প্রধানমন্ত্রীগী লোইশঙ

পি.এম.না দিসেম্বর ২৮দা দিল্লী মেত্রোগী মজেন্তা লাইন্দা ভারতকী অহানবা দ্রাইভর য়াওদবা ত্রেলগী থবক-থৌরমশিং হৌদোক্কনি

পি.এম.না এয়রপোর্ত এক্সপ্রেস লাইন্দা মপুং ফানা চলাইবা নেস্নেল কমন মোবিলিতী কার্দ সর্বিসসু হৌদোক্কনি

Posted On: 26 DEC 2020 3:09PM by PIB Imphal

প্রধান মন্ত্রী শ্রী নরেন্দ্র মোদীনা দিসেম্বর ২৮, ২০২০গী অয়ুক পুং ১১ তাবা মতমদা ভিদিও কনফরেন্সকী থোংদা এয়রপোর্ত এক্সপ্রেস লাইন্দা মপুং ফানা চলাইবা নেস্নেল কমন মোবিলিতী কার্দ সর্বিসকা লোইননা দিল্লী মেত্রোগী মজেন্তা লাইন (জনকপুরী ৱেস্ত – বোতানিকেল গার্দেন)দা ভারতকী অহানবা দ্রাইভর য়াওদবা ত্রেনগী থবক-থৌরম হৌদোক্কনি।
অনৌবা খোংথাং অসিনা চৎথোক-চৎশিন তৌবগী অনৌবা য়ুগ অসিদা খুদোংচাবা অমদি খুৎলোইবা হেনগৎলগনি। দ্রাইভর য়াওদবা ত্রেনশিং অসি ওতোমেতিক ওই, মসিনা মীনা থোকহনবা অশোইবশিং লৈহল্লরোই। মজেন্তা লাইন্দা দ্রাইভর য়াওদবা সর্বিস অসি হৌদোক্লবা মতুংদা, দিল্লী মেত্রোগী পিঙ্ক লাইন্দা ২০২১গী ময়াই চল্লকপা অদুৱাইদা দ্রাইভর য়াওদবা ওপরেসনশিং অসি হৌদোক্লবা য়াই।
নেস্নেল কমল মোবিলিতী কার্দ, অসি মপুং ফানা এয়রপোর্ত এক্সপ্রেস লাইন্দা চলাইগনি, কনাগুম্বা অমা হেক্তনা কার্দ অসি শিজিন্নদুনা এয়রপোর্ত এক্সপ্রেস লাইন্দা চৎথোক-চৎশিন তৌনবগীদমক লৈবাক অসিগী মফম অমা হেক্তদা ইশু তৌবা রুপে-দেবিৎ কার্দ পুবদা য়াহনগনি। মসিগী খুদোংচাবা অসি ২০২২ ফাওবদা দিল্লী মেত্রো নেতৱক অপুনবদা ফংলগনি।


*****



(Release ID: 1683851) Visitor Counter : 108


Read this release in: Punjabi , Assamese , English , Urdu , Marathi , Hindi , Bengali , Gujarati , Odia , Tamil , Telugu , Kannada , Malayalam