মোরারজি দেসাই নেশনেল ইন্সতিতিউত ওফ য়োগা (এম.দি.এন.আই.ৱাই.), নই দিল্লীনা কোবিদ-১৯গী মতুংদা ই-এজুকেসন অমসুং ভর্চুৱেলল লর্নিংগীদমক অনৌবা নিয়মশিং হৌদোক্নবা শেম শাখ্রে। ভর্চুৱেল কোর্সশিং শেমগৎ-শাগৎনবা অমসুং হৌদোক্নবা অমসুং মখোয়গী ইন্তরনেতকী ফিভম অমুক্কসু হেন্না ফগৎহন্নবা থৌরাং কয়া অমা এম.দি.এম.আই.ৱাই.গী হন্দক্তা পাংথোকখিবা স্তেন্দিং ফাইনান্স কমিতী (এস.এফ.সি.)গী মীফমদা লৌখি।

অসিগুম্বা দিজিতেল স্তুদিওশিং হৌদোকপা অসি এম.দি.এন.আই.ৱাই.গী মরু ওইবা থবকনি, অসিদগী য়োগাগী ত্রেনিং ক্লাসশিং অসি লাইভ স্ত্রীমিং তৌবগা লোইনা-লোইননা খুদক্তা রেকোর্দিং তৌবসু য়াগনি। এম.দি.এন.আই.ৱাই.না ওনলাইন এজুকেসন অমসুং ত্রেনিংগী ওইবা থৌওং কয়া পাংথোক্নবা স্তুদিও মরি শাগৎনবা  পীখৎলপা প্রোপোজল অসি এস.এফ.সি.না অয়াবা পীরকখ্রে। মসিনা ইন্সতিত্যুত অসিদা ওনলাইন ত্রেনিং প্রোগ্রাম কয়া মতম অমত্তদা পাংথোকপা ঙমবগা লোইনা-লোইননা, মসিবু য়েংলিবা মীশিংগী অপাম্বা কয়াসু থুংহনবা ঙমগনি।

এম.দি.এন.আই.ৱাই.গী প্রোগ্রামশিং অসি ভর্চুৱলগী ওইবা মওংদা পাংথোকপনা প্রোগ্রামশিং অসি তশেংনা মালেমগী থাক্তা লৈবা ওদিয়েন্স পুম্নমক্তা য়ৌহনবা ঙমগনি।

মখোয়গী দিজিতেল ইনিসিয়েতিবশিং অদু মথৌ পাংথোকহন্নবা এম.দি.এন.আই.ৱাই.গী মরু ওইনা মথৌ তারিবা অসি লীজদ লাইন অপগ্রেদ তৌবনি।  মসিগী অয়াবা পীখ্রে, অমসুং হৌজিক ওইরিবা এম.বি.পি.এস. ১০গী কেপাসিতী লৈবা লিজদ লাইনগী মহুত্তা, অপগ্রেদ তৌরবা লাইন অদুনা এম.বি.পি.এস. ১০০গী কেপাসিতী লৈগনি। মসিদা নত্তনা, কেমপস পুম্বদা নেতৱর্ক ফংহন্নবগীদমক অহেনবা এল.এ.এন. পীনবগীসু অয়াবা পীখ্রে। এম.দি.এন.আই.ৱাই.না য়োগাগী মহৈ অসি তম্বদা খুদোংচাহন্নবগীদমক পুম্নমক য়াওরবা ইন্সত্রক্তিব ভীদিওসু পুথোক্নবা থবক লৌখৎখ্রে। অমম্না মিনিত ৩০ শাংবা ইচম-চম্বা য়োগা প্রোতোকোলগী মতাংদা শেম্বা ভীদিও ১০সু শেমখ্রে,  অমসুং দুরদর্সনগী খুত্থাংদা মসি অয়াম্বা ওদিয়েন্সতা য়ৌহন্নবগীদমক হোৎনরি।   

লৈবাক পুম্বদা য়ৌহন্নবগীদমক এম.দি.এন.আই.ৱাই.না লেহগী মহৈরোই ১০০দা প্রোতোকোল ইন্সত্রক্তর ওইহন্নবগীদমক থা অমগী সর্তিফিকেত কোর্স অমা পাংথোকখি।  কোর্স অসিদা চংগদৌরিবা শেল পুম্নমক অদু  এম.দি.এন.আই.ৱাই.না পুথোকপদা  এস.এফ.সি.না  অয়াবা পীখ্রে।  মসিগী প্রোগ্রাম অসিনা লদাখতা নীংথিনা তম্লবা অমসুং মতিক চারবা য়োগাগী প্রোফেশনেলশিংগী লুপ অমা লিংখৎপদা মতেং ওইরি, মসিনা হন্দক্তা শেমগৎপা য়ুনিয়ন তেরিতোরীগী তুরিজম অমসুং হেল্থকেয়র সেক্তরশিংগীদমক য়াম্না খুদোংচাবা পীরি।  লুপ অসিগী মহৈরোই ১৩ না ৱেলনেস ইন্সত্রক্তর (লেভেল-২)গীদমক য়োগা সর্তিফিকেত কোর্সকী য়োগা সর্তিফিকেসন বোর্দ (ৱায়.সি.বি.)গী একজামিনেশনদাদা মাই পাকখ্রে, অমসুং মখোয়দা সর্তিফিকেতসু পীখ্রে।

