উপ-রাস্ত্রপতিগী লোইশঙ
স্ত্রেস লান্থেংনবা ঙম্নবা অমসুং এন.সি.দি.শিং ঙাকথোক্নবা য়োগ অমসুং মেদিতেসন তৌননবা উপ-রাস্ত্রপতিনা মীয়ামশিংদা হায়খ্রে
ফম্লগা তৌবা থবকশিং অমসুং হকচাং ফৎতবা দাইতরী হেবিৎশিং অসিনা মরম ওইদুনা এন.সি.দি.শিং হেনগৎহল্লে: ভি.পি.
খুঙ্গংগী মফমশিংদা খ্বাইদগী ফবা হেল্থ ফেসিলিতীশিং ফংহন্নবা সরকারগা খুৎশম্নদুনা চৎমিন্ননবা প্রাইভেৎ সেক্তরদা ভি.পি.না হায়খ্রে
মেদিকেল ফিল্দদা ভারতনা য়াম্না চাওনা চাওখৎলে অমসুং মেদিকেল তুরিজম দেস্তিনেসন অমা ওইরে: ভি.পি.
কোবিদ-১৯ লাইনা-লাইচৎ অসি থেংননবা লৈবাক অসিনা শাজবা ভেক্সিন অথুবা মতমদা লোঞ্চ তৌরগনি হায়বা অসিদা ভি.পি.না নুংঙাইবা ফোংদোকখ্রে
কোরোনরী সর্জনশিংগীদমক লৈরিবা সোসাইতী ভি.পি.না ভর্চুয়েল্লী ওইনা লোঞ্চ তৌখ্রে
Posted On:
20 DEC 2020 6:41PM by PIB Imphal
নন-কম্মুনিকেবল দিজিসশিং (এন.সি.দি.শিং) অসিদগী ঙাকথোকপা ঙম্নবা অমসুং মোদর্ন লাইফস্তাইল অসিনা থোকহল্লিবা স্ত্রেস অসি থেংননবা ঐখোয়গী ত্রেদিস্নেল ফুদ হেবিৎশিং অদু অমুক হন্না শিজিন্ননবা, মেদিতেসন অমসুং য়োগ চাং নাইনা তৌনবা ভারতকী উপ-রাস্ত্রপতি শ্রী এম. ভেনকাইহ নাইদুনা ঙসি মীয়ামদা হায়খ্রে৷
হায়দরবাদতা লৈরিবা কোরোনরী সর্জনশিংগী সোসাইতী অসি ভারচুয়েল্লী ওইনা লোঞ্চ তৌবদা চান্নবা মওং অমদা হিংদবা লাইফ স্তাইল অসিনা কার্দিও-বাস্কুলর দিজিজেস(সি.ভি.দি.) থৌদোকশিং হেনগৎলকপগী অচৌবা মরম অমা ওইরে হায়না সোসাইতী কম্মুনিতী অসিনা ফোংদোকখিবা অদু মহাক্না পনখ্রে৷ “য়োগনা মীওই অমবু স্ত্রেস লৈহন্দে অমসুং লাইনা চংহন্দনা থম্বা ঙম্মী৷ মরম অদুনা য়োগ অসি মীওই অমগী নুংতিগী তৌদ্রবা য়াদ্রবা শরুক অমা শুংশোই শোইদনা ওইগদবনি”, হায়না মহাক্না ফোংদোকখি৷
দবল্যু.ঐচ.ও.বু পল্লদুনা এন.সি.দি.শিংনা তোঙান তোঙানবা লাইনা মখলশিং খুদম ওইনা কার্দিওবাস্কুলর, ক্রোনিক রেস্পিরেতরী লাইনাশিং, কেন্সর অমসুং দাইবিতিস মনুং চল্লি অমসুং মসিনা গ্লোবেল্লী ওইনা শিরিবা মী মশিংগী চাওরাক্না মিলিয়ন ৪১রোম(৭১%) শিহল্লি অমসুং ভারততা শিরিবা মী মশিংগী মিলিয়ন ৫.৮৭(৬০%)মুক্কী চাংদা শিহল্লি হায়না শ্রী নাইদুনা পনখ্রে৷
