লৌউ-শিংউ মন্ত্রালয়

প্রধান মন্ত্রী কিসান সম্মান নিধিগী মখাদা ফংগদবা শেনফমগী ৭সুবা ইন্সতোলমেন্ত প্রধান মন্ত্রীনা থাদোক্লে

লৌমীশিংগী ইমুং করোর ৯ কান্নবা ফংগনি, দি.বি.তিগী খুৎথাংদা লুপা করোর ১৮০০ হাপচিনখ্রে

মালেমগী লৌউ-শিংউগী কৈথেলশিংদা ব্রান্দ ইন্দিয়া শেমগৎনবগী মতম য়ৌরক্লে: প্রধান মন্ত্রী

প্রধান মন্ত্রী শ্রী নরেন্দ্র মোদীগী লমজিং মখাদা লৌউ-শিংউগী লমদা অচৌবা অওনবশিং উরে: শ্রী নরেন্দ্র সিংহ তোমার

Posted On: 25 DEC 2020 6:13PM by PIB Imphal


ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা প্রধান মন্ত্রী কিসান সম্মান নিধিগী মখাদা ফংগদবা শেনফমগী ৭সুবা ইন্সতোলমেন্ত থাদোক্লে। প্রধান মন্ত্রীনা অরুনাচল প্রদেস, ওরিসা, হরিয়ানা, তামিল নাদু, উত্তর প্রদেস, মহারাস্ত্রা অমসুং মৈধ্য প্রদেসকী লৌমীশিংগসু ৱারি শানখি। ফার্ম এক্তশিং চৎনবা হৌরকপদগী কমদৌনা মখোয়না কান্নবা ফংবগে হায়বগী মতাংদা মখোয়না থেংনবশিং লৌমীশিংনা পাউদমখি।

থৌরম অদুদা প্রধান মন্ত্রীনা হায়খি ঙসি বতন অমা নম্বদা লৈবাক অসিগী লৌমীশিংগী ইমুং করোর ৯গী বেঙ্ক একাউন্তদা লুপা করোর ১৮০০০ হাপচিনখ্রে। স্কিম অসি চৎনবা হৌবদগী লৌমীশিংগী একাউন্তদা লুপা করোর লাখ ১.১০ হাপচিনখ্রে।

নোংচুপ বেঙ্গলগী লৌমী লাখ ৭০ হেনবা স্কিম অসিগী কান্নবা ফংদবদা লাংতক্নবা ফোঙদোক্লদুনা প্রধান মন্ত্রীনা হায়খি স্কিম অসিগী খুদোংচাবা লৌনবা বেঙ্গলগী লৌমী লাখ ২৩ ওনলাইন্দা শরুক য়াখি। অদুবু রাজ্য সরকারনা লৌমীশিং মশক খঙদোকপগী থবকশিং লেপখ্রে। লৌমীশিংগী য়াইফনবা ৱা ঙাংদবা নোংচুপ বেঙ্গলগী কাংবুশিং দিল্লিদা লাকখি অমসুং লৌমীশিংগী মতাংদা ৱা ঙাংখি। হায়রিবা কাংবু অসি হৌজিক এ.পি.এম.সি মন্দিশিং উবা ফংদ্রে, অদুবু হায়রিবা কাংবু অসিনা কেরলাদা এ.পি.এম.সি অমতা লৈত্রে হায়বা কাউথোক্লে অমসুং হায়রিবা মীওইশিং অসিনা কৈদৌঙৈদা কেরলাদা ইহৌ হৌদে।

প্রধান মন্ত্রীনা হায়খি লৌমীশিংগী লৌ উবদা চঙবা শেনফম হন্থহন্নবা পান্দমদা সরকারনা থবক পায়খৎলে। লৌমীশিংগী য়াইফনবা পায়খৎলিবা থবকশিং হায়বদি সোইল হেল্থ কার্দ, নীম তৈরবা য়ুরিয়া, সোলার পম্পশিং য়েন্থোক্নবা স্কিমশিং অসিনা লৌমীশিংনা লৌ উবদা চঙবা শেনফম হন্থবদা মতেং পাংগনি। লৌমীশিং ক্রোপ ইন্সুরেন্স খর হেন্না য়াওনবা সরকারনা হোৎনরি। ঙসিদি লৌমী করোর কয়া প্রধান মন্ত্রী ক্রোপ ইন্সুরেন্স স্কিমগী কান্নবা ফংলে।

প্রধান মন্ত্রীনা হায়খি লৈবাক অসিগী লৌমীশিং মখোয়গী মহৈ-মরোংশিংগী চুনবা মমল অমা ফংনবা সরকারনা হোৎনরে। মতম কুইরবা শ্বামিনাথান কম্মিতিগী রিপোর্ত মতুংইন্না পোৎথোক পুথোকপদা চঙবা শেনফমগী শরুক অমগা তঙ্খাই লৌমীশিংগী এম.এস.পি ওইনা সরকারনা লেপ্লে। এম.এস.পিদা য়োনবা য়াগদবা মহৈ-মরোং মশিংসু হেনগৎলে।

