২০২০ মনুংদা পাংথোকখিবা দিবলপমেন্ত ওফ নোর্থ ইস্তর্ন রিজন(দোনর)মিনিস্ত্রিগী অচৌবা মাইপাকপশিং মখাদা লৈরে:

১.চাউখৎত্রিবা মফমশিং; খুন্নাইগী নাথৈবীরবা কাংলুপশিং শেমগৎনবা “এন.ই.সি স্কিমশিং”গী শেনফমগী চাদা ৩০ খাক্তুনা থম্লে: হৌজিক লৈরিবা “স্কিমস ওফ নোর্থ ইস্তর্ন কাউন্সিল”গী মখাদা লমদম অসিগী চাউখৎত্রিবা মফমশিং অমসুং খুন্নাইগী শোৎথরবা কাংলুপশিং শেমগৎনবা কাউন্সিল অসিগী অনৌবা প্রোজেকশিংগী শেনফমগী চাদা ৩০ খাকপা ২০২০গী জনুৱারিদা সরকারনা অয়াবা পীরে। পায়খৎকদবা থবকশিং মখাদা লৈরে:

ক) অৱাং-নোংপোক লমদমগী চীংশিং উ থাবগী থবক। উ থাবা অসিদা ৱাগী মথক্তা অৱাংবা উ পাম্বীশিং য়াওরি।

খ) অৱাং-নোংপোক লমদমদা ওর্গনিক ফার্মিং চাউখৎনবা প্রোজেকশিং

গ) অৱাং-নোংপোক লমদমদা ব্রু, চাকমা য়াওনা ফুরুপ কয়াগী অৱাবশিং য়েংশিনবা অমসুং মশক খঙদোক্লবা অৱাবশিংগী পাম্বৈশিং পুথোকপা

ঘ) হোম এফেয়ার্স মিনিস্ত্রিনা মখা তাবা থবক লৌখৎনবা অৱাং-নোংপোক লমদমগী রাজ্যশিংগী মরক্তা লৈরিবা মুক্নবশিং দোকুমেন্তেসন তৌবা

ঙ) অৱাং-নোংপোক লমদমগী রাজ্যশিংগী লোল/ময়েকশিং থিজিনবা অমসুং মাঙখ্রবা লোল/ময়েকশিং হিঙ্গৎহনবা

চ) চাউখৎত্রিবা মফমশিং অমসুং খুন্নাইগী শোৎথরবা অমসুং মীরাইবীরবা কাংলুপশিং চাউখৎহন্নবা মিৎথেং থমদুনা অসিগুম্বা অতোপ্পা মরুওইবা প্রোজেকশিং পায়খৎপা

২. দোনর মিনিস্ত্রি দিজিতাইজ তৌবা : দরকার ওইবা মচাক-মথুমশিং ফংহন্দুনা দোনর মিনিস্ত্রিদা চাদা ১০০ ই-ওফিস থবক ওইনা পাংথোক্লে অমসুং ভি.পি.এনগী খুৎথাংদা ওফিসিএলশিংদা ই-ওফিস শীজিন্নবা ফংহল্লে অমসুং কোবিদ লাইচৎ মতুংদা মিনিস্ত্রিগী থবক শুবদা অপনবা অমতা লৈত্রে। মসিনা শেনবা চহি ২০১৯-২০২০দা মিনিস্ত্রিগী ফন্দ মপুংফানা শীজিন্নবা ঙম্লে। মসিনা ইমপ্লোয়িশিং অশোয়-অঙাম থোকহন্দ্রে।

৩. অৱাং-নোংপোক লমদমদা ৱাগী থবক চাউখৎহনবা: ৱা হৌবা লমগী চাদা ৩৫ রোম অৱাং-নোংপোক রাজ্যশিংদা লৈরি।অদুবু ইন্দিয়ান ফোরেস্ত এক্ত,১৯২৭গী মখাদা ৱা পুথোক-পুশিন তৌবদা অথিংবশিং লৈবদগী অৱাং-নোংপোক লমদমগী ৱাগী পোৎথোক মপুংফানা শীজিন্নদ্রি।

ইন্দিয়ান ফোরেস্ত এক্ত, ১০২৭না ৱা অসি উ অমনি হায়না মশক তাকলম্বা অদু ইন্দিয়ান ফোরেস্ত (এমেন্দমেন্ত )এক্ত, ২০১৭গী মখাদা সরকারনা লৌথোক্লে অমসুং মসি ইনভাইরোনমেন্ত, ফোরেস্ত অমসুং ক্লাইমেত চেঞ্জ মিনিস্ত্রিনা নাপীনি হায়না অমুক হন্না মশক তাক্লে। ৱারেপ অসিনা অৱাং-নোংপোক লমদমদা ৱা চাউখৎনবা অচৌবা অহোংবা অমা পুরক্লে অমসুং মসিনা পাক-চাউনা ৱা থাবা অমসুং শেম-শাবা হেনগৎহল্লগনি।

মপান্দগী ৱাচেৎ পুশিল্লকপদা লৌবা ইমপোর্ত দিউতি চাদা ১০দগী চাদা ২৫দা হেনগৎনবা মরুওইবা ৱারেপ অমা লৌরে। ৱারেপ অসিনা ভারত্তা দরকার ওইবা অগরবত্তি ওক্নবা পুথোক্নবা অনৌবা অগরবত্তি শাবা য়ুনিতশিং লিংখৎনবা লম্বী অমা শেম্লগনি। সেপ্তেম্বর ২০১৯দগী রো বত্তি মপান লৈবাক্তগী পুশিল্লক্ত্রে অমসুং লমদম অসিগী পোৎথোকশিং শীজিন্নরে।

মসিগী মথক্তা, লাক্লিবা থা খরগী মনুংদা, ৱাগী খাউ, অগরবত্তি অমসুং ৱাগী মৈতাল শানবা বেম্বু ক্লস্তর অহুম জম্মু, কাত্রা অমসুং সাম্বদা লিংখৎলগনি অমসুং মসিনা চাউরাক্না মীওই ২৫,০০০ হেনবদা হকথেংন্না থবক পীগনি। জে অমসুং কে য়ু.তি লৈঙাক্না লম পীরবা চহি অনিগী মনুংদা জম্মু ময়াগী ঘাতিদা অচৌবা বেম্বু ইন্দস্ত্রিএল পার্ক অমা অমসুং বেম্বু তেক্নোলোজি ত্রেনিং সেন্তর লিংখৎলগনি।

৪. দিস্তিনেসন নোর্থ ইস্ত : দিস্তিনেসন নোর্থ ইস্ত  অসি অৱাং-নোংপোক লমদম অসি ভারতকী অতৈ মফমশিংদা খঙহন্নবা অমসুং হেন্না নকশিন্ননবা অমসুং লৈবাক্কী অপুনবগী শক্তম মপাঙ্গল কনখৎহন্নবা পান্দমদা দোনর মিনিস্ত্রিনা চহিগী ওইনা শীনবা থৌরম অমনি। ফেস্তিবেল অসিগী মমাঙগী থৌরমশিং দিল্লি, চান্দিগর অমসুং বনারাসীদা পাংথোকখ্রে। “অনৌবা ফজরবা মফমশিং” হায়বা পান্দমদা দিস্তিনেসন নোর্থ ইস্ত ২০২০, ভর্চুএল ওইনা সেপ্তেম্বর ২০২০দা পাংথোকখ্রে।

৫. মোদী সরকার ২.০গী মখাদা দোনর মিনিস্ত্রিনা চহি অমদা পাংথোকখিবা থবকশিংগী লাইরিকমচা অমসুং মসিগী ই-ভর্সন য়ুনিয়ন মিনিস্তর দোক্তর জিতেন্দ্র সিংহনা জুন ২০২০দা ফোঙখ্রে

দোনরগী রাজ্য মন্ত্রী(মনিংতম্বা), পি.এম.ও, পর্সোনেল, পব্লিক গ্রিভান্সেস অমসুং পেন্সন্স, এতোমিক ইনর্জি অমসুং স্পেসকী রাজ্য মন্ত্রী দোক্তর জিতেন্দ্র সিংহনা মোদী সরকার ২.০গী মখাদা দোনর মিনিস্ত্রিনা চহি অমদা পাংথোকখিবা থবকশিংগী লাইরিকমচা অমসুং মসিগী ই-ভর্সন জুন ২০২০দা ফোঙখ্রে।