হিংবগী পুন্সি মরেল হোংলকপা খুদম ওইনা ফম্লগা থবক তৌবা হেল্লকপা, হকচাংদা ফৎতবা অমসুং চাং নাইদবা দাইতরী হেবিৎশিং লৈরকপা, স্ত্রেস ৱাংলকপা, চুরুপ থকপা অমসুং তোবেক্কো চারকপা অসিনা চাওনা মরম ওইদুনা এন.সি.দি.শিং হেনগৎলক্লিবা অসি উরদুনা এন.সি.দি.শিংনা মরম ওইদুনা শিরিবা মীশিংগী শরুক অহুম থোকপগী অমা অমসুং প্রিমেচর ওইনা নত্রগা চহী ৭০ য়ৌদ্রিঙৈদা শিখ্রবা মীওই মিলিয়ন ১৬কী ৮২%দি লো অমসুং মিদল ইনকম লাক্লিবা লৈবাকশিংদা থোকই হায়না মহাক্না ফোংদোকখি৷
এন.সি.দি. লাইচৎ অসিনা মীওই খুদিংদা, ইমুংশিংদা অমসুং কম্ম্যুনিতীশিংদা থোকহল্লিবা খুদোংথিবশিং অদু পল্লদুনা সি.ভি.দি.শিং অসি ঙাকথোক্নবা অমসুং প্রদক্তিব ওইবা মীওইশিংদা য়াম্না চাওনা অমাংবা পীরিবা অসি ঙাকথোক্নবগী পান্দমদা মিসন অমগা লোইননা কোরোনরী সর্জনশিংগী সোসাইতী অসি শেম্নবা ইনিসিয়েতিব অসি মহাক্না নুংঙাইবা ফাওই হায়না উপ-রাস্ত্রপতিনা ফোংদোকখ্রে৷
খুঙ্গংগী মফমসিংদা থোক্লিবা লাইনা অসিনা পীরিবা চৈথেং অসিদা মীৎয়েং চংনবা এস.সি.এস.কী মেম্বরশিং অসিদা উপ-রাস্ত্রপতি অসিনা হায়খ্রে৷ খুঙ্গংগী মফমশিংদা লৈরিবা মীওই অয়াম্বা কার্দিয়ো-বাস্কুলর লাইনা অসিগী রিক্স ফেক্তরশিং চপ মান্ননা ফংই হায়না মহাক্না ফোংদোকখি৷
খুঙ্গংগী মফম অয়াম্বদা মোদর্ন অমসুং এদভান্স হেল্থ কেয়র ফেসিলিতীশিং নিংথীজনা ফংহনবা ৱাৎলকপা অসিগী মতাংদা ৱা ঙাংলদুনা খুঙ্গংগী মফমশিং অসিদা খ্বাইদগী ফরবা হেল্থকেয়র দাইয়েগ্নোস্তিক অমসুং ত্রিতমেন্ত ফেসিলিতীশিং এফোর্দেবল ওইবা মওংদা সরকার অসিনা ফংহন্নবা হোৎনরিবা অসিদা প্রাইভেৎ সেক্তর অসি চৎশিন্দুনা পব্লিক-প্রাইভেৎ পার্তনরশিপশিংগী খুৎথাংদা চৎমিন্ননবা উপ-রাস্ত্রপতি অসিনা ফোংদোকখ্রে৷
