কেন্দ্র সরকারনা লৈবাক শিনবা থুংনা কোবিদ-১৯গী বেক্সিন পুথোক্নবা শেম-শারিবা অসিদা কেন্দ্রগী হকশেল অমসুং য়াইফ-য়ুম্বাল মন্ত্রালয় (এম.ও.ঐচ.এফ.দবল্যু.)না কোবিদ-১৯ বেক্সিন পুথোক্নবা শেম-শারিবা অসি য়েংশিন্নবা রাজ্যশিং/য়ু.তি.শিং অমসুং অতোপ্পা স্তেকহোল্দরগা লোইননা চুংশিন্নদুনা হোৎনবা ঙমহন্নবা হৌখিবা থা খরা অসিদা মসি পুথোক্নবা প্রো-এক্তিব ওইনা য়াওশিনখি।

হন্দক্তা কোবিদ বেক্সিন অনি দ্রগস কন্ত্রোলর জেনরেল ওফ ইন্দিয়া (দি.সি.জি.আই.)না ইমর্জেন্সীদা শীজিন্ননবা ওথোরাইজেসন পীখ্রে। কোবিদ-১৯ বেক্সিন রোল আউৎ অথুবদা তৌনবা তৌরি। মাই পাকপগী পন্দুপ য়ৌবা অসিদা লৈবাক অসিদা বেক্সিনেসন দ্রাইব পাঙথোক্নবা থৌরাং তৌখিবা মেকানিজম পুম্নমক তেস্ত তৌবা মথৌ তাই

তশেংনা পাঙথোকপা অসিগী চাংয়েং ওইনা রাজ্য/য়ু.তি. পুম্নমক্কী জিলা পুম্নমক্তা বেক্সিন দেলিবরীগী মপুং ফানা প্লানিং তৌনবা অমসুং মেনেজমেন্ত তৌনবা রাজ্য/য়ু.তি. পুম্নমক্কী (জনুৱারী ৫ অমসুং জনুৱারী ৭তা মথং শিৎনা জিলা পুম্নমক্তা দ্রাই রন পাঙথোকখ্রবা/পাঙথোক্কদবা য়ু.পি. অমসুং হরিয়ানা য়াওদনা) জিলা ৭০০+দা অতোপ্পা দ্রাই রন/মোক দ্রিল অমা জনুৱারী ৮, ২০২১দা পাঙথোক্নবা থৌরাং তৌখি। জিলা অমমমনা পব্লিক হেল্থ ফেসিলিতী (দিস্ত্রিক্ত হোস্পিতাল/মেদিকেল কোলেজ), প্রাইবেৎ হেল্থ ফেসিলিতী, অমসুং রুরেল নত্ত্রগা অর্বান আউৎরীচ সাইৎশিং য়াওনা মখল অহুমগী সেসন খঙদোক্কনি।

হিরম অসিদা রাজ্যশিং/য়ু.তি.শিংনা দ্রাই রন পাঙথোক্কদবা অসি লমজিং লমতাক্নবা রাজ্য/য়ু.তি.গী হকশেল মন্ত্রীশিংগা লোইননা জনুৱারী ৭, ২০২১দা ইকাই খুম্নরবা কেন্দ্রগী হকশেল অমসুং য়াইফ-য়ুম্বাল মন্ত্রালয়গী মন্ত্রী দা. হর্শ বর্ধনগা লোইননা মীফম অমা পাঙথোক্কনি। দিস্ত্রিক্ত কল্লেক্তর/দিস্ত্রিক মেজিসত্রেদকী লুদিং মখাদা বেনিফিসরী রেজিস্ত্রেসন, মাইক্রো প্লানিং অমসুং থৌরাং তৌবা সেসন সাইৎতা বেক্সিনেসন তৌবা য়াওনা বেক্সিনেসন দ্রাইবকী থৌরাং পুম্নমক চায়েং তৌগনি। দ্রাই রন অসিনা কোবিদ-১৯ রোল আউৎকী হিরম পুম্নমক্কী মতাংদা রাজ্য, জিলা, ব্লোক অমসুং হোস্পিতালগী থাক্তা লৈরিবা ওফিসরশিংদা হেন্না খঙহনগনি। থবক-থৌরমশিং অসিনা এদমিনিস্ত্রেতরশিংনা প্লানিং, ইমপ্লিমেন্তেসন অমসুং মেকানিজমশিং রিপোর্ত তৌবা অসিগী মরক্তা লৈরিবা মরীশিং মপাঙ্গল কনখৎহনবদা, তশেংনা ইমপ্লিমেন্ত তৌদ্রিঙৈ মাংঙোইননা লৈরিবা শিংনবশিং খঙদোকপদা অমসুং বেক্সিনেসন দ্রাইব মপুং ফানা ইমপ্লিমেন্ত তৌনবা থাক পুম্নমক্তা প্রোগ্রাম মেনেজরশিংগী থৌনা হাপ্পদা মতেং ওইগনি।

