প্রধানমন্ত্রী, শ্রী নরেদ্র মোদীনা ইন্দিয়ন পুম্নমক্কীদমক হৌরিবা ফিৎনেস কা দোজ আধা ঘন্তা রোজ কেম্পেন হৌদোকপদা ৱার্ল্দ হেল্থ ওর্গনাইজেসননা (দব্লু.এইচ.ও.)না থাগৎলকখ্রে। ত্বীত অমদা দব্লু.এইচ.ও.না হায়খি, “ফিৎনেস কা দোজ আধা ঘন্তা রোজ কেম্পেনগী খুথাংদা হকচাং শাজেলগী থবক-থৌওংশিং য়োকখৎনবা ভারতকী অনৌবা খোংথাং অসিবু  দব্লু.এইচ.ও.না ঙমখৈ লৈতনা থাগৎলি।”

কেম্পেন অসি কেন্দ্রগী য়ুথ অফিয়র্স অমসুং স্পোর্তসকী মন্ত্রী, শ্রী কিরন রিজিজুনা দিসেম্বর ১দা লৈবাক পুম্বগী থাক্তা হৌদোকপা কেম্পেন অসিনা হিরম কয়াগী সেলিব্রিতীশিংগী মায়কৈদগী সপোর্ত ফংলি। বোলীৱুদ, শান্নরোইশিং, অইবশিং, দোক্তরশিং, ফিৎনেস ইনফ্লুএন্সরশিং, অতৈ-অতোপশিংগী মরক্তা সক্নাইরবা কয়ানা থৱায় য়াওনা ইন্দিয়নশিংদা মিনিত ৩০গী ওইবা ফিৎনেসকী মরু ওইবা মন্ত্র অসি সোইদনা তৌবীয়ু হায়না হায়খি।  

বেদমিন্তনা ৱার্ল্দ চেম্পিয়ন অমসুং ওলীম্পিক মেদলিস্ত পি.ভি. সিন্ধুনা ত্বীত তৌরকখি “ফিৎনেস ঐগী পুন্সিগী য়াম্না মরু ওইবা শরুক অমনি অমসুং মসি য়াম্না চাউরবা ইহৌ অসিগীদমক মীপুম খুদিংমক্না পুন্সিন্দুনা অমসুং অমত্তা ওইনবগীদমক্তা পীরিবা খুদোংচাবা অমনি।”

রাইতর চেতন ভগতনা মখা তানা ইরকখি, হকচাং ফবা হায়বসি কনাগুম্বা অমগী ‘ইম্যুনিতী’, ‘পুক্নিংগী ফিভম’, হকচাং অমসুং পুন্সি চুপ্পা হকচাং নুঙাইনা লৈনবগীদমক য়াম্না চাউবা থৌদাং লৌরি।” অমসুং মরম অদুনা অসিদা ঐখোয় পুম্নমক্না য়াওবা ঙম্বা হায়বসি য়াম্না চাউথোক্নিংঙাইনি।  

লাইফস্তাইল অমসুং ৱেলনেস এক্সপার্ত ল্যুক কুতিনহোনা মখোয়গী ৱাখল্লোনশিংবু য়ানিংখি অমসুং মখা তানা হায়রকখি “নোংমদা ফিৎনেসকিদমক্তা মিনিত ৩০ খক্তমক হোৎনরবদি, মদুনা নখোয়গী ফিৎনেস অমসুং হকশেলগী থাক পুম্নমক্তা য়াম্না শাংলবা মতমগী কান্নবা ফংগনি! @নরেন্দ্র মোদী অমসুং @কিরেনরিজিজুবু মসিগী য়াম্না ফজরবা খোংথাং অসিদা ঐবু শরুক অমা ওইহনবীবগীদমক থাগৎচরি!” 

আই.এস.এস.এফ. ৱার্ল্দ কপ গোল্দ মেদলিস্ত সুতর অপুর্ৱি চন্দেলনসু প্রধান মন্ত্রীগী ৱাখল্লোন অসিবু য়ানিংবা উত্তুনা  ত্বীত তৌরকখি “হয়েং নশানা নশাবু মসিগীদমক্তা থাগৎচনবা, ঙসি করিগুম্বা খরা পাংথোকউ!! নোংমদা য়ামদ্রবদা মিনিত ৩০ হকচাং শাজেল তৌরবদি হকচাং, কোক, অমসুং থৱায়দা অফবা অহোংবা কয়া পুরক্কনি। #ন্যুইন্দিয়াফিৎইন্দিয়া #ফিৎইন্দিয়ামুভমেন্ত।”

মখোয়শিং অসিগী খোল্লাও অসিদা অনিরক ওলীম্পিক ব্রোঞ্জ মেদলিস্ত ওইরবা অমসুং রেস্লর সুশিল কুমার, ওলীম্পিক  ব্রোঞ্জ মেদলিস্ত সুতর গগন নারং, হান্নগী ইন্দিয়াগী ক্রিকেতর সুরেশ রাইনা, পেরালীম্পিক সিল্ভর মেদলিস্ত দীপা মালিক, স্প্রিন্তর হিমা দাস, একত্রেস সৌম্যা তন্দন, ক্রিকেত শানরোই মিথালি রাজ, সি.দবল্যু.জি. সিল্ভর মেদলিস্ত মনিশ কৌশিক, রাইতর চেতন ভগৎ, অতৈ-অতোপ্পশিংগী মরক্তা শরুক য়াখি।

*****