ঙসি রক্ষা মন্ত্রী শ্রী রাজনাথ সিংহনা জপানগী দিফেন্স মিনিস্তর কিসি নোবৌগা তেলিফোন্দা ৱারি শানখ্রে। মহাক দিফেন্স মিনিস্তর ওইনা হাপখিবদা রক্ষা মন্ত্রীনা মিনিস্তর কিসি থাগৎখি অমসুং কোবিদ-১৯গী অথিংবা কয়া লৈরবসু হৌজিক লৈবাক অনিগী মরক্তা ঙাক-শেনগী মতেং পাংনবা অসিদা মহাক্না অপেনবা ফোঙদোকখি।

লমদম অসিগী ঙাক-শেনগী ফিবম অমসুং আইনগী মতুংইন্না মনিংতম্বা অমসুং অথিংবা লৈতবা মেরিতাইম ওর্দর অমা থম্বগী তঙাইফদবা অদু মিনিস্তর অনিনা মখোয়গী ওইবা ৱাখল্লোনশিং ফোঙদোক্নখি। জিমেক্স ২০২০, মালাবার ২০২০ মাইপাক্না পাংথোকখিবা অমসুং হন্দক জে.এ.এস.দি.এফকী চীফ ওফ স্তাফ ভারত্তা লাক্লম্বা অদু মিনিস্তর অনিনা তরাম্না ওকখি।

লৈবাক অনিগী মরক্তা মখা তানা ঙাক-শেনগী মরীশিং ফগৎনবা পোৎ-চৈশিং অমসুং থবকশিং পীথোক-পীশিন তৌন্নবা য়ানচেশিং খুৎয়েক পীনবদা লুচিংবশিংনা অপেনবা ফোঙদোকখি। তেলিফোন্দা ৱারি শানবা অদুদা, লৈবাক অনিগী তোঙান-তোঙানবা ঙাক-শেনগী মতেং পাংনবশিং হন্না খন্নখি অমসুং ইন্দিয়া-জপান স্পিসিএল স্ত্রাতেজিক এন্দ গ্লোবেল পার্তনরসিপকী ঙাক্লৌগী মখাদা আর্মদ ফোর্সশিংগী মরক্তা মখা তানা থবক তৌমিন্ননবা থাজবা পীনখি। হৌখিবা মতম খর অসিগী মনুংদা লৈবাক  অনিনা দিফেন্স ইন্দস্ত্রি অমসুং তেক্নোলোজিগী লমদা মতেং পীনবা হেনগৎলকপা অসি মিনিস্তর অনিনা য়াখি অমসুং হীরম অসিদা মখা তানা হেন্না মতেং পীন্নবা ৱাফম ফোঙদোক্নখি।

****