লমকোই উচেকশিংনা লৈবাক অসিগী স্তেত খরদা লমলক্কী শা অমসুং য়ুমদা য়োকপা উচেক অমসুং ক্বাকশিংদা শন্দোরক্লিবা এভিয়ান ইনফ্লুএঞ্জাগী ওইরিবা ফিবম অসিদা, নই দিল্লীগী এনিমেল হজবেন্দরী অমসুং দাইরিয়িং দিপার্তমেন্তদা কন্ত্রোল রুম অমা রুম নম্বর ১৯০এ অমা হাংদোকখ্রে হায়রিবা অসি লালোং শিনবা অমসুং স্তেত সরকারনা শন্দোরক্লিবা হেন্না লায়না লাকশিন্নবা, লায়নাশিং অসি থৌরাং কয়া তৌদুনা এভিয়ান ইনফ্লুএঞ্জা ২০১৫ লাকশন্নবনি।   

এভিয়ান ইনফ্লুএঞ্জা (এ.আই.) ভাইরস অসি চহি চা কয়া অমা মালেম শিনবা থুংনা সেনচুরী অসিদা মপুং ওইবা মরি শন্দোকখ্রে। ইন্দিয়াদা ইহান হানবা ওইনা ২০০৬তা এভিয়ান ইনফ্লুএঞ্জা শন্দোকখি। হায়রিবা অসি শাগী ওইবা লায়না ওইবনা মীওইবদা নাবগী পাউদম লৈখিদে। পোলত্রীগী পোত্থোক চাবদগী এ.আই. ভাইরস অসি মীওইবদা শন্দোকপগী চপ চাবা খুদম লৈতে। বাইও সেক্যুরিতি প্রিন্সিপাল অসি শিজিন্নদুনা হায়বদি ইশা-ইশানা লু-নানবা, শু-চাম্বা, দিসইনফেক্সন প্রোতোকোল, লোয়ননা থোং-থাকপা অমসুং লীবা অসিনা এ.আই. ভাইরস শন্দোকপদা থিংবা ঙম্মী।

ইন্দিয়াদা মরুওইনা লায়না অসি লমকোই উচেকশিংনা নিংথম থা হায়বদি সেপ্তেম্বরদগী-ওক্তোবর অমসুং ফেব্রুৱারীদগী মার্চ ফাওবা অসিদা শন্দোকই। মথং তারকপদা মীওইবনা পায়বা শোকপা (চান-থক্নবা)দগী শন্দোকপা হায়বা ঙমদ্রি।

******