প্রধানমন্ত্রীগী লোইশঙ

ব্লু ইকনোমীনা আত্মানির্ভর ভারতকী মরু ওইবা হৌরকফম অমা ওইরগনি: পি.এম.

সমুদ্র খোঙবালগী চাউখৎ থৌরাং অমসুং হোৎনবা কনবা ঙামীশিংগী য়াইফ থৌরাং অসি সরকারনা মরু ওইনা লৌরিবা অমনি: পি.এম.

Posted On: 05 JAN 2021 4:28PM by PIB Imphal

প্রধান মন্ত্রী নরেন্দ্র মোদীনা সমুদ্র খোঙবালগী চাউখৎ থৌরাং অমসুং হোৎনবা কনবা ঙামীশিংগী য়াইফ থৌরাং অসি সরকারনা মরু ওইনা লৌরিবা অমনি হায়না ফোঙদোকখ্রে। ব্লু ইকনোমী ওন্থোকপা, সমুদ্র খোঙবালগী ইনফ্রাস্ত্রকচর ফগৎহনবা অমসুং মেরাইন ইকোসিস্তেম ঙাকশেনবা য়াওনা সমুদ্র খোঙবালগী চাউখৎ থৌরাংগী মল্তি-প্রোঙ্গ প্লান অমা থমখি। মহাক্না ভিদিও কনফরেন্স অমগী খুত্থাংদা ঙসি জাতিদা কোচি-মেঙ্গলুরু নেচরেল গ্যাস পাইপলাইন কত্থোক্লবা মতুংদা ৱা ঙাংখিবনি।

কেরেলা অমসুং কর্নাতকা, সমুদ্র খোঙবালগী রাজ্য অনিদা ৱা ঙাঙলদুনা প্রধান মন্ত্রীনা খোঙজেল য়াংবা অমদি খল কায়হন্দবা সমুদ্র খোঙবালগী চাউখৎ থৌরাংগী মতাংদা মহাক্কী মঙলান অদু ফোঙদোকখি‍। কর্নাতকা, কেরলা অমসুং অতৈ খা ভারতকী সমুদ্র খোঙবালগী রাজ্যশিংদা ব্লু ইকনোমী চাউখৎহন্নবা পুম্নমক য়াওরবা থৌরাং অমা হৌজিক পায়খৎলি হায়না মহাক্না ফোঙদোকখি‍। ব্লু ইকনোমী অসি আত্মনিরভর ভারতকী মরুওইবা হৌরকফম অমা ওইরগনি‍। হিথাংফমশিং অমসুং সমুদ্র খোঙবালগী লম্বীশিং মল্তি-মোদেল কনেক্তিভিতীদা মীৎয়েঙ থমদুনা শমজিন্নবগী থবক চঙশিল্লি‍। ঐখোয়গী সমুদ্র খোঙবালগী মফমশিং কোম্না হিংবগী অমদি কোম্না লল্লোন ইতিক তৌবগী ফিদম্নফম ওইরবা মফম ওইনা শেমগৎনবা ঐখোয়না থবক পায়খৎলি হায়না প্রধান মন্ত্রীনা ফোঙদোকখি‍।

প্রধান মন্ত্রীনা সমুদ্রগী লনদা তাংদুনা লৈবখক্তা নত্তনা হায়রিবা লনসিবু ঙাক শেল্লিবা সমুদ্র খোঙবালদা তারিবা ঙামী কাঙলুপকী মতাংদসু ৱাফমশিং ফোঙদোকখি‍। মখোয়গী মতাংদা লৈঙাক অসিনা সমুদ্র খোঙবালগী ইকোসিস্তেমবু ঙাকথোক্নবা অমদি হেন্না মশক থোকহন্নবা খোঙথাঙ কয়া লৌখৎলে‍। ঙামীশিংবু অরুবা সমুদ্রগী ইরোন্নুংদগী ঙা ফাবা, তোখাইবা ফিসরী দিপার্তমেন্ত, এক্বাকলচরদা থবক চঙশিল্লিবা মীওইশিংদা অরায়বা লোন অমসুং কিসান ক্রেদিত কার্ত পীবনচিংবা খোঙথাঙশিংনা ঙামী মীয়াম অমসুং ওন্তোপ্রিন্যুরশিংদা চাউনা মতেং ওইরি‍।

প্রধান মন্ত্রীনা কেরলা অমসুং কর্নাতকাগী ঙামী লাখ কয়াদা হকথেংননা কান্নবা পীগদবা হন্দক্তা হৌদোকখিবা করোর লিশিং ২০গী মতস্য সমপদ য়োজনাগী মতাঙদসু ৱা ঙাঙখি‍। ভারতনা ঙাগা মরী লৈনবা এক্সপোর্তকী লমদা খোঙলৈ থুনা খুমাঙ চাওশিল্লক্লি‍। ভারতপু ক্বালিতী প্রোসেস সী-ফুদ হব অমা ওন্থোক্নবা খোঙথাঙ পুম্নমক লৌখৎলি‍। সীৱীদকী হেনগৎলক্লিবা দিমান্দ অসি পীননবা লৌমীশিংদা সীৱীদ থাননবা পুক্নিং থৌগত্তুনা ভারতনা অচৌবা থৌদাং লৌবা য়াই‍।

****



(Release ID: 1686415) Visitor Counter : 8