মীওই ১০০০দা দোক্তর ১ লৈগদবনি হায়বা দবল্যু.ঐচ.ও.গী নোর্ম অসিদগী তানা লৈরিবা ভারতকী দোক্তর-পেসেন্ত রেয়িও অসিগী মতাংদা ৱা ঙাংলদুনা হায়রিবা প্রোব্লেম অসি অথুবা মতমদা মেনশিন্নবা হোৎনগদবনি অমসুং এফোর্দেবল মেদিকেল এদজুকেসন ফংহন্নববা সরকার অসিনা হোৎনরিবা থবকশিং অসিদা প্রাইভেৎ সেক্তর অসিনা শোইদনা মতেং পাংগদবনি হায়না শ্রী নাইদুনা ফোংদোকখ্রে৷
মীওই অয়াম্বনা মেদিকেল কোস্ত অসি মশা মশাগী পোকেৎতগী পুথোকচবা অসিনা মরম ওইদুনা ইন্সুরেন্স কোভরেজ ফংহন্নবগী চাওনা মরু ওই হায়না উপ-রাস্ত্রপতি অসিনা ফোংদোকখি৷ ভারত সরকারগী ফ্লেগশিপ প্রোগ্রাম ওইরিবা অয়ুশমান ভারত অসি তশেংনা থাগৎনিংঙাই ওইরবা ইনিসিয়েতিব অমনি হায়না মহাক্না থাগৎখ্রে, মসিনা লাইরবা অমসুং হেন্না খুদোংথিবা য়ানা লৈরিবা মীওই কোতি ১০.৭৪হেন্না সেকেন্দরী অমসুং তর্চরী কেয়র হোস্পিতেলাইজেসনগীদমক চহী অমদা ইমুং অমদা লুপা লাখ ৫গী হকশেলগী ওইবা খুদোংচাবা ফংহল্লি৷
হৌখিবা চহী খুজিং খরা অসিদা মেদিকেল ফিল্দদা ভারতনা চাওনা ফগৎলক্লে হায়না পল্লদুনা হৌখিবা চহীশিং অসিদা ভারত অসি মেদিকেল তুরিজমগী পন্থুংফম অমা ওইবা ঙমখ্রে হায়না মহাক্না ফোংদোকখি৷ হৌখিবা মতমদা ভারতকী অনাবশিংনা লাইয়েংননবগীদমক মপান লৈবাক্তা চৎনরম্মী৷“অদুবু এফোর্দেবল ওইবা অমসুং ক্বালিতী লৈবা হেল্থকেয়র অসিনা মরম ওইদুনা চাওখৎলবা লৈবাকশিং য়াওনা তোঙান তোঙানবা লৈবাকশিংগী অনাবশিংনা ভারততা লাক্তুনা লাইয়েংলি”, হায়না মহাক্না ফোংদোকখ্রে৷
ভারতনা সি.এ.বি.জি.(কোরোনরী আর্তরী বাইপাস গ্রাফত) সর্জরী মশিং খ্বাইদগী য়াম্না তৌবা লৈবাকশিংগী মনুংদা অনিশুবদা লৈদুনা হর্তকেয়র নিংথীজনা তৌদুনা ৱল্দ ক্লাস প্লেয়র অমা ওইনা ভারত অসি লৈখ্রে হায়না মহাক্না ফোমদোকখি৷
“কোবিদ-১৯ লাইনা-লাইচৎ অসিগী মনু্ংদা হেল্থকেয়রদা ঐখোয়গী তৌবা ঙম্বা অদু নিংথীজনা উৎথোকখ্রে অমসুং মালেম অসিদা লৈরিবা চাওখৎলবা লৈবাক খরগা চাংদম্নদুনা য়েংবদা ভারততা লৈরিবা কেজুয়েল্তী মশিং অসি অসুক্কী মতিক তারে”, হায়না মহাক্না মখাতানা ফোংদোকখি৷
