প্রধানমন্ত্রীগী লোইশঙ
পি.এম.না অয়ুস্মান ভারত পি.এম.-জে.এ.ৱাই. সেহত জম্মু অমসুং কাস্মিরগী মীপুম খুদিংমক কোনশিন্নবা হৌদোকখ্রে
দি.দি.সি. মীখলনা ঐখোয়গী দিমোক্রেসীগী মপাঙ্গল উৎলি: পি.এম.
জম্মু অমসুং কাস্মিরদা চাউখৎপা পুরকপনা ঐখোয়গী লৈঙাক্কী খ্বাইদগী চাউবা থৌদাংশিংগী মনুংদা অমনি: পি.এম.
Posted On:
26 DEC 2020 2:10PM by PIB Imphal
প্রধান মন্ত্রী শ্রী নেরন্দ্র মোদীনা জম্মু অমসুং কাস্মিরগী মীপুম খুদিংমক কোনশিন্নব অয়ুস্মান ভারত পি.এম.-জে.এ.ৱাই. সেহত ঙসি ভিদিও কন্ফরেন্সকী খুত্থাঙদা হৌদোকখ্রে। কেন্দ্র মন্ত্রী শ্রী অমিত সাহ, দোক্তর হর্ষ বর্ধন, দোক্তর জিতেন্দ্র সিংহ অমসুং জম্মু অমসুং কাস্মিরগী লেফ্তনেন্ত গভর্নর শ্রী মনোজ সিন্হা থৌরমদুদা শরুক য়াখি। প্রধান মন্ত্রীনা লমদমদুগী বিনিফিসিয়রীশিংগসু ৱারী ৱাতায় শানখি। শ্রী অতল বিহারি বাজপায়িগা জম্মু অমসুং কাস্মিরগা লৈনরম্বা অখন্নবা মরী নীংশিংলদুনা হান্নগী প্রধান মন্ত্রীগী ৱাখল পরিং ইন্সানিয়ত, জম্মুরিয়ত অমসুং কাস্মিরিয়ত হাইবা অসিনা ঐখোয়বু মতম পুক্নমক্তা লমজিংদুনা লৈখিগনি হায়না মহাক্না হায়খি।
জম্মু অমসুং কাস্মির অয়ুস্মান ভারত পি.এম.-জে.এ.ৱাই সেহত স্কিমগী মতাঙদা ঙাঙলদুনা প্রধান মন্ত্রীনা থৌরাং অসিগী মখাদা লুপা লাখ ৫ ফাওবগী লেম্না লায়েংবগী খুদোংচাবা ফংবসিনা হিংবদা কোমহল্লগনি হায়না ফোঙদোকখি। হৌজিক হৌজিক স্তেত অসিগী ইমুং লাখ ৬লোম্না অয়ুস্মান ভারত স্কিমগী মখাদা কান্নবা ফংলি। সেহত স্কিম অসিগী মখাদা ইমুং লাখ ২১মক্তা কান্নবা ফংহল্লগনি। স্কিম অসিগী অতোপ্পা কান্নবা অমদি লায়েংবা অসি জম্মু অমসুং কাস্মিরদা লৈবা লৈঙাক্কী অমদি লন্নাইগী লায়েংশঙশিংদখক্তা ফংগদবদা নত্তে। মদুগী মহুত্তা লৈবাকসিদা স্কিম অসিগী মখাদা ইমপেনেল তৌরবা অনা লায়েংশঙ লিশিং কয়াদা লায়েংবগী খুদোংচাবা ফংগনি।
মীপুম খুদিংমক্তা অয়ুস্মান য়োজনাগী কান্নবা ফংহল্লিবা অদুবু প্রধান মন্ত্রীনা পুৱারী ওইবা অমনি হায়রদুনা জম্মু অমসুং কাস্মিরনা মাগী মীয়ামগীদমক চাউখৎপগী খোঙথাং অসি লৌখৎলকপদা নুংঙাইবা ফোঙদোকখি। জম্মু অমসুং কাস্মিরগী মীয়াম্বু চাউখৎহনবা হায়বসি লৈঙাক অসিগী খ্বাইদগী চাউবা থৌদাংশিংগী মনুংদা অমনি হায়না শ্রী মোদীনা হায়খি। “নুপীশিংগী মপাঙ্গল কনখৎহনবদা ওইরবসু, নহাশিংদা খুদোংচাবা ফংহনব, দলিত, ওৎপি নৈবিরবা অমদি তুহৎপিরবশিংগী ফীভম ফগৎহনবা নৎত্রগা মীয়ামগী সংবিধানগী অমদি ফন্দামেন্তেল রাইতশিংগী মতাঙদা ওইরবসু ঐখোয়গী লৈঙাক্না মীয়ামগী য়াইফনবগীদমক্তা ফিরেপ লৌরি,” হায়না প্রধান মন্ত্রীনা মখা তাখি।
