ইন্দিয়া ইন্তরনেস্নেল সর্বিস ফেস্তিবেল (আই.আই.এস.এফ.-২০২০) অসি ভর্চুএল ওইনা পাংথোকপা সাইন্স ফেস্তিবেলদা খ্বাইদগী চাওবা ওইরি। মসিগী ফেস্তিবেল অসিদা মখল কয়াগী থীমদা থৌরম কয়া অমা শিনগদৌরি অমসুং মসিগী থীমশিং অসি হকথেংননা সমাজ অমসুং মীচম প্রজাগা য়াম্না মরী লৈনৈ। নহা ওইরিবা রিসর্স তৌরিবশিং অমসুং সাইন্তিস্তশিং অসিনা সাইন্স ফেস্তিবেল অসিগী মরুওইবা থৌবুনি। আই.আই.এস.এফ.-২০২০ থৌরম অসিগী পান্দম থম্লিবা ভাবোক অসিসু নহা ওইরিবা সাইন্তিস্তশিং অমসুং মহৈরোইশিংনি। নহা ওইরিবা সাইন্তিস্তশিংগী কমফরেন্স অসিসু অসিগুম্বা থৌরম অমনি। মসিগী থৌরম অসিদা, শরুক য়ারিবশিং অসিবু ৱাখল খলহনবা, পুথোকপা অমসুং সাইন্স অমসুং তেক্নোলোজিগা মরী লৈনবা ৱাখলশিং হায়রিবা অসিনা লৈবাক অসিগী চাওখৎনবা অমসুং পুন্সি মহিং ফগৎনবা পাওজেল পীরি।    

নহা ওইরিবা সাইন্তিস্তশিংবু মশীং য়াম্না শরুক য়ানবগী পুক্নিং থৌগৎনবা অমসুং মখোয়গী তোপ-তোপ্পা ৱাখলশিং পুথোক্নবা সি.এস.আই.আর.- সেন্ত্রেল ইলেক্ত্রোকেমিকেল রিসর্স ইন্সতিত্যুৎ (সি.ই.সি.আর.আই.), কারাইকুদি (তামিল নাদু)না হন্দক্তা আউতরিতচ থৌরম (ওনলাইন) অমা শিনখি। থৌরম অসিগী ৱাখল্লোন অদুদি নহা ওইরিবা সাইন্তিস্তশিংবু পুক্নিং থৌগৎতুনা সি.এস.আই.আর.- সি.ই.সি.আর.আই.না হৌজিক চৎথরিবা রিসর্সকী থবক হায়বদি স্ত্রাতেজিক স্ত্রকচর, কোরোজন স্তদিজ অমসুং হকশেলগী চেকশিন থৌরাংগী লায়োং খংদোকপা  খুমাং চাওশিল্লবা অসিদা সাইন্সকী খুলাইশিং অমসুং মখোয়গী শিজিন্নফম অসি উৎপনি। 

থৌরম অসি সি.এস.আই.আর.- সি.ই.সি.আর.আই. সাইন্তিস্ত দাঃ কাথিরেসন না ৱেলকম এদ্রেস পীখি। সি.এস.আই.আর.- সি.ই.সি.আর.আই. দাইরেক্তর দাঃ এন. কলাইসেলবিনা মহাক্কী প্রেসিদেন্সিএল ওইবা ৱা ঙাংবদা অহৌবা সাইন্সকী মরুওইবা অমসুং নহা ওইরিবা সাইন্তিস্তশিংনা খুমাং চাওশিল্লবা হিরমগী মরুওইবা পীখি। মহাক্না মসি অমসু পনখি মদুদি নহা ওইরিবা সাইন্তিস্তশিংনা লৌগদবা থৌদাং অসিনা নহা ওইরিবা সাইন্তিস্তশিংগী প্লেতফো্রম অমা পীবা নহাশিংনা মখোয়গী থবক্তা শরুক য়াবা অমসুং মখোয়গী মিৎয়েংশিং অসিবু খন্ন নৈনবা অসিনি। দাঃ কলাইসেলবিনা অথোইবা অতিথি, ইন্দিয়ন ইন্সতিত্যুৎ ওফ সাইন্স, বেঙ্গলোরগী প্রোফেসর ই. আরুনানবু শক তাকখি। প্রোফেসর ই. আরুনান্না “মেকিং ৱিক বোন্দস, ব্রেক্কিং স্ত্রোং বোন্দ এন্দ দিফাইন্নিং ওল বোন্দস: এক্সেরিমেন্ত ৱীথ সুপরসোনিক ৱেবস” অসিদা য়াম্না অখন্নবা লেকচর পীখি।     

