আই.আই.এস.এফ-২০২০

ইন্দিয়া ইন্তরনেসনেল সাইন্স ফেস্তিবেল ২০২০দা ইন্তরনেসনেল সাইন্স ফিল্ম ফেস্তিবেল ওফ ইন্দিয়া অসি য়াম্না পাম্নবা অমা ওইরে। চহি অসিগী ওইনা ফেস্তিবেল অসিদা লৈবাক ৬০দগী সাইন্স ফিল্ম ৬৩৪ লাকখি । ফেস্তিবেল অসি ফিল্ম পামজবশিং অমসুং সাইন্স ফিল্ম পুথোকপা নহা ওইরিবা ফিল্ম মেকরশিংগী মরুওইবা মফম অমনি অমসুং মসিনা সাইন্স মীয়ামদা খঙহনবদা মতেং পাংগনি।

ফেস্তিবেল হৌদোকপগী থৌরমদা সাইন্স অমসুং তেক্নোলোজিগী য়ুনিয়ন মিনিস্তর দোক্তর হর্স ভর্ধন্না হায়খি সাইন্স, তেক্নোলোজি, কোবিদ-১৯গী মরমদা মীয়ামদা ৱাখল তাহন্নবা অমসুং ভারতনা মশাগী ওক্নবা পুথোক্নবা হোৎনরিবশিংদা য়ুম্ফম ওইবা মখল কয়াগী ফিল্মশিং য়াওরি। সাইন্স মীয়ামদা খঙহনবদা সাইন্স ফিল্ম অসি অফবা পাম্বৈ অমনি।

(আই.আই.এস.এফ-২০২০দা ইন্তরনেসনেল সাইন্স ফিল্ম ফেস্তিবেল ওফ ইন্দিয়া হৌদোকপা থৌরমদা দোক্তর হর্স ভর্ধন্না ৱা ঙাংবা)

ফিল্মমেকর অমসুং ইন্তরনেসনেল সাইন্স ফিল্ম ফেস্তিবেল ওফ ইন্দিয়াগী জুরি চিয়রমেন শ্রী মাইক পান্দেনা হায়খি চহি খুদিংগী ফিল্ম ফেস্তিবেল অসি পাক-চাউবা হেনগৎলক্লি। হৌগৎলক্লিবা সাইন্স ফিল্ম পুথোকপশিং মতেং পাংনবা থৌরম অসি হৌজিক মরুওইবা মফম অমা ওইরে। হৈশিংলবা ফিল্ম পুথোকপা মীওই মশিং য়াম্না লৈরি অমসুং মখোয় য়োকখৎনবা ঐখোয়না খঙজবশিং মখোয়দা খঙহনগদবনি।

(আই.আই.এস.এফ ২০২০দা ইন্তরনেসনেল সাইন্স ফিল্ম ফেস্তিবেল ওফ ইন্দিয়াদা ফেস্তিবেল অসিগী জুরি চিয়রমেন অমসুং ফিল্ম মেকর শ্রী মাইক পান্দেনা ৱা ঙাংবা)

পব্লিক হেল্থ ফিল্ম সোসাইতি, য়ুনাইতেদ কিংদমগী প্রসিদেন্ত, দোক্তর উয় হোয়াংনা হায়খি মীয়াম পুনশিনবদা থেংনবা খুদোংচাদবশিং থেংন্নবা সাইন্স ফিল্মনা থৌরাং তৌরে অমসুং ফিল্ম মেকরশিংনা মসিগী অৱাবা অসি কোকহনবা হৌরে অমসুং মসি মাইপাক্কনি হায়না থাজবা থম্লি।

বিগ্যান প্রসারগী দিরেক্তর, দোক্তর নাকুল পারাসারনা হায়খি মসিগী মমাঙদা ফিল্ম ফেস্তিবেল শীনবগী অফবা লৌশিং অমা ঐখোয়গী লৈরে, ঐখোয়না ভর্চুএল ওইনা ১০সুবা নেসনেল সাইন্স ফিল্ম ফেস্তিবেল পাংথোকখ্রে অমসুং মসিগী ফেস্তিবেল অসিদা ঐখোয়না চপ মান্ননা হরাওবা ফাওই। ইন্তরনেসনেল সাইন্স ফিল্ম ফেস্তিবেল ওফ ইন্দিয়াগী কোওর্দিনেতর শ্রী নিমিস কাপুরনা হায়খি মীয়ামদা সাইন্স খঙহন্নবা ফিল্ম মেদিয়মগী কান্নবশিং লৌনবা পায়খৎপা য়াবা থবকশিং পায়খৎলে। ঐখোয়না ফেস্তিবেল মনুংদা ওনলাইন্দা ফিল্ম ২০০ হেন্না উৎকনি। মনা ফংলবা ফিল্মশিংগী মমিং দিশেম্বর ২৫দা লাউথোক্কনি।

মীয়াম মরক্তা সাইন্সগী মরমদা খঙবা হেনগৎহন্নবা ইন্তরনেসনেল সাইন্স ফিল্ম ফেস্তিবেল ওফ ইন্দিয়ানা পান্দম থম্লি অমসুং ফেস্তিবেল অসিনা নহা ওইরিবা সাইন্স ফিল্ম পুথোকপশিং অমসুং সাইন্স পামজবশিং পুক্নিং চিংশীন্নবা পান্দম থম্লি। থৌরম অসিনা মহৈরোয়শিং অমসুং ফিল্ম পুথোকপশিং ফিল্মশিংগী খুৎথাংদা মীয়ামদা সাইন্স খঙহনবগী থবকশিংদা শরুক য়ারগনি।

*****