ইলেক্ত্রোনিক্স অমসুং আই.তি. মন্ত্রালয়

আই.তি. মন্ত্রী রবি শঙ্কর প্রসাদনা কোবিদ বেক্সিন ইন্তেলিজেন্স নেৎৱার্ক (কোৱিন) সিস্তেম মপাঙ্গল কনখৎহন্নবা গ্রান্দ চেলেঞ্জ লোঞ্চ তৌগনি হায়না লাউথোকখ্রে

কোৱিন অসি জাতিগী থাক্তা কোবিদ বেক্সিন দিস্ত্রিব্যুসন সিস্তেমগী মেকানিজম অসি কান্নবা মওংদা পাইখৎনবা অমসুং চাউথোকহন্নবা শীজিন্নগদবা দিজিতেলাইজ তৌরবা প্লেৎফোর্ম অমনি

চেলেঞ্জ অসিনা কোৱিন প্লেৎফোর্ম ফগৎহন্নবা অমসুং চাউথোকহন্নবা ইন্নোবেতিব স্তার্তঅপশিং অমসুং হৌরক্লিবা তেক্নোলোজী স্পেসিএলিস্তশিংনা শরুক য়ান্নবা বর্তন তৌখি

শরুক য়াগদৌরিবশিংনা দিসেম্বর ২৩, ২০২০দগী জনুৱারী ১৫, ২০২১ ফাওবা https://meitystartuphub.inদা রেজিস্তর তৌবা য়ারগনি

Posted On: 23 DEC 2020 5:24PM by PIB Imphal

হকশেল অমসুং য়াইফ-য়ুম্বাল মন্ত্রালয়না ইলেক্ত্রোনিক্স এন্দ ইনফোর্মেসন তেক্নোলোজী মন্ত্রালয় (এম.ই.আই.তি.ৱাই.)গা লোইননা কোবিদ বেক্সিন ইন্তেলিজেন্স নেৎৱার্ক (কোৱিন) সিস্তেম মপাঙ্গল কনখৎহন্নবা গ্রান্দ চেলেঞ্জ অমা ওইরিবা, জাতিগী থাক্তা কোবিদ বেক্সিন দিস্ত্রিব্যুসন সিস্তেমগী মেকানিজম কান্নবা মওংদা পাইখৎনবা অমসুং চাউথোকহন্নবা শীজিন্নগদবা দিজিতেলাইজ তৌরবা প্লেৎফোর্ম অমা ওইরিবা “কোৱিন” লোঞ্চ তৌনবা লাউথোকখ্রে।

কেন্দ্রগী মন্ত্রী রবি শঙ্কর প্রসাদনা হায়খি “ইন্নোবেতরশিংনা কোবিদ১৯গী মায়োক্তা লান্থেংনবদা মরু ওইবা থৌরাং অমা লৌরি। ভারত শিনবা থুংনা কোবিদ১৯ বেক্সিনেসন প্রোগ্রাম পাঙথোক্নবা কোৱিন প্লেৎফোর্ম মপাঙ্গল কনখৎহন্নবা গ্রান্দ চেলেঞ্জ অসিদা ইন্নোবেতরশিং অমসুং স্তার্তঅপশিং শরু য়ান্নবা ঐহাক্না বর্তন তৌরি”

ভারতকী তেক স্তার্তঅপ স্পেসতা মপুং ফাবা সীনর্জীশিং লৈহন্নবা এম.ই.আই.তি.ৱাই.গী লুচিং মখাদা দিবেলপ তৌখিবা চুংশিন্নবা প্লেৎফোর্ম অমা ওইরিবা এম.এস.ঐচ. (এম.ই.আই.তি.ৱাই. স্তার্তঅপ হব) পোর্তেলদা লোঞ্চ তৌগদবা চেলেঞ্জ অসিনা কোৱিন প্লেৎফোর্ম ফগৎহন্নবা অমসুং চাউথোকহন্নবা তেলেন্ত লৈবা অমদি ইন্নোবেতিব স্তার্তঅপশিং অমসুং হৌরক্লিবা তেক্নোলোজী স্পেসিএলিস্তশিংনা শরুক য়ান্নবা বর্তন তৌখি। এম.ও.ঐচ.এফ.দবল্যু.না বেক্সিন দিস্ত্রিব্যুসন সিস্তেম (ভি.দি.এস.) মপুং ফাহনবা অমদি কান্নবা ফংহন্নবগা মরী লৈননা থোরকপা য়াবা অপনবশিং হোলিস্তিক ওইনা কোকহন্নবা অমসুং ভারত শিনবা থুংনা লেপ্পা লৈতনা এদমিনিস্ত্রেসন পাঙথোক্নবা তেক্নোলোজী দিবেলপমেন্তগী মীৎয়েং চংগদবা লম তরেৎ (০৭) খঙদোকখ্রে। ইনফ্রাস্ত্রকচর, মোনিতর তৌবা অমসুং মেনেজমেন্ত তৌবা, দাইনামিক লর্নিং অমসুং ইনফোর্মেসন সিস্তেম, হ্যুমেন রিসোর্সেসশিংগী অপনবশিং - তেক্নিকেল কেপাসিতীশিং, বেক্সিন লোজিস্তিক্স মেনেজমেন্ত অমসুং রিএল তাইম বেসিস্তা ইম্ম্যুনাইজেসন তৌরবা মতুংদা থৌরকপা মমিং পানখৎখিবা বেনিফিসরীশিং ত্রেক তৌবা হায়রিবা অসিগা মরী লৈনবা মরু ওইবা লমশিংদা থেংনবা খুদোংচাদবশিং চেলেঞ্জশিং অসিনা কোকহনগনি।

চেলেঞ্জ অসি দিসেম্বর ২৩, ২০২০দগী https://meitystartuphub.inদা রেজিস্তরগী প্রোসেস তৌবা হৌরগনি অমসুং শরুক য়াগদৌরিবশিংনা জনুৱারী ১৫, ২০২১ ফাওবা এপ্লাই তৌবা য়াগনি। মকোক থোংবা এপ্লিকেন্ত ৫দা মখোয়গী সোলুসনশিং অদু প্লেৎফোর্ম অসিগী ইন্তিগ্রেসন  তৌবদা কান্নবা ফংগদ্রা হায়বা উৎনবা মখোয়দা কোৱিন এ.পি.আই.শিং (এপ্লিকেসন প্রোগ্রামিং ইন্তরফেস) পীগনি। তানফম অসি য়ৌরবা শোর্লিস্ত তৌখ্রবা এপ্লিকেন্ত অমমমনা মখোয়গী লোজিস্তিক্কী ওইবা মথৌ তাবশিং য়াওবা লুপা লাখ ২ ফংবগী খুদোংচাবা অমা ফংগনি। সোলুসনশিং অসি ওপন এ.পি.আই.শিংগী খুত্থাংদা অমুক ইন্তিগ্রেদ তৌখ্রবদি চাউথোক্নবা এসসেস তৌগনি। চেলেঞ্জ অসিদগী মকোক তারবা কন্তেস্তেন্ত ২দা কোৱিনগা মখোয়গা ইন্তিগ্রেসব তৌবগী মথক্তা কোৱিন হোস্ত তৌরিবা ক্লাউদতা দেবেলপ তৌখিবা সোলুসনশিং মাই পাক্না মাইগ্রেসনশিং তৌরবা মতুংদা মথং শিৎনবা লুপা লাখ ৪০ অমসুং লাখ ২০গী মনা ফংগনি।

***



(Release ID: 1683218) Visitor Counter : 71