ৱাঙাংলোই অসিনা হায় মদুদি ইন্দিয়া অসি থায়নগী সাইন্সকী ফজবা  চৎনবি অমা লৈজৈ অমসুং মসিনা সাইন্তিফিক অমসুং তেক্নোলোজিকেলগী খুমাং চাওশিন্নবা লাকপদা মমাং থাদুনা লাকই। আই.আই.এস.এফ.গুম্বা প্লেতফোর্ম অসিনা মহৈরোয়শিংদা খুদোংচাবা কয়া অমা পীরি অমসুং মদুনা মখোয়না লাইরিক খক্তদা চৎনদুনা লৈবা মতম নত্ত্রে হায়না মখোয়না মখা তাখি।   

থীরুবনান্থপুরামগী মকোক থোংবা প্রিন্সিপাল সাইন্তিস্ত অমসুং সি.এস.আই.আর.-নেস্নেল ইন্সতিত্যুৎ ফোর ইন্তরদিসিপ্লিনারি সাইন্স অমসুং তেক্নোলোজি (এন.আই.আই.এস.তি.)গী ঐচ.ও.দি. ওর্গানিক কেমেস্ত্রী ‘সাইন্স তোল্ক’ অসিদা উৎখি। মহাক্না মখা তানা হায়খি মদুদি কেরলাদা ফংবা মরুওইনা ৱেস্তর্ন ঘাত্তা ফংবা পাম্বীদা ফংবা হিদাক্কী কান্নবা য়াওবা মসিগী মতাংদা পীখি। মহাক্না মহৈরোয়শিংদা কাদগী থোক্লতুনা ইন্দিয়াগী মরাং কাইনা মনা মশীং ফংলবা মফমশিং অসিদা চৎতুনা সমাজ অসিগী ফনবা হোৎনগদবনি হায়খি।  

বিজনানা ভারাতি (ভি.আই.বি.ঐচ.এ.)গী মীহুৎ দাঃ সি.এম. জোয়না আই.আই.এস.এফ. ২০২০গী মতাংদা শম্লপ্পা উৎশি। মহাক্না আই.আই.এস.এফ. ২০২০কী পান্দম, মখল কয়াগী মচাক অমসুং মসিগা লোয়নরিবশিংগী মতাংদা শন্দোক্না তাকখি।  

অতোপ্পা আই.আই.এস.এফ. ২০২০গী আউতরিতচ থৌরম অমনা ভি.আই.বি.ঐচ.এ.না শিল্লি, শক্তি রাজাস্থাননা এস.এস. জেন সুবোধ গর্ল পি.জি. কোলেজ খুৎশন্দুনা, সাঙানর, জয়পুর, মোদী য়ুনিভর্সিতি, লক্ষনগর, মহারানী কোলেজ, জয়পুর, জ্যোতি ভিদ্যাপিথ ৱুমেন য়ুনিভর্সিতি জয়পুর, সেন্ত ৱিলফ্রেদ পি.জি. কোলেজ জয়পুর। থৌরম হৌদোকপগী ৱা ঙাংবসি শক্তি রাজাস্থান, ভি.আই.বি.ঐচ.এ.গী সেক্ত্রেতরি দাঃ কাবিতা তক্না ওইখি। দাঃ মুক্তা অগ্রৱাল অমসুং দাঃ পুনম চন্দ্রনা কিনোৎ এদ্রেস পীখি। দাঃ মঞ্জু শর্ম্মানা প্রেসিদেন্সিএল ওইবা ৱা ঙাংখি।   

নেসন’স সাইন্স চেন্নেল ‘ইন্দিয়া সাইন্স’না এক্সপার্তশিং, কোওর্দিনেতর অমসুং ইন্দিয়া ইন্তরনেস্নেল সাইন্স ফেস্তিবেল ২০২০গা মরী লৈনবা সাইন্তিস্তশিংগা খন্ন-নৈনবগী পরীং অমা হৌদোকখি। ইন্দিয়া সাইন্স অসি ইন্তরনেত বেজ তৌবা ২৪x৭ তি.ভি. কৎথোক্লবা সাইন্স চেন্নেলনি হায়রিবা অসিনা দি.এস.তি. ভারত সরকার অমসুং বিগ্যান প্রসার (দি.এস.তি.গী মরোমদোম লৈজবা ওর্গানাইজেসন অমা) অসিনা হৌদোরকপনি। ২০২০গী দিসেম্বর ১৭তা ইন্দিয়া সাইন্সনা য়াম্না মপুং ফাবা খন্ন-নৈবগী তেলেকাস্ত অমা মমিং লৈরবা আই.আই.এস.এফ. ২০২০অসিগী কোওর্দিনেতরশিংগা  থাদোরকখি। খন্ন-নৈনবা অসিদা শিনখিবা থীমশিং অদুদি ইন্তর্নেস্নেল সাইন্স ফেস্তিবেল -বিগ্যানিকা. গুনিয়েস ৱার্লদ রেকোর্দ, হেলথ রিসর্স কোনক্লেব অমসুং নেব ভারত নির্মান। খন্ন-নৈনবা অসিদা য়াওখিবা ৱাঙাংলোইশিং অদুদি শ্রী হাসান জাৱেইদ খান, চীফ সাইন্তিস্ত, সি.এস.আই.আর.-এন.আই.এস.সি.এ.আই.আর.;শ্রীমতি ময়ুরি দত্তা, কোওর্দিনেতর, গুনিয়েস ৱার্লদ রেকোর্দ; দাঃ রাজনী কান্ত, দাইরেক্তর, আই.সি.এম.আর. – আর.এম.আর.সি. গোরাখপুর অমসুং সুনিল আগরৱাল, সাইন্তিস্ত-ই, দি.এস.তি.।  