লাইনা-লাইচৎ অসি হেক হৌরকপা মতমদগী মেদিকেল, পেরামেদিকেল অমসুং অতোপ্পা হেল্থকেয়র পর্সোনেলশিং অসিনা পীরিবা মমল নাইদ্রবা সর্ভিসশিং অসিগী মতাংদা ৱা ঙাংলদুনা অথুবা মতমদা লৈবাক অসিনা শাজবা ভেক্সিন অমা লোঞ্চ তৌরগনি হায়দুনা মহাক্না নুংঙাইবা ফোংদোকখি৷
য়ু.এস.এ.গী দি সোসাইতী ওফ থোরেসিক সর্জন্সকী প্রসিদেন্ত প্রোফেসর জোসেফ দিরানি, সোসাইতী ওফ কোরোনরী সর্জন্সকী প্রসিদেন্ত দা. লোকেস্বারা রাউ সজ্জা, সোসাইতী ওফ কোরোনরী সর্জন্সকী প্রসিদেন্ত ইলেক্ত দা. কুনাল সরকার, সোসাইতী ওফ কোরোনরী সর্জন্সকী সেক্রেতরী দা. গোপিচান্দ মন্নম, সোসাইতী ওফ কোরোনরী সর্জন্সকী জোইন্ত সেক্রেতরী দা. চন্দ্রসেখর পদমনাভান, সোসাইতী ওফ কোরোনরী সর্জন্সকী এগজিক্যুতিব মেম্বরশিং অসিনা ভর্চুয়েল্লী ওইনা পাংথোকখিবা থৌরম অসিদা শরুক য়াখিবা দোক্তরশিংনি৷
মখাগী অসি ৱারোল অদুগী মপুং ওইবা তেক্সনি-
“মসিগী প্রোগ্রাম অসিদা অমসুং সোসাইতী ওফ কোরোনরী সর্জন্স(এস.সি.এস.) লোঞ্চ তৌবা অসিদা শরুক য়াবা ফংজবা অসি ঐহাক অসুক্কী মতিক নুংঙাইবা ফাউই৷ দাতা অসি খোমজিনবদা অমসুং কার্দিয়োবাস্কুলর লাইনা মরু ওইনা কোরোনরী আর্তরী সর্জরীগী ফিল্দদা ওরিজিনেল রিসর্চ পাংথোকপদা সোসাইতী অসিগী ৱাখল্লোন অসি য়াম্না মরু ওই হায়বা অসি ঐ খঙজরে৷ মেদিকেল ফিল্দদা পাংথোক্লিবা রিসর্চ য়োকখৎপা অসি য়াম্না মরু ওই অমসুং অসিগুম্বা ইনিসিয়েতিবশিং অসিনা ওথেন্তিক দাতা ফংহনবদা মতেং পাংলগনি হায়বা অসি ঐগী থাজবনি৷
হৌখিবা চহী খুজিং খরা অসিদা মেদিকেল ফিল্দা ঐখোয়না চাওনা চাওখৎহন্দুনা অহোংবা পুরকপা ঙমখ্রে৷ ঙসিদি ভারতনা সি.এ.বি.জি.(কোরোনরী আর্তরী বাইপাস গ্রাফত) সর্জরী মশিং খ্বাইদগী য়াম্না তৌবা লৈবাকশিংগী মনুংদা অনিশুবদা লৈদুনা হর্তকেয়র নিংথীজনা তৌদুনা ৱল্দ ক্লাস প্লেয়র অমা ওইনা ভারত অসি লৈখ্রে৷
কোবিদ-১৯ লাইনা-লাইচৎ অসিগী মনু্ংদা হেল্থকেয়রদা ঐখোয়গী তৌবা ঙম্বা অদু নিংথীজনা উৎথোকখ্রে অমসুং মালেম অসিদা লৈরিবা চাওখৎলবা লৈবাক খরগা চাংদম্নদুনা য়েংবদা ভারততা লৈরিবা কেজুয়েল্তী মশিং অসি অসুক্কী মতিক তারে৷
লাইনা-লাইচৎ অসি হেক হৌরকপা মতমদগী মেদিকেল, পেরামেদিকেল অমসুং অতোপ্পা হেল্থকেয়র পর্সোনেলশিং অসিনা পীরিবা মমল নাইদ্রবা সর্ভিসশিং অসিবু ঐহাক্না থাগৎখ্রে
ঐখোয়গী ইশানা থাজবা কোবিদ ভেক্সিন অথুবা মতমদা থাদোক্লগনি হায়বা অসি ঐহাক অসুক্কী মতিক নুংঙাইবা ফাইজৈ৷
তশেংবগীদি হৌখিবা চহীশিং অসিদা ভারত অসি মেদিকেল তুরিজমগী পন্থুংফম অমা ওইবা ঙমখ্রে৷ হৌখিবা মতমদা ভারতকী অনাবশিংনা লাইয়েংননবগীদমক মপান লৈবাক্তা চৎনরম্মী৷“অদুবু এফোর্দেবল ওইবা অমসুং ক্বালিতী লৈবা হেল্থকেয়র অসিনা মরম ওইদুনা চাওখৎলবা লৈবাকশিং য়াওনা তোঙান তোঙানবা লৈবাকশিংগী অনাবশিনা ভারততা লাক্তুনা লাইয়েংলি৷ অসিগীসু মথক্তা অতোপ্পা লৈবাকশিংদা লৈরিবা ভারতকী দোক্তরশিং অসিসু মখোয়গী স্কিলশিং অমসুং নোলেজ অদুগীদমক মিংচৎ য়াম্না ৱাংনা ফংবা ঙমখ্রে৷ য়ু.এস.এ.দা লৈরিবা খ্বাইদগী ফরবা দোক্তর মরি খুদিংগী ভারত মচা য়াওই হায়না হায়নৈ৷
ঙসি থৌরম অসিদা মখোয় পুম্নমক্তা ঐগী ওবজর্বেসনশিং সেয়র তৌজগে৷
নুংশিরবা ইচলশিং অমসুং ইনাওশিং,
দবল্যু.ঐচ.ও.গী মতুং ইন্না নন-কম্ম্যুনিকেবল লাইনাশিং অসিদা তোঙান তোঙানবা লাইনা মখলশিং খুদম ওইনা কার্দিওবাস্কুলর, ক্রোনিক রেস্পিরেতরী লাইনাশিং, কেন্সর অমসুং দাইবিতিস মনুং চল্লি৷ এন.সি.দি.না মরম ওইদুনা গ্লোবেল্লী ওইনা মী মশিং চাওরাক্না মিলিয়ন ৪১রোম(৭১%) শিহল্লি অমসুং ভারততনা মিলিয়ন ৫.৮৭(৬০%)মুক্কী চাংদা শিহল্লি, অতোপ্পা লোন অমদা হায়রগনা ভারতকী মীওই ৪গী মনুংদা ১দি এন.সি.দি. অসিনা মরম ওইদুনা শিবা য়াবগী খুদোংথিবা য়াম্না চাওনা লৈ হায়বনি৷ এন.সি.দি.শিংনা মরম ওইদুনা শিরিবা মীশিংগী শরুক অহুম থোকপগী অমা অমসুং প্রিমেচর ওইনা নত্রগা চহী ৭০ য়ৌদ্রিঙৈদা শিখ্রবা মীওই মিলিয়ন ১৬কী ৮২%দি লো অমসুং মিদল ইনকম লাক্লিবা লৈবাকশিংদা থোকই৷
হিংবগী পুন্সি মরেল হোংলকপা খুদম ওইনা ফম্লগা থবক তৌবা হেল্লকপা, হকচাংদা ফৎতবা অমসুং চাং নাইদবা দাইতরী হেবিৎশিং লৈরকপা, স্ত্রেস ৱাংলকপা, চুরুপ থকপা অমসুং তোবেক্কো চারকপা অসিনা চাওনা মরম ওইদুনা এন.সি.দি.শিংগী চাং অসি মরু ওইনা হেনগৎলক্লিবনি৷ হাইপর্তেন্সন অমসুং দাইবিতিস লাইনাশিং অসিসু এন.সি.দি.শিং অসিগী মনুং চল্লি৷