প্রধান মন্ত্রীনা হায়খি লৌমীশিংনা মখোয়গী পোৎথোকশিং য়োন্নবা অনৌবা কৈথেলশিং হাংদোক্নবা সরকারনা পান্দম থম্লি। লৈবাক অসিদা ওনলাইন্দা লৌউ-শিংউগী মন্দি লিশিং ১ হেন্না সরকারনা হাপচিল্লে অমসুং লুপা করোর লাখ ১ হেনবগী পোৎথোকশিং ললোন-ইতিক পাংথোকখ্রে। মখোয়গী লমদমদা অপুনবা ওইনা থবক তৌনবা অপীকপা লৌমীশিংগী কাংবু অমা শেম্নবা সরকারনা থবক পায়খৎলে। লৈবাক অসিদা ফার্মরস প্রদুশর ওর্গনাইজেসন(এফ পি ও) ১০০০০ হেন্না শেম্নবা হৌজিক খোঙজং অমা চৎথরি অমসুং মখোয়দা শেনগী মতেং পাংলে।

প্রধান মন্ত্রীনা হায়খি ঙসিদি লৌমীশিং চেক্কী য়ুম অমা, তোইলেত অমসুং অফবা থক্নবা তোতি ঈশিং ফংলে। লৌমীশিং লেম্না মৈ শম্বা ফংলে অমসুং গ্যাস ফংলে। অয়ুশ্মান ভারত স্কিমগী মখাদা লুপা লাখ ৫ ফাওবা লেম্না লায়য়েংবগী কান্নবা ফংবদগী লৌমীশিংগী অনা-লায়য়েংগী ৱারম্বা অদু কোক্লে।

প্রধান মন্ত্রীনা হায়খি লৌউ-শিংউগী অওনবশিংগী খুৎথাংদা লৌমীশিংদা খুদোংচাবা কয়া পীরে। হায়রিবা আইনশিং অসিগী মখাদা লৌমীশিংনা মখোয়না য়োন্নিংবা মীওইশিংদা মখোয়গী পোৎথোকশিং য়োনবা য়ারগনি। মখোয়না অপাম্বা মমলদা মখোয়গী পোৎথোকশিং য়োনবা য়ারগনি। অনৌবা আইনশিংগী মখাদা, লৌমীশিংনা মখোয়গী পোৎথোকশিং এম.এস.পিদা য়োনবা য়াগনি নৎত্রগা মপান্দা থাদোকপা য়াগনি নৎত্রগা ললোনবা মীওই অমদা য়োনবা য়াগনি নৎত্রগা অতোপ্পা রাজ্য অমদা য়োনবা য়াগনি নৎত্রগা এফ.পি.ও অমগী খুৎথাংদা য়োনবা য়াগনি নৎত্রগা বিস্কুইতশিং, চিপশিং, জাম অমসুং অতোপ্পা পোৎথোকশিংগী ভেলু্ চেনগী শরুক অমা ওইবা য়াগনি।

প্রধান মন্ত্রীনা হায়খি মালেমগী লৌউ-শিংউগী কৈথেলশিংদা ব্রান্দ ইন্দিয়া শেমগৎনবগী মতম য়ৌরক্লে।

লৌউ-শিংউগী অওনবশিং শৌগৎপা অমসুং তরাম্না ওকপগীদমক লৈবাক শীনবা থুংনা লৈরিবা লৌমীশিং প্রধান মন্ত্রীনা থাগৎখি অমসুং মহাক্না মখোয়গী মাঙনবা শীল্লোই হায়না থাজবা পীখি। মহাক্না হায়খী হন্দক অসাম, রাজস্থান, জে অমসুং কেদা পাংথোকখিবা লোকেল বোদিশিংগী মীখলশিংদা খুঙ্গংগী মীয়াম্না লৌমীশিং লান্না লমজিংবা দলশিং য়াখিদ্রে।

মহাক্কী হৌদোকপগী ৱারোলদা এগ্রিকলচর মিনিস্তর শ্রী নরেন্দ্র সিংহ তোমারনা হায়খি হান্নগী প্রধান মন্ত্রী অতল বিহারি বাজপায়িনা য়ুম্ফম থোল্লম্বা অফবা লৈঙাক অমসুং লৌউ-শিংউগী থবকশিংগী অওনবশিং অদু মোদী সরকারনা মাঙলোমদা পুখৎখি অমসুং ২০১৪দগী হৌনা লৌউ-শিংউ অমসুং খুঙ্গংগী হীরমশিংদা অওনবা কয়া পুরক্লে অমসুং থবক কয়া পায়খৎলে। প্রধান মন্ত্রী মোদীগী লুচিং মখাদা বজেত্তা লৌউ-শিংউগী শেনফম হেনগৎলে, এম.এস.পি হেনগৎলে পোৎথোক লৈশিনবা হেনগৎলে অমসুং এফ.পি.ও লিশিং ১০ শেম্নবা থৌরাং হৌরে।

শ্রী তোমারনা হায়খি নোংচুপ বেঙ্গল খক নত্তনা অতোপ্পা রাজ্য পুম্নমক প্রধান মন্ত্রী কিসান সম্মান নিধিগী মখাদা কোনশিল্লে। কোবিদ অমসুং লোকদাউন মনুংদা ফাওবা লৌমীশিংদা শেন ফংহল্লে। পঞ্জাবগী লৌমীশিংগী ৱাখলদা অনৌবা ফার্ম এক্তশিংগী মতাংদা চিংনবা লৈরে। চিংনরিবশিং কোকহনবা সরকারনা পাম্লি অমসুং ৱারি শান্নবা মখোয়দা চেবাউ পীখ্রে।

*****



(Release ID: 1683707) Visitor Counter : 66