২০১৯-২০২০ মনুংদা চাদা ১০০ চাদিং তৌবগীদমক দোনর মিনিস্ত্রিগী কাংবু দোক্তর জিতেন্দ্রনা থাগৎলদুনা হায়খি লম্বী, রেল অমসুং নোংথক্কী চৎথোক-চৎশিনগী ফিবম শিংথাবা য়ানা ফগৎলকপদগী লমদম অসি খক নত্তনা লৈবাক শীনবা থুংনা পোৎ-চৈশিং পুথোক-পুশিন তৌবা অমসুং মীওই কয়া চৎথোক-চৎশিনগী খুদোংচাবা হেনগৎহল্লে।

মিনিস্তরনা হায়খি হৌখিবা চহি অমদা অৱাং-নোংপোক লমদমদা ইনফ্রাস্ত্রকচর, ইনর্জি অমসুং অতোপ্পা সেক্তরশিংদা শিংথাবা য়ানা চাউখৎলকপা উরে। অৱাং-নোংপোক লমদম চাউখৎহন্নবা জি.বি.এসকী চাদা ১০ খাক্নবা সরকারগী থৌশিল মখাদা, নন-একজেম্প দিপার্তমেন্ত ৫৫না আর.ই তাঙ্কক্তা অৱাং-নোংপোক রাজ্যশিংদা লুপা করোর ৫৩,৩৭৪ পীখ্রে। জি.বি.এসকী মথক্তা রেলৱেজনা লুপা করোর ৪৭৪৫ কাইথোকখ্রে। প্রধান মন্ত্রীনা অৱাং-নোংপোক লমদমদা অখন্নবা মিৎয়েং থম্লিবা অসিগী শরুক অমা ওইনা জি.বি.এসকী চাদা ১০ কাইথোকপা অসি য়াংনা মশিং হেনগৎলক্লি।

হৌখিবা চহি ১দা অৱাং-নোংপোক লমদমদা মরুওইবা প্রোজেক খর অয়াবা পীরে, থবক হৌরে নৎত্রগা লোইশিনখ্রে অমসুং দোনর মিনিস্ত্রিগী শিংথানিঙাই ওইরবা মাইপাকপশিং মখাদা লৈরে:

১. রাজ্য নিপাল কোনশিনবা কিলোমিতর ১৬৫৬ শাংবা নোর্থ ইস্ত গ্যাস পাইপলাইন গ্রিদ অমগী লুপা করোর ৯২৬৫ চঙগদবা ইন্দ্রধনুস গ্যাস গ্রিদ প্রোজেক অয়াবা পীরে। মসিনা অৱাং-নোংপোক লমদমদা মৈখু চেন্দবা ইনর্জি ফংহনগনি অমসুং পোল্লুসন য়াওদনা ইন্দস্ত্রি চাউখৎহনগনি। প্রোজেক অসিনা অৱাং-নোংপোক লমদমগী ফজরবা মহৌশাগী অকোয়গী ফিবম কনবদা মতেং পাংগনি।

২. লৈবাক্কী কোনুং অমসুং অরুনাচল প্রদেস শম্নগদবা গ্রিনফিল্দ হোলোঙ্গি এয়রপোর্তকী থবক হৌরে। লুপা করোর ৯৫৫.৬৭ রোম চঙগদবা প্রোজেক অসি দিশেম্বর ২০২২দা লোইশিল্লবা য়ারি।

৩. খা থংবা ত্রিপুরাদগী বঙ্গালেসকী চাত্তোগ্রাম হিথাংফম ফাওবা লাইনা য়ৌবা য়াবা বেলোনিয়া-সাব্রুম(কিলোমিতর ৩৯.১২)রেলৱে-লাইন শেম্বা রেলৱেজনা লোইশিনখ্রে। নিউ জলপাইগুরি-লুমদিং প্রোজেক্কী হৱাইপুর-লুমদিং(কিলোমিতর ২৫.০৫)সেক্সন দব্লিংগী থবক লোইশিনখ্রে।

অয়াবা পীখ্রবা অনৌবা থবকশিংগী মনুংদা(ক) লুপা করোর ২০৪২.৫১গী রঙ্গিয়া ফাওরগা নিউ বোনগাইগাউন-অগরি(কিলোমিতর ১৪২)সেক্সন; (খ)লুপা করোর ৮৮৮ অমসুং লুপা করোর ৩৫১২ চঙনা সারাইঘাত অমসুং তেজপুর সিলঘাত্তা ব্রাহ্মাপুত্রা মথক্তা থোঙ অনি শাবা;(গ)লুপা করোর ২২৯৩ চঙনা কিলোমিতর ২৩৫২ শাংবা অৱাং-নোংপোক লমদমগী বি.জি রেলৱেজ নেতৱার্ক পুম্নমক মৈ ফংহনবা য়াওরি।

