ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲੇ (ਐਮਓਐਚਐਫਡਬਲਯੂ) ਨੇ ਇਲੈਕਟ੍ਰਾਨਿਕਸ ਅਤੇ ਸੂਚਨਾ ਟੈਕਨਾਲੋਜੀ ਮੰਤਰਾਲੇ ਦੇ ਨਾਲ ਮਿਲ ਕੇ  ਕੋਵਿਡ ਟੀਕਾਕਰਨ ਇੰਟੈਲੀਜੈਂਸ ਨੈਟਵਰਕ (ਕੋਵਿਨ) ਪ੍ਰਣਾਲੀ ਨੂੰ ਮਜਬੂਤ ਕਰਨ ਲਈ ਇੱਕ ਵੱਡੀ ਚੁਣੌਤੀ "ਕੋਵਿਨ" ਦੀ ਸ਼ੁਰੂਆਤ ਕਰਨ ਦਾ ਐਲਾਨ ਕੀਤਾ ਹੈ, ਜਿਸ ਦੀ ਵਰਤੋਂ ਕੋਵਿਡ ਵੈਕਸੀਨ ਵੰਡ ਪ੍ਰਣਾਲੀ ਲਈ ਕੌਮੀ ਪੱਧਰ 'ਤੇ ਪ੍ਰਭਾਵਸ਼ਾਲੀ ਢੰਗ ਨਾਲ ਕੰਮ ਕਰਨ ਅਤੇ ਇਸ ਨੂੰ ਵਧਾਉਣ ਲਈ ਕੀਤੀ ਜਾਵੇਗੀ। 

ਕੇਂਦਰੀ ਮੰਤਰੀ ਰਵੀ ਸ਼ੰਕਰ ਪ੍ਰਸਾਦ ਨੇ ਕਿਹਾ, “ਕੋਵਿਡ-19 ਵਿਰੁੱਧ ਸਾਡੀ ਲੜਾਈ ਵਿੱਚ ਭਾਰਤ ਦੇ ਨਵੀਨਤਾਕਾਰਾਂ ਨੇ ਅਹਿਮ ਭੂਮਿਕਾ ਨਿਭਾਈ ਹੈ। ਮੈਂ ਕੋਵਿਡ-19 ਦੇ ਟੀਕਾਕਰਣ ਪ੍ਰੋਗਰਾਮ ਨੂੰ ਪੂਰੇ ਭਾਰਤ ਵਿੱਚ ਲਾਗੂ ਕਰਨ ਲਈ ਕੋਵਿਨ ਪਲੇਟਫਾਰਮ ਨੂੰ ਮਜ਼ਬੂਤ ​​ਕਰਨ ਲਈ ਵਿਸ਼ਾਲ ਚੁਣੌਤੀ ਲਈ ਨਵੀਨਤਾਕਾਰਾਂ ਅਤੇ ਸਟਾਰਟ ਅੱਪਸ ਨੂੰ ਸੱਦਾ ਦਿੰਦਾ ਹਾਂ। ”

ਐਮਐਸਐਚ (MeitY Startup Hub) ਪੋਰਟਲ 'ਤੇ ਲਾਂਚ ਕਰਨ ਲਈ, ਭਾਰਤੀ ਤਕਨੀਕੀ ਸਟਾਰਟ ਅੱਪ ਸਪੇਸ ਵਿੱਚ ਸਾਰਥਕ ਤਾਲਮੇਲ ਬਣਾਉਣ ਦੀ ਦਿਸ਼ਾ ਵਿੱਚ ਇਲੈਕਟ੍ਰਾਨਿਕਸ ਅਤੇ ਸੂਚਨਾ ਟੈਕਨਾਲੋਜੀ ਮੰਤਰਾਲੇ ਦੀ ਸਰਪ੍ਰਸਤੀ ਹੇਠ ਵਿਕਸਤ ਇੱਕ ਸਹਿਯੋਗੀ ਮੰਚ 'ਕੋਵਿਨ ਚੈਲੇਂਜ' ਨੇ ਪ੍ਰਤਿਭਾਸ਼ਾਲੀ ਅਤੇ ਨਵੀਨ ਸਟਾਰਟ ਅੱਪ ਅਤੇ ਉਭਰਦੀ ਹੋਈ ਟੈਕਨਾਲੋਜੀ ਮਾਹਰਾਂ ਦੀ ਭਾਗੀਦਾਰੀ ਅਤੇ ਪੈਮਾਨੇ 'ਤੇ ਭਾਗੀਦਾਰੀ ਨੂੰ ਸੱਦਾ ਦਿੱਤਾ ਹੈ। ਐਮਐਚਐਫਡਬਲਯੂ ਨੇ ਤਕਨਾਲੋਜੀ ਦੇ ਵਿਕਾਸ ਦੇ ਸੱਤ (07) ਧਿਆਨ ਕੇਂਦਰਿਤ ਖੇਤਰਾਂ ਦੀ ਸ਼ਨਾਖਤ ਕੀਤੀ ਹੈ ਤਾਂ ਜੋ ਸੰਪੂਰਨ ਤੌਰ 'ਤੇ ਵੈਕਸੀਨ ਵੰਡ ਪ੍ਰਣਾਲੀ (ਵੀਡੀਐਸ) ਨੂੰ ਸਮੁੱਚੇ ਅਤੇ ਪ੍ਰਭਾਵੀ ਢੰਗ ਨਾਲ ਦੇਸ਼ ਭਰ ਵਿੱਚ ਸਹਿਜ ਪ੍ਰਸ਼ਾਸਨ ਨਾਲ ਜੁੜੀਆਂ ਸੰਭਾਵਿਤ ਹੱਦਾਂ ਨਾਲ ਨਜਿੱਠਿਆ ਜਾ ਸਕੇ। ਇਹ ਚੁਣੌਤੀਆਂ ਬੁਨਿਆਦੀ ਢਾਂਚੇ, ਨਿਗਰਾਨੀ ਅਤੇ ਪ੍ਰਬੰਧਨ, ਗਤੀਸ਼ੀਲ ਲਰਨਿੰਗ ਅਤੇ ਸੂਚਨਾ ਪ੍ਰਣਾਲੀਆਂ, ਮਨੁੱਖੀ ਸਰੋਤਾਂ ਦੀਆਂ ਰੁਕਾਵਟਾਂ-ਤਕਨੀਕੀ ਸਮਰੱਥਾਵਾਂ, ਵੈਕਸੀਨ ਲੌਜਿਸਟਿਕਸ ਪ੍ਰਬੰਧਨ ਅਤੇ ਅਸਲ ਲਾਭਪਾਤਰੀਆਂ ਦੇ ਅਸਲ ਸਮੇਂ ਦੇ ਟੀਕਾਕਰਨ ਤੋਂ ਬਾਅਦ ਕਿਸੇ ਵੀ ਮਾੜੀ ਘਟਨਾ ਲਈ ਸੂਚੀਬੱਧ ਲਾਭਪਾਤਰੀਆਂ ਨਾਲ ਜੁੜੇ ਪ੍ਰਮੁੱਖਤਾ ਵਾਲੇ ਖੇਤਰਾਂ ਨੂੰ ਵਿਆਪਕ ਰੂਪ ਵਿੱਚ ਹੱਲ ਕਰਨ ਦੀ ਕੋਸ਼ਿਸ਼ ਕਰਦੀਆਂ ਹਨ। 