এম.দি.এন.আই.ৱাই.না নই দিল্লীদা কোবিদ-১৯গী অনাবাশিংগীদমক য়োগা ত্রেনিং সেন্তরবু মতেং পাংদুনা কোবিদ-১৯গী মোয়োক্তা লান্থেংনবদসু মতেং পাংখি। এম.দি.এন.আই.ৱাই.গী য়োগা ইন্সত্রক্তরশিং মতম খরগীদমক মসিগী য়োগা সেন্তরশিং অসিদা থবক তৌদুনা লৈরি ।

এম.দি.এন.আই.ৱাই.না এসিয়াগী অৱাং-নোংপোক্তা লৈবা লৈবাকশিংদা মী অমদগী অমদা শন্দোক্তবা লাইনাশিংগীদমক্তা য়োগাগী ইন্তরনেসনেল কেপাসিতী বিল্দিং ৱার্কশোপ অমদা লুচিংবা ওইনা থৌ পুনবসু শেম শারি। ইন্সতিত্যুত অসিনা কন্তেন্ত দিজাইনিং য়াওনা মাংজৌননা থৌরাংসু তৌখ্রে।  মসিগী এক্সপরিয়েন্স অমসুং এক্সপোজর অসিনা ইনস্তিত্যুত অসিগী এক্সপর্তিসতা হেন্না চাউখৎহনগনি অমসুং লমদম অসিগী মহৈরোইশিংদা অৱাংবা থাক্কী লৌশিং পীবা ঙমগনি।

কমন য়োগ প্রোতোকোল (সি.অই.পী.) অসি ইন্তরনেসনেল দে ওফ য়োগা (আই.দি.ৱাই.) পাংথোকপগী শরুক অমা ওইনা য়োগাগী নীংথিজরবা দেমোন্সত্রশন তৌবদা মতেং পাংনবা  আয়ুশ মন্ত্রালয়না ২০১৫দা শেমখি। মসিদা য়োগা তম্বগী সেত অমা য়াওরি, মসি তম্নিংবা খুদিংমক্না চাংচত্তা চয়োল অনিগী মতমদা তম্বা য়াগনি। সি.ৱাই.পি. অসি স্তেনদার্দাইস তৌবদগী অমসুং তম্বদা লাইবা ওইবনা মীয়াম্না য়াম্না শিজিন্নখ্রে।  এম.দি.এন.আই.ৱাই.না দিজিতেল মীদিয়াগী পোতেন্সিয়েল শিজিন্নদুনা মসিবু মীয়াম্না অমুক্কসু হেন্না পাম্ননবা প্লানশিং শেমখ্রে।

প্রোপোজল অসিগী মরমদা মুন্না খন্নরবা মতুংদা, এম.এফ.সি.না  ইনস্তিতিউত অসিগী সি.ৱাই.পি. ফিলমশিং রিকাস্ত তৌনবা অমসুং পুথোক্নবা, ই-বুকলেৎশিং, দবল্যু.ঐচ.ও.গী লোনশিং অমসুং রিজনেলগী ওইবা লোন ১৯দা দব্বিং তৌনবা থাংগৎলকপা ইন্সতিত্যুতকী প্রোপোজল অদু মসিগীদমক্তা ওইবা পাইখৎকদবা থবকশিং অদুগী মতাংদা নীংথিনা খন্নরবা মতুংদা এস.এফ.সি.না অয়াবা পীখ্রে। প্রোপোজল অসি ইন্তর্নেস্নেল স্তেন্দার্দশিংগী থাক্তা লৈবা অৱাংবা থাক্কী থবক ওইহন্নবগীদমক্তা এম.দি.এন.আই.ৱাই.দা পাউতাক্কা লোইনা-লোইননা অয়াবসু পীখি।

এম.দি.এন.আই.ৱাই.গী নৌনা অয়াবা পীরবা দিজিতেলগী ওইবা থবক-থৌওংশিং অসিগী মাইপাক্নবগীদমক্তা মেনপাৱরনা খ্বাইদগী মরু ওইবা কমপোনেন্ত ওইগনি। মসি য়েংলগা, এস.এফ.সি.না কন্সল্তেন্ত অমা (সোসিয়েল মীদিয়া) অমসুং মীদিয়া এসিস্তেন্ত অনি চহি অমগীদমক অমসুং চহি অমগীদমক কন্সল্তেন্ত অমা (আই.তি.) খন্নবগীদমক অয়াবা পীখ্রে।

*****