৪. লম্বী-থোঙগী ওইনা, লুপা করোর ৭৭০৭.১৭ চঙগদবা কিলোমিতর ৫৩৬ শাংবা নেসনেল হায়ৱেজ প্রোজেক ৩৫ অয়াবা পীখ্রে। অরুনাচল প্রদেসতা প্রোজেক অহুম(কিলোমিতর ৬৬) লোইশিনখ্রে।

  ৫. ইন্দো-বঙ্গলাদেস প্রোতোগোল(আই বি পি) লম্বী অমসুং নেসনেল ৱাতরৱেজ-২(ব্রাহ্মাপুত্রা) ফাওরগা কোলকাতা অমসুং হালদিয়া পোর্ততগী গুৱাহাতি তর্মিনেল ফাওবা কার্গো অমসুং কন্তেন্নর পুথোক-পুশিনগী থবক হৌরে। মসিগী ঈশিং লম্বী অসি শীজিন্নবা হৌবদগী পুথোক-পুশিনদা চঙদবা শেনফম হন্থরগনি। আই.বি.পি লম্বী অসি বঙ্গলাদেসকী শরুক্তা লুপা করোর ৩০৫.৮৪ চঙনা মখা তানা শেমগৎলে।

  ৬. কেন্দ্রগী বজেত ২০২০-২১দা হৌদোকখিবা কৃষি উরান স্কিম থবক ওইনা পাংথোক্লে অমসুং বাগদোগ্রা, গুৱাহাতি অমসুং অগরতালা এয়রপোর্তশিংদগী লৌউ-শিংউগী পোৎথোকশিং হায়বদি কিহোম, শিং, কিৱি, ওর্গনিক্কী পোৎথোকশিং পুবা হৌরে।

৭. অরুনাচল প্রদেসকী সুবান্সিরি হায়দ্রো পৱার প্রোজেক্কী পন্দুনা লৈরম্বশিং(আইনগী, রাজনিতিগী অমসুং অকোয়বগী ফিবমগী)লৌথোক্লে অমসুং ২০১১দগী থবক লেপখিবা মেগৱাত ২০০০গী প্রোজেক অসি থবক হৌরে অমসুং মসি ২০২৩দা লোইশিল্লবা য়ারি।

কোবিদ-১৯ থেংনবা: ফাইনান্স মিনিস্ত্রিনা লুপা করোর ৭৯২৩.৭৮ অমসুং হেল্থ অমসুং ফেমিলি ৱেলফিয়ার মিনিস্ত্রিনা লুপা করোর ২৩৫.৫৯ পীখিবগী মথক্তা দোনর মিনিস্ত্রি/এন.ই.সিনা লুপা করোর ২৫গী অন্তাইদ ফন্দশিং পীখ্রে। মিজোরম, মেঘলয়, অরুনাচল প্রদেস অমসুং মনিপুরগী অনা-লায়য়েংগী মচাক-মথুমশিং শেমগৎনবা নেসিদসকী মখাদা লুপা করোর ১৫২.১৮গী প্রোজেকশিং অয়াবা পীখ্রে। ক্বারেনতাইন সেন্তর অনি হায়বদি সি.বি.তি.সি হোস্তেল ব্লোক, বুরনিহাত, গুৱাহাতি, অসাম অমসুং এন.ই.সি হাওস, নিউ দিল্লি মশক খঙদোক্লে। কোবিদ লাইচৎ লাকপদা অৱাং-নোংপোক লমদমগী রাজ্য ৮গী অনা-লায়য়েংগী দরকার ওইবশিং ফগৎহন্নবা, মরুওইনা লৌনগনবা লায়নাশিং লায়য়েংনবা দরকার ওইবশিং শেমগৎনবা দোনর মিনিস্ত্রিনা লুপা করোর ১৯০ কাইথোকখ্রে।

