রেন্দম নম্বরশিং অসিনা ক্বান্তম কম্ম্যুনিকেসন, কৃপ্তোগ্রাফী (কী জেনেরেসন, কী রেপ্পিং, অচুম-অরান খঙদোকপনচিংবা), সাইন্তিফিক সাইম্যুলেসন, লোত্তরি অমসুং ফন্দামেন্তেল ফিজিক্স এক্সপেরিমেন্তকুম্বা হীরম খুদিংদা তঙাই ফদনা চঙদবা য়াদ্রবা থৌদাং কয়া পাংথোকই। তসেং-তসেংবা রেন্দম্নেস অসি ক্লাসসিকেলগী ওইবা পাম্বৈ শিজিন্নরগা কৈদৌনুংদা পুথোকপা ঙম্লোই হায়না থাজনৈ। ক্বান্তম মেকানিক্সতা মশাগী ওইবা অশেংবা রেন্দম নম্বর পীবা ঙম্বগী মতিক লৈ অমসুং মরম অসিনা রেন্দম ওইবা থৌওং তঙাই ফদবা সাইন্তিফিক ওইবা থবকশিংদা মসিবু য়াম্ন পাম্না শিজিন্নৈ।

দি.আর.দি.ও. য়ং সাইন্তিস্ত লেবোরেতরী ফোর ক্বান্তম তেক্নোলোজীজ (দি.ৱাই.এস.এল.-ক্যু.তি.)না রেন্দম ক্বান্তম ইভেন্ত মশক খঙদোক্তুনা মখোয়শিং অদুবু বাইনেরী দিজিৎকী পরেং ওইনা শেমদোকপা ঙম্বা ক্বান্তম রেন্দম নম্বর জেনেরেতর (ক্যু.আর.এন.জি.) অমা পুথোকখ্রে। লেবোরেতরী অসিনা ফাইবর-ওপ্তিক ব্রাঞ্চ পাথতা য়ুম্ফম ওইবা ক্যু.আর.এন.জি. পুথোকখ্রে। ব্রাঞ্চ পাথতা য়ুম্ফম ওইবা ক্যু.আর.এন.জি. অসি করিগুম্বা ফোতোন অমা অসি খল নায়বা বীম স্প্লিত্তর অমদা থম্লবদি, মসিনা বীম স্প্লিত্তরনা পুথোক্লিবা আউৎপু পাথ অদু রেন্দম ওইনা লৌশিনগনি হায়বা ৱাখল্লোন অসিদা য়ুম্ফম ওইবনি। ফোতোন অমনা খনবা পাথ অসি রেন্দম ওইবা মরম্না, মসিগী রেন্দম ওইবগী মওং অসি বিৎশিংগী পরিংদা ওন্থোকই।

লেবোরেতরী অসিনা পুথোক্লিবা ক্যু.আর.এন.জি. সীস্তেম অসিনা এন.আই.এস.তি. অমসুং দাই-হার্দর স্তেতিস্তিকেল তেস্ত সুইৎকুম্বা মালেমগী ওইবা রেন্দম্নেস তেস্ত তৌবগী অকক্নবশিং অসি পোস্ত প্রোসেসিং তৌরবা মতুংদা কে.বি.পি.এস. ~১৫০গী খোঙজেলদা মাই-পাক্না য়ৌবা ঙমখ্রে। মসিনা পুথোক্লবা রেন্দম নম্বরশিং অসিসু য়েংলবা মতুংদা দি.আর.দি.ও.না মশানা পুথোকচবা এস.এ.জি.গী রেন্দম্নেস স্তেতিস্তিকেল তেস্ত সুইৎ শিজিন্নদুনা অচুম-অরান য়েংথোক্লে। মসিগী মাই-পাকপা অসিগা লোয়ননা ভারতনা ক্বান্তম ফেনোমেনন্দা য়ুম্ফম ওইদুনা রেন্দম নম্বর পুথোকপা ঙম্বা তেক্নোলোজী লৈবা লৈবাকশিংগী মনুংদা চনবা ঙমখ্রে।

***