সোন্নেল লৈবা অসিনা পোৎ লৈরিবশিংনা সর্তিফাইত ওইরবা পোত্থোকশিং অসিদা হেন্না থাজবা লৈরগনি অমসুং মসিনা কস্তম্মরশিংদা ঙাকথোকপা অমসুং অপেনবা কয়া অমা ফংলগনি। মসিনা ইন্দস্ত্রীশিং অসি  মরুওইনা এম.এস.এম.ই.শিং অফবা পোৎ ফংদুনা “আত্মানির্ভর” ওইহল্লগনি অমসুং “মেক ইন ইন্দিয়া” অমসুং “স্কীল ইন্দিয়া” হায়বা সরকারগী খোঙথাং অসি পুক্নিং থৌগৎলগনি।    

থৌরম অসিদা শ্রী গোয়ালনা পদ্মা শ্রী দাঃ লাল সি. ভর্মান, ব্যুরিও ওফ ইন্দিয়ন স্তেন্দার্দস (বি.আই.এস.)গী ফাউন্দরগী মতাংদা পনখি। মহাক্না দাঃ লাল সি. ভর্মানবু মহাক্কী পোৎ ফগৎহনবা অমসুং চাওখৎ-থৌরাং অসিদা থাগৎপা ফোংদোকখি।

থৌরম অসিদা কঞ্জুম্মর এফিয়র্স, ফুদ অমসুং পব্লিক দিস্ত্রীব্যুসনগী মিনিস্তর ওফ স্তেত শ্রী রাওসাহেব পাতিল ধনবেনা বি.আই.এস.গী তেস্তিং ফেসিলিতি অমসুং সর্তিফিকেৎ কোর্স অসি থাগৎপা ফোংদোকখি। মহাক্না হায় মদুদি বি.আই.এস. হৌখিবা মমাং কয়াদা থৌদাং কয়া অমা লৌখি অমসুং মসিগী অনৌবা খোঙথাং অসিনা মখা তানা বি.আই.এস.কী ক্বালিতি অমসুং ইফিসিএন্সি অসিদা হেন্না ফগৎহল্লগনি।

 কঞ্জুম্মর এফিয়র্স দিপার্তমেন্তগী সেক্ত্রেতরী শ্রীমতি লীনা নন্দন, দি.জি., ব্যুরিও ওফ ইন্দিয়ন স্তেন্দার্দস শ্রী পি.কে. তিৱারি অমসুং মকোক থোংবা ওফিসিএলশিং অসিসু থৌরম অসিদা শরুক য়াখি।

বেকগ্রাউন্দ:

লৈবাক অসিদা শান্নপোৎকী পোত্থোকপু হকচাংদা শোকহন্দনবা শান্নবগী পুক্নিং থৌগৎপা পান্দমদা, বি.আই.এস. অসিনা শাফরবা স্তেন্দার্দ লৈরবা শান্নপোৎ পরিং অমা, মিং ওইনা আই.এস. ৯৮৭৩ পার্ত ১দগী ৯ ফাওবা অমসুং আই.এস. ১৫৬৪৪ ইলেক্ত্রিক্কী মরী লৈনবা শান্নপোৎ (স্তেন্দার্দকী লিস্ত য়াওরি)। শান্নপোৎশিং অসি শোই-ঙামদনবা কেতগরি অমগী মখাদা পীরি মদুদি “প্রদক্ত অন্দর কম্পলসরি সর্তিফিকেসন” হায়বা অসিদা কম্মর্স অমসুং ইন্দস্ত্রী মিনিস্ত্রীগী (দিপার্তমেন্ত ওফ প্রোমোসন ওফ ইন্দস্ত্রী অমসুং ত্রেদ) হায়রিবা অসি ২০২১গী জানুৱারীগী ১দগী হৌখিবা। 

ক্যু.সি.ও. অসিনা মখা তানা লোকেলদা শান্নপোৎ শারিবা অসিদা শাফু পীরি অমসুং ভারত সরকারগী মরুওইবা থৌরম “মেক ইন ইন্দিয়া”দা শাংনা চৎমিন্নগনি। ইন্দস্ত্রীশিং অসিদা মতেং পীবগী মিয়েংদা, মরুওইনা এম.এস.এম.ই.গী সেক্তরদা শান্নপোৎ শাবা অসিগা মরী লৈনবা ইন্দিয়ন স্তেন্দার্দতা, বি.আই.এস.না বি.আই.এস. লেব ৫ ইন্দিয়ন ইন্দস্ত্রী অসি মতেং ওইনবা তেস্তিংগী খুদোংচাবা শেমগৎলগনি। তেস্তিংগী খুদোংচাবশিং অসি সেন্ত্রেল লেবোরেতরীদা শাবা লোইশিল্লে। হেন্না খুদোংচানবা অতোপ্পা বি.আই.এস. লেব কয়া অমা শেমগৎলি।

****