ভারত অসি মালেম অসিদা সি.ভি.দি.শিংগী খ্বাইদগী চাওরবা পোৎলুম অমা ওইরি অমসুং ভারততা চহী অমদা সি.ভি.দি.শিং অসিদগী শিরিবা মী মশিং অসি ১৯৯০দা মিলিয়ন ২.২৬ শিরম্বদগী ২০২০দা মিলিয়ন ৪.৭৭ শিদুনা য়াম্না চাওনা হেনগৎলকখ্রে৷ ঐখোয়গী লৈবাক অসিদা থমোইগী পেসেন্ত কোতি অহুম হেন্না লৈ অমসুং চহী খুদিংগী ওইনা থমোইগী সর্জরী লাখ অনিগা নক্ননা পাংথোক্তুনা লাক্লি৷
কার্দিয়োবাস্কুলর লাইনাশিং হেনগৎলকপা অসিদা সি.ভি.দি.শিং অসি ঙাকথোক্নবগী অমসুং মসিনা প্রদক্তিব ওইবা মীয়ামশিংবু শোকহন্দুনা পীরিবা অমাংবা অদু হন্থহন্নবগী পান্দমদা কোরোনরী সর্জনশিংগী সোসাইতী অমা শেম্ননবা থমোইগী সর্জন খরা পুনশিন্নখ্রে হায়বা অসি তাবদা য়াম্না নুংঙাই৷
সোসাইতী অসিনা মহাক্কী মোতো অসিগা লোইননা সি.ভি.দি.শিং অসিগী মতাংদা রিসর্চ নিংথীজনা পাংথোক্লগনি অমসুং লাইনা অসিগী হৌরকফম অদু মশক খঙদোক্তুনা অমসুং মতম চানা লাইয়েংদুনা অমসুং ক্বালিতী লৈরিবা লাইয়েং চৎথদুনা কার্দিয়েক পেসেন্তশিং অসিগী মশিং অসি হন্থনবা হোৎনরগনি হায়বা অসি ঐগী থাজবনি৷
নুংশিরবা ইচলশিং অমসুং ইনাওশিং,
মোদর্ন অমসুং এদভান্স ওইরবা ফেসিলিতীশিং ৱাৎতুনা লৈরিবা খুঙ্গংগী মফম অয়াম্বা হেল্থকেয়র ইনফ্রাস্ত্রকচর শন্দোকপা ৱাৎনা লৈরিবা অসি য়েংশিননিংঙাই ওই৷মসিগী ফিভম অসি ৱার ফুত্তিং ওইবা মওং অমদা শেমদোক্কদবনি৷ খুঙ্গংগী মফম অয়াম্বদা মোদর্ন অমসুং এদভান্স হেল্থ কেয়র ফেসিলিতীশিং নিংথীজনা ফংহনবা ৱাৎলকপা অসিগী মতাংদা ৱা ঙাংলদুনা খুঙ্গংগী মফমশিং অসিদা খ্বাইদগী ফরবা হেল্থকেয়র দাইয়েগ্নোস্তিক অমসুং ত্রিতমেন্ত ফেসিলিতীশিং এফোর্দেবল ওইবা মওংদা সরকার অসিনা ফংহন্নবা হোৎনরিবা অসিদা প্রাইভেৎ সেক্তর অসি চৎশিন্দুনা পব্লিক-প্রাইভেৎ পার্তনরশিপশিংগী খুৎথাংদা চৎমিন্নগদবনি৷