অৱাং-নোংপোক লমদমগী রাজ্য ৬, জিলা ১৫দা দোনর মিনিস্ত্রগী এন.ই.আর.এল.পি অমসুং নেরকোরম্প স্কিমশিং পায়খৎতুনা লমদম অসিগী য়ুমথোঙ ৪,১২,৬৪৪দা হিংনবা লম্বী ফংহনখ্রে। হায়রিবা স্কিমশিং অসিগী মখাদা সেল্প হেল্প গ্রুপ ৩৬৫৬১, সেল্প হেল্প গ্রুপ ফেদেরেসন ১৫০৬, নেচরেল রিছোর্স মেনেজমেন্ত গ্রুপ ২৮৯৯ অমসুং নেচরেল রিছোর্স মেনেজমেন্ত গ্রুপ এসোসিএসন ২৮৬ শেমখ্রে।

অৱাং-নোংপোক লমদমদা এম.এস.এম.ই অমসুং মাইক্রো ফাইনান্স সেক্তর য়োকখৎনবা নেদফিনা মিনিস্ত্রিগা খুৎয়েক পীনখিবা এম.ও.য়ুগী মতুংইন্না জুন ২০১৯দগী মে ২০২০ ফাওবগী মনুংদা লুপা করোর ৩০ কাইথোক্নবা পান্দম থম্বদা লুপা করোর ৪৭.০২ কাইথোকখ্রে। মসিনা বি.এফ.সিশিংগী খুৎথাংদা ওন্ত্রেপ্রেনিউয়র ৫৩৯ লমজিং-লমতাকপগী মতেং পীখ্রে অমসুং ওন্ত্রেপ্রেনিউয়র ৭৭ শেন্থং পীখ্রে।

৮. কেন্দ্রগী বজেত ২০২০-২১দা অৱাং-নোংপোক লমদম চাউখৎহন্নবা অকনবা মিৎয়েং চঙলে। হৌখিবা চহিদা বজেতকী শেনফম লুপা করোর ২৬৭০ কাইথোকপদগী চাদা ১৪ হেনগৎতুনা ২০২০-২১দা লুপা করোর ৩০৪৯ কাইথোক্লে।

মিনিস্তর দোক্তর জিতেন্দ্র সিংহনা হায়খি ২০২০-২১দা দোনর মিনিস্ত্রগী বজেতকী চাকথুং লুপা করোর ৩০৪৯ ওইর, মসি আর.ই ২০১৯-২০দা লুপা করোর ২৬৭০ লৈখিবা অদুগী মথক্তনি। ২০২০-২১দা দোনর মিনিস্ত্রিগী বজেত এল্লোকেসন অসি চাদা ৭৭.২৬ হেনগৎলে। এন.ই.সিনা পায়খৎলিবা স্কিমশিংগী ওইনা, চৎলিবা চহি অসিগী বজেতকী শেনফম অসি লুপা করোর ১৪৭৪নি, মসি ২০১৯দা লুপা করোর ১২৩৭ কাইথোকখিবা অদুদগী চাদা ১৯.২৩ হেনগৎলে। হৌখিবা চহি ৫ অসিদা এন.ই.সিগী বজেত শরুক অনি হেনগৎতুনা লুপা করোর ৭০০দগী লুপা করোর ১৪৭৪ য়ৌখি।

৯. ইনভেস্ত ইন্দিয়াদা অৱাং-নোংপোক লমদমগী অখন্নবা মফম

মার্চ ২০২০দা, ইনভেস্ত ইন্দিয়াদা অৱাং-নোংপোক লমদমগী অখন্নবা মফম অমা থম্নবা ৱাফম অমা পুখৎলকখি। দেক্স অসিনা ইনভেস্ত ইন্দিয়াদা অৱাং-নোংপোক রাজ্যশিংদা শেন থাদবা হেনগৎহন্নবা অমসুং ৱেবসাইত শেমগৎনবা থবক পায়খৎকনি।

অৱাং-নোংপোক লমদমদা মতেং পীনবা থৌরাং তৌরিবশিং:

১. ই-পাউ পীনবা থবক

২. তার্গেত্তিং সপোর্ত

৩. ফেসিলিতেসন সপোর্ত

৪. ত্রেনিং অমসুং কেপাসিতি বিল্দিং

৫. স্তেৎ ইনভেস্তমেন্ত তিমশিং শেমগৎপা

৬. মখোয়গী ইনভেস্তমেন্তগী মীফমশিংগী রাজ্যশিংদা পাউতাক পীবা

৭. ইনভেস্তরশিং শৌগৎপা

৮.ৱেবসাইত

মথক্কী থবকশিং অসি রাজ্য সরকারশিংগা পুন্না পাংথোকমিন্নগনি।

******