মধ্য প্রদেশ অমসুং আন্ধ্র প্রদেশনা ফাইনান্স মিনিস্ত্রীগী দিপার্তমেন্ত ওফ এক্সপেন্দিচরনা থম্লিবা সিতিজেন সেন্ত্রিক শেমগৎপদা মরিগী মনুংদা অহুম মপুং ফাবা স্তেতশিংগী অহানবা কাংবু ওইরে। স্তেত অনি অসিনা ৱান নেসন, ৱান রাসন কার্দ শেমদোকপা, ইজ ওফ দুইং ব্যুজিনেস শেমদোকপা অমসুং আর্বান লোকেল বোদি শেমদোকপা অসি মপুং ফানা লোইশিনখ্রে।

সেক্তর অহুম অসি শেমগৎখিবগী মপুং ফাবা ওইনা ফাইনান্স মিনিস্ত্রীগী দিপার্তমেন্ত ওফ এক্সপেন্দিচরনা নৌনা হৌদোকপা স্কীম “স্পেসিএল এসিস্তেন্স তু স্তেত ফোর কেপিতেল এক্সপেন্দিচর” অসিগী মখাদা অহেনবা শেলগী ওইবা মতেং শেনফম ওইনা লুপা করোর ১০০৪ স্তেতশিং অসিদা পীনবা ৱারেপ লৌরে।

আন্ধ্র প্রদেশনা অহেনবা শেনফম লুপা করোর ৩৪৪ ফংগনি অমদি মধ্য প্রদেশনা লুপা করোর ৬৬০ কেপিতেল প্রোজেক্ত অসিগীদমক ফংগনি। স্কীম অসি ফাইনান্স মিনিস্তরনা ২০২০গী ওক্তোবরগী ১২দা আত্মানির্ভর ভারত পেক্কেজগী শরুক অমা ওইনা লাউথোকখিবনি। হায়রিবা কেপিতেল এক্সপেন্দিচরগী শেলগী ওইবা মতেং অসি অহেনবা অয়াবা করোর ১৪৬৯৪ অমা স্তেতশিং অসিদা শেমগৎপা অসি মপুং ফানা লোইশিন্নবা পুহনবনি।

“স্পেসিএল এসিস্তেন্স তু স্তেত ফোর কেপিতেল এক্সপেন্দিচর” স্কীম অসিনা পান্দম থম্লিবা অসি স্তেত সরকারনা হন্দক চহিদা কোবিদ লায়চৎনা মরম ওইরদুনা  শেলগী ওইবা অৱাবা কয়া থেংনদুনা রেবিন্যুদা পুথখিবা অসিদা কেপিতেল এক্সপেন্দিচর অসি মেনখৎনবা পীখিবনি। কেপিতেল এক্সপেন্দিচর অসিনা য়াম্না কান্নবা অমা পীরি, ইকোনোমিগী তুংগী ওইবা কয়া অমা কান্নবা পীবা অমসুং মসিনা ইকোনোমি চাওখৎপদা চাংচৎ ৱাংখৎহনবা অসিনি। মরম অদুনা, মসি য়েংলগা সেন্ত্রেল সরকারনা ২০২০-২১গী ফাইনান্সিএল ওইবা চহি অসিদা অখন্নবা মতেং অসি পীবনি।

স্কীম অসি স্তেত সরকারনা য়াম্না হরাও তয়াম্না লৌরি। হৌজিক ফাওবদা ফাইনান্স মিনিস্তরনা স্তেত ২৭তা কেপিতেল এক্সপেন্দিচরগী হায়রকপা লুপা করোর ৯৮৮০ অমা অয়াবা পীখ্রে। স্কীম অসিগী মখাদা লুপা করোর ৪৯৪০ অমগী শেনফম হান্ননা স্তেতশিং অসিদা অহানবা ইন্সতোলমেন্ত ওইনা থাদোকখ্রে। স্তেত খাইনা, অয়াবা পীখিবা অমসুং ফন্দ থাদোকখিবা অসি এত্তেস তৌরি। তামিল নাদুনা স্কীম অসিগী কান্নবা ফংদ্রি।

কেপিতেল এক্সপেন্দিচর প্রোজেক্ত অসি ইকোনোমিগী সেক্তর কয়াদা অয়াবা পীরি মদুদি, হকশেল, খুঙ্গংগী চাওখৎ-থৌরাং, ঈশিংগী সপ্লাই, ঈথৈ-লৌখোং, পাৱর, লম্বী-থোং, মহৈ, আর্বানগী চাওখৎ-থৌরাং।

স্কীম অসি শরুক অহুম লৈ। স্কীম অসিগী অহানবা শরুক অসিনা অৱাং নোংপোক অমসুং চীংগী স্তেতশিং কোল্লি। শরুক অসিগী মখাদা, লুপা করোর ২০০ অৱাং-নোংপোকী স্তেত ৭তা পীরি (অরুনাচল প্রদেশ, মেঘলয়, মনিপুর, মিজোরম, নাগালেন্দ, সিক্কিম অমসুং ত্রিপুরা) অমসুং লুপা করোর ৪৫০ অসিনা চীংগী স্তেশিং (হিমাচল প্রদেশ অমসুং উত্তরাখন্দ) অসিনি। মীশিং অমসুং লমগী পাক চাওবা য়েংলহগা অসমদা লুপা করোর ৪৫০ হেন্না পীরি।

স্কীম অসিগী অনিশুবা শরুক অসিনা শরুক অহানবদা য়াওদবা মখৈ মসিদা চিংলি। লুপা করোর ৭,৫০০ অমা মসিদা পীরি। শেনফম অসি ২০২০-২১ চহিগী ১৫শুবা ফাইনান্স কম্মিসনগী ইন্তিরিম এৱার্দ সেন্ত্রেল তেক্সকাী শরুক অসিদা পীবনি।

স্কীম অসিগী অহুমশুবা শরুক অসিনা পান্দম থম্লিবা অসি স্তেতশিং অসিদা সিতিজন-সেন্ত্রিক শেমগৎপা অসিনি। মসিগী শরুক অসিগী মখাদা লুপা করোর ২০০০গী শেনফম পীরি। মসিগী শেনফম অসি ২০২০গী দিসেম্বরগী ৩১ ফাওবদা ফংখ্রবশিং, মদুদি শেমগৎলবা ৪গী মনুংদা ৩ অমা মিনিস্ত্রী ওফ ফাইনান্স মসিগী লেত্তর ২০২০গী মেগী ১৭ ফাওবদা অয়াবা পীগনি। শেমগৎলবা মরি অদুদি – ৱান নেসন ৱান রাসন কার্দ, ইজ ওফ দুইং ব্যুজিনেস শেমগৎপা, আর্বান লোকেল বোদী/য়ুতিলিতি অমসুং পাৱর সেক্তর শেমগৎপা।

*****