ਹਵਾਈ ਸੈਨਾ ਦੇ ਮੁਖੀ, ਏਅਰ ਚੀਫ ਮਾਰਸ਼ਲ ਆਰ ਕੇ ਐਸ ਭਦੌਰੀਆ ਪੀਵੀਐਸਐਮ ਏਵੀਐਸਐਮ ਵੀਐਮ ਏਡੀਸੀ ਨੇ 31 ਦਸੰਬਰ 20 ਨੂੰ ਏਅਰ ਹੈਡਕੁਆਰਟਰ, ਵਾਯੂ ਭਵਨ ਵਿਖੇ ਆਈਏਐਫ ਈ-ਗਵਰਨੈਂਸ (ਈ-ਆਫਿਸ) ਪੋਰਟਲ ਦੀ ਰਸਮੀ ਸ਼ੁਰੂਆਤ ਕੀਤੀ। ਇਹ ਸ਼ੁਰੂਆਤ ਡਿਜੀਟਲ ਇੰਡੀਆ ਦੇ ਹਿੱਸੇ ਵਜੋਂ ਲਾਗੂ ਕੀਤੀ ਗਈ ਅਤੇ ਈ-ਗਵਰਨੈਂਸ ਪਹਿਲਕਦਮੀ ਪੂਰੇ ਭਾਰਤੀ ਹਵਾਈ ਸੈਨਾ ਨੂੰ ਇੱਕ 'ਕਾਗਜ਼ ਰਹਿਤ ਦਫ਼ਤਰ' ਕੰਮਕਾਜ ਦੇ ਪ੍ਰਵਾਹ ਵਿੱਚ ਬਦਲ ਦੇਵੇਗੀ।

ਭਾਰਤੀ ਹਵਾਈ ਸੈਨਾ ਵਿੱਚ ਈ-ਗਵਰਨੈਂਸ ਦੀ ਸ਼ੁਰੂਆਤ ਮੌਜੂਦਾ ਪੱਤਰ ਵਿਹਾਰ, ਫਾਈਲਿੰਗ ਅਤੇ ਦਸਤਾਵੇਜ਼ਾਂ ਦੇ ਡਿਜੀਟਲਕਰਨ ਦੇ ਢੰਗ ਨੂੰ ਬਦਲੇਗੀ। ਇਹ ਪਲੇਟਫਾਰਮ ਕਾਗਜ਼ ਦੀ ਵਰਤੋਂ ਵਿੱਚ ਵੱਡੀ ਕਮੀ ਦੇ ਨਾਲ ਪਾਰਦਰਸ਼ਤਾ ਵਿੱਚ ਸੁਧਾਰ, ਕਾਰਜਕੁਸ਼ਲਤਾ ਵਿੱਚ ਸੁਧਾਰ, ਜਵਾਬਦੇਹੀ ਵਿੱਚ ਵਾਧਾ, ਭਰੋਸੇਯੋਗ ਅੰਕੜਿਆਂ ਦੀ ਅਖੰਡਤਾ ਅਤੇ ਤੇਜ਼ੀ ਨਾਲ ਪੁਰਾਲੇਖਾਂ ਨੂੰ ਪਹੁੰਚਯੋਗ ਬਣਾਏਗਾ।

ਇਹ ਪ੍ਰਾਜੈਕਟ 20 ਅਪ੍ਰੈਲ ਤੋਂ ਸ਼ੁਰੂ ਹੋਇਆ ਸੀ ਅਤੇ ਇਸਨੂੰ 01 ਜਨਵਰੀ 2021 ਤੱਕ ਪੂਰਾ ਕੀਤਾ ਜਾਣਾ ਸੀ। ਇਸ ਐਪਲੀਕੇਸ਼ਨ ਨੂੰ ਸ਼ੁਰੂ ਤੋਂ ਹੀ ਸਵਦੇਸ਼ੀ ਤੌਰ 'ਤੇ ਡਿਜ਼ਾਇਨ ਕੀਤਾ ਗਿਆ ਹੈ ਅਤੇ ਆਈਏਐਫ ਦੀ ਫਾਈਲਿੰਗ ਪ੍ਰਣਾਲੀ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਇਸ ਨੂੰ ਅਨੁਕੂਲ ਬਣਾਇਆ ਗਿਆ ਹੈ। ਇਹ ਫਾਈਲਾਂ ਅਤੇ ਦਸਤਾਵੇਜ਼ਾਂ ਦੀ ਸਿਰਜਣਾ, ਪ੍ਰਬੰਧਨ, ਆਵਾਜਾਈ, ਪ੍ਰੋਸੈਸਿੰਗ ਅਤੇ ਪੁਰਾਲੇਖ ਦਾ ਪ੍ਰਬੰਧ ਕਰਦੀ ਹੈ ਅਤੇ ਜਲਦੀ ਨਿਪਟਾਰੇ ਅਤੇ ਤੇਜ਼ੀ ਨਾਲ ਫੈਸਲਾ ਲੈਣ ਦੇ ਯੋਗ ਬਣਾਉਂਦੀ ਹੈ।

***

ਏਬੀਬੀ/ਆਈਐਨ/ਬੀਐਸਕੇ/ਜੇਏਆਈ