মেঘালয়াগী রি-ভৌই জিলাদা লৈবা নোর্থ ইস্তকী ইহান-হানবা অখন্ননা “শিং” প্রোসেস তৌবগী প্লান্ত অদু হিংগৎহনখ্রে অসমুং হায়রিবা অসি ২০২১গী হৌরকপদা মথৌ তৌবা হৌবা য়ানা লৈ।

দি.ও.এন.ই.আর.গী মন্ত্রালয়গী তেংবাং মখাদা থবক তৌবা পি.এস.য়ু., নোর্থ ইস্তর্ন রিজনেল এগ্রিকলচরেল মার্কেত্তিং কোর্পোরেশন (এন.ই.আর.এ.এম.এ.সি.)গী তৌরিবা থবকশিং অদু য়েংশিল্লবা মতুংদা ঙসি মফম অসিদা মসিগী মতাংদা ফোংদোরকখি,  কেন্দ্রগী রাজ্য মন্ত্রী (ইন্দিপেন্দেন্ত চার্জ) দিবেলপমেন্ত ওফ নোর্থ ইস্তর্ন রিজন (দি.ও.এন.ই.আর.), এম.ও.এস. পি.এম.ও., পার্সোনেল, পব্লিক গ্রিভান্সেস, পেন্সন্স, এতোমিক ইনর্জী অমসুং স্পেস, দা. জিতেন্দ্র সিংনা হায়খি মদুদি নোর্থ ইস্ত ইন্দিয়াগী অমত্তা ঙাইরবা শিং প্রোসেস তৌনবগী প্লান্ত অসি চহি ২০০৪ অদুৱাইদা লিংখৎখিবনি অদুবু চহি কয়াগীদমক্তা মথৌ তৌদনা লৈরকখি। এন.ই.আর.এ.এম.এ.সি.না মসিবু অমুক হন্না ইংগৎহন্নবগী থৌদাং লৌখৎখি অমসুং পি.পি.পি. মোদকী খুত্থাংদা থিংদুনা লৈরবা প্লান্ত অসি অমুক মথৌ তৌহন্নবা খোংথাং কয়া পাইখৎলকখ্রে হায়না মহাক্না হায়খি।

দা. জিতেন্দ্র সিংনা হায়খি মদুদি এক্সপোর্ত প্রোমোশন ইন্দস্ত্রীয়েল পার্ক (ই.পি.আই.পি.)দা লৈবা প্লান্ত, রাজা ভাগন, বীর্নিহাতনা শিং প্রোসেস তৌবা খক্তা নত্তনা ৱেক্স তৌরবা শিং, শিংগী পেস্ত, শিংগী পাওদর, শিংগী ফ্লেকশিং, শিংগী থাওনচিংবশিংগুম্বা পোত্থোকশিং শেম্বদসু মতেং পাংগনি।

মরু ওইনা, মআক্না হায়খি, শিং অসিনা হন্দক্কী থা খরা অসিদা মশক খঙবা মফম অমা কনখি মরমদি মসিনা কোবিদ-১৯গী ভাইরসকী মায়োক্তা ইম্যুনিতী বুস্তর অমা ওইনা মসিগী মগুন লৈবা থেংনখি অমসুং প্রধান মন্ত্রী নরেন্দ্র মোদীনসু মসিগী মতাংদা হন্দক্তা পনখি।

শিংগী পোত্থোকশিং অসি মসিগী প্লান্ত অসিদগী শেম্লি, হায়না দা. জিতেন্দ্র সিংনা হায়খি, মসি লমদম অসিগী শিজিন্নবগীদমক্তা ফংহনবা খক্তা নত্তনা মসিগী দিমান্দ অসি পাক-শন্না লৈগনি অমসুং মসিনা প্রধান মন্ত্রীগী খোল্লাও “ভোকেল ফোর লোকেল” অদুবুসু মাইপাক্নবগী লম্বি অমা ওইগনি। পি.পি.পি. মোদকীদমক্তা, ওপরেশন অমসুং মেন্তিনেন্স ওপরেতর অমা  তেন্দরিং প্রোসেসকী খুত্থাংদা খনখি অমসুং প্লান্ত অসিবু লিংখৎপা অমসুং অমুক হন্না হিংগৎহন্নবগী থবক অদু খুমাং চাউশিল্লি, হায়না মহাক্না হায়খি।

নোর্থ ইস্তর্ন রিজনেল এগ্রিকলচরেল মার্কেত্তিং কোর্পোরেশন (এন.ই.এ.এম.এ.সি.)গী মেনেজিং দাইরেক্তর, মনোজ কুমার দাসনা শম্লপ্না খঙহল্লকপা অদুনা খঙহল্লকখি মদুদি ভারতকী নোর্থ ইস্ত রিজন অসিনা চহি খুদিংগী অৱাংবা ক্বালিতীগী শিং চাউরাক্না মেত্রিক তন ৪৫০,০০০ পুথোকই অদুবু অয়াম্বদি প্রোসেসিং তৌবা অমসুং কোল্দ স্তোরেজ ফেসিলিতীশিং ৱাৎপনা মরম ওইরগা অতাবা মমলদা য়োন্থোকই। মেঘালয়াদা লৈরিবা প্লান্ত অসিনা শিং থাবশিংদা য়াম্না মথৌ তারবা ফেসিলতী পীরগনি অমসুং মখোয়না মখোয়গী লৈজবা কেপাসিতীশিং অদু শিজিন্নবা য়ারগনি অমসুং মহৌশাগী পোত্থোক অসিবু খ্বাইদগী হেন্না ফবা মওংদসু শিজিন্নবা ঙমগনি।

মসিগী মথক্তা, দা. জিতেন্দ্র সিংদা নোর্থ ইস্ততা অনৌবা রিতেল পোইন্ত ১০০ অমসুং গুৱাহাতিদা অমসুং নোর্থ ইস্তর্ন রিজনগী অতোপ্পা মরু ওইবা তাউনশিংদা উহৈগী কিয়োস্কশিং থম্নবগী  প্লান অদুগী মতাংদা খঙহল্লকখি। হায়রিবশিং অসি অয়াম্বা পি.পি.পি.মোদতা ওইগনি। এন.ই.আর.এ.এম.এ.সি.না খ্বাইদগী নৌবা ফেসিলিতীশিংগা লোইননা মার্কেত্তিং কমপ্লেক্সশিং অসি দিবেলপ তৌবগী থৌদাংসু লৌখ্রে।

*****