এম.ও.ঐচ.এফ.দবল্যু.না নুমিৎ চুপ্পা রাজ্যশিং/য়ু.তি.শিংগা তৎতনা পাউ ফাওনদুনা মখোয়দগী ফীদবেক লৌখৎকনি অমসুং মতেং পীগনি অমদি তশেংনা বেক্সিনেসন রোল-আউৎ তৌদ্রিঙৈদা শিংনবশিং অদু খঙদোক্তুনা মতম চানা ৱারোইশিন পুরকপা ঙম্নবা হোৎনগনি।

বেক্সিনেসনগী থবক থৌরমদা মতেং পাংনবা, এম.ও.ঐচ.এফ.দবল্যু.না বেক্সিনগী স্তোকশিং, মখোয়গী থম্বগী তেম্পরেচর অমসুং কোবিদ-১৯ বেক্সিনগী বেনিফিসরীশিং অমমমতগী ওইনা ত্রেক তৌবনবগীদমক্তা কো-ৱিন সোফৱেয়র দেবেলপ তৌখি। সোফৱেয়র অসিনা বেক্সিনেসনগী সেসনশিং পাঙথোকপগী থাক পুম্নমক্তা প্রোগ্রাম মেনেজরশিংগী মতেং পাংগনি। কো-ৱিন য়ুজরশিংগী তেক্নিকেল ক্বেরীশিংগীদমক্তা দেদিকেতেদ ২৪x৭ মথৌ তৌবা কোল সেন্তরসু থমখ্রে। কোবিদ-১৯ বেক্সিনেসন দ্রাইব হৌনবা সীরিঞ্জশিংগী সপ্লাইশিং অমসুং অতোপ্পা লোজিস্তিকশিং মরাং কাইনা থম্বগা লোইননা কোল্দ চেন ইনফ্রাস্ত্রকচর (ৱাক-ইন-ফ্রীজরশিং, ৱাক-ইন-কুলরশিং, আইস-লাইন্দ রিফ্রিজিরেতরশিং, দীপ ফ্রীজরশিংগুম্বা) থমখ্রে।

বেনিফিসরীগী বেরিফিকেসন, বেক্সিনেসন, কোল্দ চেন অমসুং লোজিস্তিক্স মেনেজমেন্ত, বাইও-মেদিকেল ৱেস্ত মেনেজমেন্ত, এ.ই.এফ.আই. মেনেজমেন্ত অমসুং কো-ৱিন সোফৱেয়রদা ইনফোর্মেসন অপলোদ তৌবা য়াওনা বেক্সিনেসন সাইৎশিংদা পাঙথোক্কদবা প্রোসেসকী মতাংদা বেক্সিনেতর লাখ ১.৭ অমসুং বেক্সিনেসন তীম লাখ ৩রোম ত্রেন তৌখ্রে। সেসনকী প্লানিং অমসুং মেনেজমেন্ত, সেসন সাইৎকী লেআউৎ অমসুং মখোয়গী শিল-লাংবা, এ.ই.এফ.আই. মেনেজমেন্ত, আই.ই.সি. মেসেসশিং, লাইনা ঙাকথোকপা অমসুং লাকশিন্নবগী খোঙথাংশিং অসিনচিংবা য়াওনা কোবিদ-১৯ বেক্সিন রোল-আউৎকী হিরম পুম্নমক্কী অকুপ্পা মরোল ওইবা ওপরেস্নেল গাইদলাইনশিং রাজ্যশিং/য়ু.তি.শিংদা হান্ননা সিয়র তৌখ্রে অমসুং হায়রিবা অসিদা মখোয়বু ওরিয়েন্তেদ তৌখ্রে।

****