প্রধান মন্ত্রীনা জম্মু অমসুং কাস্মিরগী মীয়ামবু দিমোক্রেসীগী মপাঙ্গল কলহনবগীদমক্তা থাগৎখি। দিস্ত্রিক্ত দেভেলপমেন্ত কাউন্সিলগী মীখল অসিনা অনৌবা লামায় অমা হাংদোক্লে হায়না মহাক্না হায়খি। মহাক্না মীয়ামবু অইংবা অমদি কোরোনা লৈজরবসু মীখল পাঙথোকফমদা থোরকপগীদমক্তা থাগৎখি। জম্মু অমসুং কাস্মিরগী ভোতর খুদিংমক্কী মায়থোঙদা চাউখৎপা পাম্বগী মমি তাই হায়না শ্রী মোদীনা হায়খি। জম্মু অমসুং কাস্মিরগী ভোতর খুদিংমক্কী মীত্তা হেন্না ফবা তুংগী পুন্সি অমগী থাজবা উবা ফংই হায়না মহাক্না ফোঙদোকখি। জম্মু অমসুং কাস্মিরদা পাঙথোক্লিবা মীখল অসিনা ঐখোয়গী লৈবাক অসিগী দিমোক্রেসীগী মপাঙ্গলসু উৎলি। নাকল অমরোমদা সুপ্রিম কোর্তগী য়াথং লৈনা লৈনা পুদুচেরীদা পঞ্চায়ত অমসুং ম্যুনিসিপাল কাউন্সিলগী মীখল পাঙথোক্তনা লৈরি হায়না প্রধান মন্ত্রীনা ফোঙদোকখি। ফীভমসি হান্না থাগৎখিবা মীরেপশিংগী মতম ২০১১দা লোইখ্রবনি।
প্রধান মন্ত্রীনা ফোঙদোকখিবদা লাইচৎ মনুংদা জম্মু অমসুং কাস্মিরদা এল.পি.জি. সিলিন্দর লাখ ১৮লোম হানখি। স্বচ্চ ভারত অভিয়ানগী মখাদা জম্মু অমসুং কাস্মিরদা খোঙহাম খুৎহাম্ফম লাখ ১০ হেন্না শাখ্রে। মসিগী পান্দম খোঙহাম খুৎহামফম শাবখক্তা নত্তে, মসি মীয়ামগী হকশেলগী ফীভম ফগৎহন্নবা থৌরাং অমসুনি। খুঙ্গঙগী লম্বী থোং ফগৎহনবতা নত্তনা লাক্কদৌরিবা চহী ২-৩সিদা জম্মু অমসুং কাস্মিরগী য়ুমথোঙ খুদিংদা তোতি ঈশিং ফংহন্নবা থৌরাং লৌখৎলি হায়না প্রধান মন্ত্রীনা ফোঙোকখি।
জম্মু অমসুং কাস্মিরদা আই.আই.তি. অমসুং আই.আই.এম. লিংখৎপনা মফমদুগী মহৈরোয়শিংদা মতিং লৈবা অৱাংবা থাক্কী মহৈ মশিং ফংহনবদা মতেং ওইগনি হায়না প্রধান মন্ত্রীনা হায়খি। জম্মু অমসুং কাস্মিরদা এইমস অনি অমদি কেন্সর ইন্সতিত্যুৎ অনিসু হৌজিক শাগৎলি হায়না মহাক্না হায়খি। হায়রিবা ইন্সতিত্যুৎশিং অসিদা পেরামেদিকেল মহৈরোয়শিং ত্রেনিং পীগনি।
প্রধান মন্ত্রীনা ফোঙদোকখিবদা জম্মু অমসুং কাস্মিরগী নহাশিংনা লায়না শেন্থং ফংলি অমদি ইং চিকপগী লম্বীদা চঙশিল্লি। জম্মু অমসুং কাস্মিরদা চহী কয়া লৈরক্লবা মীওইশিং অসি হৌজিক্তি দোমিসাইল সর্তিফিকেৎ ফংলে।। হৌজিক্তি জেনেরেল কাঙলুপকী লায়রবা মীওইশিং, চীংদা খুন্দাবা অমদি ঙমখৈ ময়াদা খুন্দাবা মীওইশিং রিজর্বেসন ফংলি।
***
(Release ID: 1683821)
Visitor Counter : 167
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam