51ನೇ ಭಾರತೀಯ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ 2021ರ ಜನವರಿ 16ರಂದು ಥಾಮಸ್ ವಿಂಟರ್ ಬರ್ಗ್ ಅವರ ‘ಅನದರ್ ರೌಂಡ್’ ಸಿನಿಮಾದ ಭಾರತೀಯ ಪ್ರೀಮಿಯರ್ ಪ್ರದರ್ಶನದೊಂದಿಗೆ ಆರಂಭಗೊಳ್ಳಲಿದೆ. ಕೇನ್ಸ್ ಅತ್ಯುತ್ತಮ ನಟ ಪ್ರಶಸ್ತಿ ಪುರಸ್ಕೃತ ಮ್ಯಾಡ್ಸ್ ಮಿಕೆಲ್ಸೆನ್ ನಟಿಸಿರುವ ಈ ಚಲನಚಿತ್ರವು ಇಫ್ಫಿಯಲ್ಲಿ ಪ್ರದರ್ಶನಗೊಳ್ಳುತ್ತಿರುವ ರತ್ನಖಚಿತ ಸಾಲಿನ ಸಿನಿಮಾಗಳಲ್ಲಿ ಒಂದಾಗಿದೆ. ಈ ಚಲನಚಿತ್ರವು ಡೆನ್ಮಾರ್ಕ್‌ ನಿಂದ ಆಸ್ಕರ್‌ ಗೆ ಅಧಿಕೃತ ಪ್ರವೇಶ ಪಡೆದಿದೆ.

ಈ ಉತ್ಸವವು ವಿಶ್ವದ ಪ್ರೀಮಿಯರ್ ‘ಮೆಹರುನಿಸಾ’ ಪ್ರದರ್ಶನಕ್ಕೂ ಸಾಕ್ಷಿಯಾಗಲಿದೆ. ಸಂದೀಪ್ ಕುಮಾರ್ ಅವರ ಈ ಚಿತ್ರ ಪ್ರೀಮಿಯರ್ ಮಿಡ್-ಫೆಸ್ಟ್ ನಲ್ಲಿ ಪ್ರದರ್ಶನಗೊಳ್ಳಲಿದೆ. ಅನುಪಮ ನಟ ಫಾರೂಖ್ ಜಾಫರ್ ನಟಿಸಿರುವ ಈ ಚಲನಚಿತ್ರವು ಮಹಿಳೆಯ ಜೀವಮಾನದ ಕನಸಿನ ಕಥೆಯನ್ನು ನಿರೂಪಿಸುತ್ತದೆ.

.

ಕಿಶೋಶಿ ಕುರೋಸಾವಾ ಅವರ ಐತಿಹಾಸಿಕ ನಾಟಕ ‘ವೈಫ್ ಆಫ್ ಎ ಸ್ಪೈ’ ಇಂಡಿಯಾ ಪ್ರೀಮಿಯರ್ ನೊಂದಿಗೆ ಈ ಉತ್ಸವ 2021ರ ಜನವರಿ 24ರಂದು ಕೊನೆಗೊಳ್ಳಲಿದೆ. ಜಪಾನಿನ ಈ ಚಲನಚಿತ್ರ ವೆನಿಸ್ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಅತ್ಯುತ್ತಮ ನಿರ್ದೇಶನಕ್ಕಾಗಿ ರಜತ ಸಿಂಹ ಪ್ರಶಸ್ತಿ ಗಳಿಸಿತ್ತು.

.

ಗೋವಾದಲ್ಲಿ 51ನೇ ಇಫ್ಫಿಯನ್ನು 2021ರ ಜನವರಿ 16ರಿಂದ 24ರವರೆಗೆ ಆಯೋಜಿಸಲಾಗಿದೆ. ಈ ಆವೃತ್ತಿಯನ್ನು ಹೈಬ್ರೀಡ್ ವಿಧಾನದಲ್ಲಿ ಪ್ರಥಮ ಬಾರಿಗೆ ನಡೆಸಲಾಗುತ್ತಿದ್ದು, ಇದರಲ್ಲಿ ಆನ್ ಲೈನ್ ಮತ್ತು ವ್ಯಕ್ತಿಶಃ ಆನಂದಾನುಭವ ಒಳಗೊಂಡಿದೆ. ಈ ಉತ್ಸವದಲ್ಲಿ ವಿಶ್ವಾದ್ಯಂತದ 224 ಚಿತ್ರಗಳನ್ನು ಪ್ರದರ್ಶಿಸಲಾಗುತ್ತಿದೆ. ಇದರಲ್ಲಿ 21 ಫೀಚರ್ ಫಿಲಂ ಅಲ್ಲದ ಮತ್ತು 26 ಫೀಚರ್ ಸಿನಿಮಾಗಳು ಭಾರತೀಯ ಪನೋರಮಾ ಸಿನಿಮಾ ವಿಭಾಗದಲ್ಲಿ ಪ್ರದರ್ಶನಗೊಳ್ಳಲಿವೆ.

ಈ ಉತ್ಸವಕ್ಕೆ ಮಾಧ್ಯಮ ನೋಂದಣಿಯನ್ನು ಆರಂಭಿಸಲಾಗಿದ್ದು, 2021 ಜನವರಿ 10ರವರೆಗೆ ಲಭ್ಯವಿರುತ್ತದೆ 2021ರ ಜನವರಿ 1ಕ್ಕೆ ಅರ್ಜಿದಾರರಿಗೆ 21 ವರ್ಷ ವಯಸ್ಸು ತುಂಬಿರಬೇಕು ಮತ್ತು ಕನಿಷ್ಠ ಮೂರು ವರ್ಷಗಳ ಕಾಲ ಇಫ್ಫಿಯಂತಹ ಪ್ರಮುಖ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವಗಳ ವರದಿ ಮಾಡಿದ ವೃತ್ತಿಪರ ಅನುಭವವನ್ನು ಹೊಂದಿರಬೇಕು.

***