ওল ইন্দিয়া রেদিওনা মমিং লৈরবা এক্সপার্তশিংদা আই.আই.এস.এফ. ২০২০গী মতাংদা ৱা ঙাংখি। বিজনানা ভারাতিগী নেস্নেল ওর্গানাইজিং সেক্ত্রেতরী শ্রী জায়ান্ত সাহাশ্রবুধেনা আই.আই.এস.এফ. সাইন্স ফেস্তিবেলগী মিয়েং অমসুং মপুং ওইবা পান্দমশিংগী মরুওইবশিং হায়খি। ভারত সরকারগী মিনিস্ত্রী ওফ আর্থ সাইন্স সাইন্তিস্ত-জি, দাঃ গোপাল আইয়েনগরনা হায় মদুদি নেস্নেল ইন্সতিত্যুৎ ওফ ওসিন তেক্নোলোজি (মিনিস্ত্রী ওফ আর্থ সাইন্সকী মরোমদোম লেপচবা ওর্গানাইজেসন) অসিনা আই.আই.এস.এফ.কী থৌরম অমা হায়বদি নুংশিৎ শেংদোকপা অসিদা শিনখি।মহাক্না থৌরম অসি শন্দোক্না তাকখি অমসুং থৌরম অসিগী পান্দম অসি মীয়ামদা নুংশিৎতা পোল্লুসন ওইরকপা অমসুং মসিনা হকচাংদা শোকহনবা  অমসুং অকোইবদা অকাইবা পীরিবা অসি খংহনবনি। আর্থ সাইন্স মিনিস্ত্রী অসিনা আই.আই.এস.এফ.২০২০গী মরুওইবা ওর্গানাইজরনি।

অতোপ্পা আউতরিতচ থৌরমশু লোক বিগ্যান পরিশদনা ভর্চুএল ওইনা শিনখি। লোক বিগ্যান পরিশদ অসি মশা মথন্তা ওইবা ওর্গানাইজেসন অমনি হায়রিবা অসি ১৯৮৪দা লিংখৎতুনা সমাজ অমসুং মীচম প্রজাগীদমক অনৌবা পুথোকপা অমসুং রিসর্সকা মরী লৈনবা সাইন্স অমসুং তেক্নোলোজিগী লমদা হেন্না মীয়ামদা খঙহন্নবা পান্দমদা লিংখৎখিবনি।  মসিগী থৌরম অসিদা আই.জি.এন.ও.য়ু.গী নেস্নেল সেন্তর ফোর ইন্নোভেসন ইন দিস্তেন্স ইজুকেসনগী দাইরেক্তর দাঃ ওম প্রকাশ শর্ম্মানা মরু ওইবা ৱাঙাংলোই ওইখি।

দীন দায়াল উপ্পধ্যায় গোরাখপুর য়ুনিভর্সিতি, গোরাখপুরনা আই.আই.এস.এফ. ২০২০ অসিবু শকখংনবা আউতরিতসগকী থৌরম অমা শিনখি। মসিগী ভর্চুএল ওইবা থৌরম অসিদা মমিং লৈরবা সাইন্স লেকচর শিনখি। গোরাখপুর য়ুনিভর্সিতিগী বাইওতেক্নোলোজি দিপার্তমেন্তগী প্রোফেসর সরদ মিশ্রা, ওল ইন্দিয়া রেদিওগী, প্রোগ্রাম একজিক্যুতিব (সাইন্স সেল) শ্রী দীলিপ কুমার ঝা অমসুং প্রগতি বিগ্যান সন্সথাগী সেক্ত্রেতরী শ্রী দীপক শর্ম্মানা ভাসন পীখি।

*****