জল শক্তি মন্ত্রালয়
জল শক্তিগী রাজ্য মন্ত্রী অরুনাচল প্রদেসকী পাসিঘাত্তা ব্রাহ্মাপুত্রা অমন্ত্রন অভিয়ান শরুক য়াখ্রে
Posted On:
30 DEC 2020 8:02PM by PIB Imphal
ঙসি ব্রাহ্মাপুত্রা বোর্দনা শীন্দুনা অরুনাচল প্রদেসকী পাসিঘাত্তা পাংথোকখিবা ব্রাহ্মাপুত্রা অমন্ত্রন অভিয়ানদা(রিভর রাফতিং এক্সপিদিসন অমা অমসুং মীয়ামগা উনবা থৌরম অমা) জল শক্তি অমসুং সোসিএল জজতিস অমসুং ইমপ্বারমেন্তগী রাজ্য মন্ত্রী শ্রী রত্তন লাল কাতারিয়া শরুক য়াখ্রে।
ব্রাহ্মাপুত্রা বোর্দনা পায়খৎলিবা মীয়াম ৱাখল তাহনবগী খোঙজং অসিদা শ্রী পেমা খান্দুগী লমজিং মখাদা অরুনাচল প্রদেস সরকারনা মতেং পাংবগীদমক রাজ্য মন্ত্রীনা থাগৎখি। রাফতিং এক্সপিদিসন অমসুং মীয়ামগা উনবা থৌরম অসি দিশেম্বর ২৩দগী অরুনাচল প্রদেসতগী হৌখিবনি অমসুং জনুৱারি ২১, ২০২১দা অসামগী অসামেরালগাদা লোইশিনগনি। “তুরেলশিংগা হিংমিন্নবা” হায়না মিংথোনবা থা ১গী কেম্পেন অসিনা অরুনাচল প্রদেসতগী ভারত্তা চঙলকপা অমসুং অসাম ফাওরগা বঙ্গালদেস য়ৌরবা মতুংদা গঙ্গা তুরেলদা তিল্লবা মতুংদা বে ওফ বেঙ্গলদা তাখিবা ব্রাহ্মাপুত্রা তুরেলগী মরমদা মীয়ামদা খঙহন্নবা পান্দম থম্লি।
![](http://static.pib.gov.in/WriteReadData/userfiles/image/BAA-2X9LL.jpeg)
অপুনবা থৌরাং অমগী মখাদা ঈশিং ফংদবগী অৱাবশিং কোকহন্নবা চোকথবা নাইদনা থবক পাংথোকপগীদমক থৌরম অদুদা শ্রী কাতারিয়ানা আই.আই.তি গুৱাহাতিগী মহৈরোয়শিং,এন.দি.আর.এফকী মেম্বরশিং, নোর্থ ইস্তর্ন স্পেস এপ্লিকেসন সেন্তর শিল্লোং, সেন্ত্রেল ৱাতর কম্মিসন, ইন্দিয়ান মেতেরোলোজিকেল দিপার্তমেন্ত গুৱাহাতি, জল শক্তি মিনিস্ত্রিগী সাইন্তিস্তশিং অমসুং ইঞ্জিনয়ারশিং থাগৎখি। মহাক্না হায়খি ২০১৯দা মিনিস্ত্রিনা পুথোকখিবা অমসুং থবক ওইনা পাংথোকখিবা গঙ্গা অমন্ত্রন অভিয়ান মাইপাকপদগী ব্রাহ্মাপুত্রা অমন্ত্রন অভিয়ান পায়খৎলকপনি। সরকারনা নামামি গঙ্গে প্রোগ্রামগী মখাদা পায়খৎখিবা অফবা থবকশিং মহাক্না থৌরম অদুদা শরুক য়াখিবশিংদা ফোঙদোকখি।
শ্রী কাতারিয়ানা হায়খি তুরেলশিং অমসুং মীওইবগী সভেত্যগী মরক্তা তৎন-থানবা য়াদ্রবা মরী লৈনরি। পুৱারিগী ওইনা মীওইবা খুন্নাইশিং তুরেলশিংগী মপান্দা খুন্দা-লৈতাবা হৌরকখি অমসুং গ্রহ অসিদা তুরেল অসিগী থৱায় পানবগী মরুওইবা হৌরকফমনি। অদুবু মীশিং হেনগৎলকপা অমসুং সহর পাকথোক-চাউথোকপা হেনগৎলকপদগী ঐখোয়গী তুরেলশিংদা চৈথেংবা পীবা হেনগৎলকখি। তুরেলশিংদা অমোৎপশিং থাদরকপদগী পোল্লুসনগী খুদোংচাদবশিং মায়োক্নরে।
ঐখোয়গী তুরেলশিং অমোৎপা লৈহন্দনবা অমসুং মখোয়গী “নিরমালতা” অমসুং “অভিরালতা”গী থবক পাংথোক্নবা শরুক য়াখিবশিংদা মিনিস্তরনা হায়জখি। মহাক্না হায়খি “তুরেলগা ইরোইন্না চাউখৎপা” হায়বা পান্দম অসিগী মখাদা তুরেল ঙাক-শেনবা অমসুং চাউখৎ-থৌরাংগা খুৎশম্নদুনা চৎমিন্নগদবনি। ব্রাহ্মাপুত্রা বোর্দনা শীনবা তোঙান-তোঙানবা চাংদম্নবশিং অমসুং মীয়াম ৱাখল তাহন্নবা থৌরমশিংদা শরুক য়াখিবশিংদা মনা-মথুমশিং য়েন্থোকখি। থৌরম অদুদা ব্রাহ্মাপুত্রা বোর্দকী চিয়রমেন রজিব য়াদব, সেক্রেতরি ভি.দি রোই, রাজ্য অমসুং কেন্দ্র সরকারগী ওফিসিএলশিং শরুক য়াখি।
![](http://static.pib.gov.in/WriteReadData/userfiles/image/BAA-10I2KJ.jpeg)
তুরেলনা মসিগী তোর্বানগী শরুকশিং লৈবাক নিংখাইবা অমসুং ঈশিং ইচাউ কয়া থোকহল্লি। মরম অদুনা তুরেলশিংগা হিংমিন্নবা হায়বা পান্দম অসিদা, লমদম অসিগী থৱায় ওইরিবা ব্রাহ্মাপুত্রা তুরেল অমসুং মীওইবগা লৈনবা মরী হেন্না চেৎশিনহনগদবনি। কেম্পেন অসিগী শরুক অমা ওইনা এন.দি.আর.এফ কাংবুনা ব্রাহ্মাপুত্রা তুরেল মরীলদা অরুনাচল প্রদেস অমসুং অসাম ফাওরগা রাফতিংগী খোঙচৎ অমা পাংথোকখি। তুরেলগী নাকলদা লৈবা সহরশিংদা এৱারনেস প্রোগ্রামশিং পাংথোকখি।
*****
(Release ID: 1684967)
Visitor Counter : 89