কিং জোর্জ মেদিকেল য়ুনিবর্সিতীগুম্বা পব্লিক হোসপিতালশিংনা কোবিদ-১৯ অসিগী মায়োক্তা লান্থেংনবদা মাংজিল থাবা থৌদাং অমা লৌখ্রে। মখোয়না কন্না হোৎনরিবা অসিগী মরম্না মীশিং য়াম্বা অমদি অকক্নবা চাগাগুম্বগী ফীভম ওইদুনসু লৈবাক অসিগী মীওই কয়ানা কোবিদ-১৯ অসি লান্থেংনবা ঙম্লিবনি হায়না ভারতকী রাস্ত্রপতি শ্রী রামনাথ কোবিন্দনা ফোংদোকখি। মহাক্না ভিদিওদা পীবা পাউজেল অমদা ঙসি(দিসেম্বর ২১, ২০২০) কিং জোর্জ মেদিকেল য়ুনিবর্সিতী, লখনৌগী ১৬শুবা কনভোকেসন্দা ৱারোল অসি থমখি। রাস্ত্রপতিনা অথোইবা মওংদা কোরোনা অসি মায়োক্নবদা মমাং থানা লান্থেংনরিবা কে.জি.এম.য়ু.গুম্বগী দোক্তরশিং, নর্সশিং অমদি অতোপ্পা হকশেলগী থৌমীশিংবু থাগৎপা ফোংদোকখি। অসিগুম্বা কোরোনাবু লান্থেংনরিবশিং অসিগীদমক্তা থাগৎলিবশিং অসি ৱাৎলবনি হায়না মহাক্না ফোংদোকখি। লান অসি কোরোনাবু লান্থেংনরিবা মীওই কয়াগী পুন্সি মাংখ্রে। ঐখোয়গী লৈবাক অসিনা মতম পুম্বদা মখোয়গী কত্থোকপশিং অদুগী লমন তোন্দুনা লৈহৌরগনি।

২১শুবা চহি চাগী হেল্থ সর্ভিসশিং অসিদা কম্ম্যুনিকেসন তেক্নোলোজী অমদি ফিজিক্সিয়নশিংগী মশাগী ওইনা হৈজ-শিংজবা অসি খুৎশম্ননবগীদমক্তা মালেম শিনবা-থুংনা কন্না হোৎনরি। হেল্থকেয়র সেক্তর অসিগী অচৌবা দেতা, আর্তিফিসিএল ইন্তলিজেন্স, রোবোতিক্স, রোবোতিক্স, ইনফোর্মেসন তেক্নোলোজী অমদি কনেক্তিবিতীগা বাইও-সাইন্সকা নিংথিনা খুৎশম্নবা অসিনা অনৌবা মওংদা লাকহল্লক্লি। কে.জি.এম.য়ু.দা স্পিসিএলিস্ত ৫৮ লৈদুনা প্রাইমরী দেতাদা য়ুম্ফম ওইবা ইন্তর-দিসিপ্লিনরী অমদি মল্তী-দিসিপ্লিনরী রিসর্চ অসি নিংথিনা পাংথোকপা ঙমহল্লি। কে.জি.এম.য়ু.গুম্বা মাংজিল থারিবা ইন্সতিত্যুৎ অসিদা ওরিজিনেল রিসর্চতা অৱাংবা-থাক্ক প্রোগ্রমশিংসু মখা তানা চত্থগনি হায়না মহাক্না ফোংদোকখি।

কে.জি.এম.য়ু.গী এলম্নি অসিনা হৌখিবা চহি কয়াদগী লৈবাক অসিগী অমদি মীরৈবাক্কী মকোক থোংবা মেদিকেল ইন্সতিত্যুসনশিংদা খ্বাইদগী ৱাংবা ফমশিং পায়দুনা মরুওইবা থৌদাং লৌরি হায়না রাস্ত্রপতিনা ফোংদোকখি।  মীওই ১২,৫০০ রোম লৈবা জোর্জিয়ন এলম্নি এসোসিএসন অসিনা ইন্তর্নেস্নেল ওইনা নিংতিনা থবক পাংথোক্লি হায়না থোইদোকপা মওংদা ফোংদোকখি। এসোসিএসন অসিনা মেদিকেলগী থবক, রিসর্চকী থবক, অরুবা লায়না লায়েংবা নত্রগা হেল্থকেয়রগা মরি লৈনবা মখোয়গী লৈজরিবা ৱাখল-লৌশিং অমদি খংজ-হৈজবশিং অদু পুথোক্নদুনা ভারত অমসুং মীরৈবাক্তা জোর্সিয়নশিংনা পুন্না থবক তৌমিন্নবা য়াবা নোলেজ পোর্তেল অমা শেমগৎনবগী ৱাখল্লোন পুথোক্লমখি।

মীরৈবাক্তগী মীওই কয়া অমা অরুবা লায়না কয়া লায়েংবা লাক্লিবা অসিগী মরমদি অহোংবা মমলদা ৱর্ল্দ-ক্লাসকী থাক্তা লায়েং চত্থবা ফংবগীনি হায়না রাস্ত্রপতিনা ফোংদোকখি।  অনৌবা অমদি অরিবা মীরোলশিংগী দোক্তরশিংনা পুন্না লৈবাক অসিগী হেল্থকেয়র অমসুং মেদিসিনগী লমদা অওনবা পুরকপা ঙমগনি হায়বগী মহাক্কী থাজবা অদু ফোংদোকখি। ঐখোয়গী দোক্তরশিং অমদি নর্সশিং অসিগী হৈথোই-শিংথোইবা অমদি থবক তৌবগী স্পিরিৎ অসি মালেমপুম্বনা খংনরে হায়না মহাক্না ফোংদোকখি। ঐখোয়গী লৈবাক অসিগী হেল্থকেয়র সেক্তর অসি মালেমপুম্বদা ‘ক্যুর ইন ইন্দিয়া’ হায়বা ৱাহৈ ওইনা খংনবা ওইরসনু হায়না য়াইফ-পাউজেল পীখি।

রাস্ত্রপতিগী ৱারোল অসি য়েংনবগীদমক্তা মসিদা ক্লিক তৌবীয়ু

*****