ਚੈਲੇਂਜ ਲਈ ਪੰਜੀਕਰਣ ਪ੍ਰਕਿਰਿਆ meitystartuphub.in 'ਤੇ 23 ਦਸੰਬਰ 2020 ਨੂੰ ਸ਼ੁਰੂ ਹੋਈ ਅਤੇ ਇਹ ਪੋਰਟਲ ਹਿੱਸਾ ਲੈਣ ਵਾਲਿਆਂ ਲਈ 15 ਜਨਵਰੀ 2021 ਤੱਕ ਅਰਜ਼ੀ ਦੇਣ ਲਈ ਖੁੱਲ੍ਹਾ ਹੈ। ਚੋਟੀ ਦੇ 5 ਬਿਨੈਕਾਰਾਂ ਦੀ ਹੱਲ ਲਈ ਪਲੇਟਫ਼ਾਰਮ ਨਾਲ ਸੰਭਾਵਿਤ ਏਕੀਕ੍ਰਿਤ  ਕੁਸ਼ਲਤਾ ਨੂੰ ਪਰਖਣ ਲਈ ਕੋਵਿਨ ਏਪੀਆਈਜ਼ (ਐਪਲੀਕੇਸ਼ਨ ਪ੍ਰੋਗਰਾਮਿੰਗ ਇੰਟਰਫੇਸ) ਦਿੱਤੇ ਜਾਣਗੇ। ਇਸ ਪੜਾਅ 'ਤੇ ਹਰੇਕ ਸ਼ਾਰਟਲਿਸਟ ਕੀਤੇ ਬਿਨੈਕਾਰ ਕੋਲ ਆਪਣੀਆਂ ਲੌਜਿਸਟਿਕ ਲੋੜਾਂ ਨੂੰ ਕਵਰ ਕਰਦੇ ਹੋਏ 2 ਲੱਖ ਰੁਪਏ ਜਿੱਤਣ ਦਾ ਇੱਕ ਮੌਕਾ ਹੈ। ਇੱਕ ਵਾਰ ਓਪਨ ਏਪੀਆਈਜ਼ ਦੁਆਰਾ ਪਲੇਟਫਾਰਮ ਨਾਲ ਜੁੜੇ ਹੱਲਾਂ ਦਾ ਮੁਲਾਂਕਣ ਅਤੇ ਮਾਪਯੋਗਤਾ ਲਈ ਮੁਲਾਂਕਣ ਕੀਤਾ ਜਾਵੇਗਾ। ਕਲਾਊਡ 'ਤੇ ਵਿਕਸਤ ਹੱਲਾਂ ਦੇ ਸਫਲ ਹਸਤਾਂਤਰਣ ਤੋਂ ਬਾਅਦ ਚੁਣੌਤੀ ਦੇ ਚੋਟੀ ਦੇ 2 ਪ੍ਰਤੀਯੋਗੀਆਂ ਨੂੰ ਕ੍ਰਮਵਾਰ  40 ਲੱਖ ਰੁਪਏ ਅਤੇ 20 ਲੱਖ ਰੁਪਏ ਦਾ ਇਨਾਮ ਦਿੱਤਾ ਜਾਵੇਗਾ ਜਿਸ ਨੂੰ ਏਕੀਕਰਨ ਤੋਂ ਬਿਨਾਂ ਕੋਵਿਨ ਹੋਸਟ ਕਰਦਾ ਹੈ। 

***

ਆਰਸੀਜੇ / ਐਮ