ভারততা মেদিকেলগীদমক লাক্লিবা মীওইশিং অসিগী ৮৬%দি খুঙ্গংগী মফমশিং অসিদগী ওই৷ মীওই অয়াম্বনা মেদিকেল কোস্ত অসি মশা মশাগী পোকেৎতগী পুথোকচবা অসিনা মরম ওইদুনা ইন্সুরেন্স কোভরেজ ফংহন্নবগী চাওনা তঙাই ফদবা লৈ৷
ভারত সরকারগী ফ্লেগশিপ প্রোগ্রাম ওইরিবা অয়ুশমান ভারত অসি তশেংনা থাগৎনিংঙাই ওইরবা ইনিসিয়েতিব অমনি, মসিনা লাইরবা অমসুং হেন্না খুদোংথিবা য়ানা লৈরিবা মীওই কোতি ১০.৭৪হেন্না সেকেন্দরী অমসুং তর্চরী কেয়র হোস্পিতেলাইজেসনগীদমক চহী অমদা ইমুং অমদা লুপা লাখ ৫গী হকশেলগী ওইবা খুদোংচাবা ফংহল্লি, মসি ভারতকী মী মশিংগী চাদা ৪০ ওই৷
দোক্তর অমসুং পেসেন্তগী লৈরিবা রেসিও অসি খঙলকপদা তশেংনা নুংঙাইতে, দবল্যু.ঐচ.ও.না পীরিবা নোর্ম অসি ভারতনা ইনবা ঙমদে৷ হৌজিক লৈবাক অসিদা লৈরিবা মীওই মশিং অসিগী মতুং ইন্না ভারত মচা ১,৪৪৫ খুদিংগী দোক্তর অমা লৈ, মসি দবল্যু.ঐচ.ও.না পীরিবা মীওই ১০০০ খুদিংগী দোক্তর অমা লৈগদবনি হায়রিবা অসিদগী হেন্না তানা লৈরিবনি৷ মসি অথুবা মতমদা মেনশিনগদবনি অমসুং এফোর্দেবল মেদিকেল এদজুকেসন ফংহন্নবা সরকার অসিনা হোৎনরিবা অসিদা প্রাইভেৎ সেক্তর অসিনসু মতেং পাংগদবনি৷
লোইরমদাই শরুক অসিদা মোদর্ন লাইফস্তাইল অসিনা মরম ওইদুনা থোকহল্লিবা স্ত্রেস অসি থেংননবা অমসুং কার্দিয়োবাস্কুলর লাইনা অসি ঙাকথোকপা ঙম্নবা ঐখোয়গী ত্রেদিস্নেল ফুদ হেবিত অমদা অমুক হঞ্জিন্নবা, চাং নাইনা য়োগ অমসুং মেদিতেসন তৌনবা ঐনা ময়ামদা হায়জরি৷ চান্নবা মওং অমদা হিংদবা পুন্সি মরেল অসিনা সি.ভি.দি.গী থৌদোক অসি হেনগৎলকপগী অচৌবা মরম অমা ওই হায়না সাইন্তিফিক কম্ম্যুনিতী অসিনা ফোংদোকখ্রে৷
য়োগ অমসুং মেদিতেসননা মীওই অমগী ইন্নর সেল্থ অসিগা মরী লৈনহনবগী খ্বাইদগী মতিক চারবা খুৎলাই ওইরি৷ ঐখোয়গী প্রধান মন্ত্রী শ্রী নরেন্দ্র মোদী জীগী ইফর্তশিং অসিবু থাগৎপা ফোংদোকচরি, নুংতি নুমিৎ খুদিংগী য়োগ শান্নবগী হৈনবি লৈনবা অমসুং মদুগী কান্নবা লৌবা ঙম্নবা জুন ২১বু মালেমগী য়োগগী নুমিৎনি হায়না য়ু.এন.না লাওথোকখ্রে৷ য়োগনা মীওই অমবু স্ত্রেস লৈহন্দে অমসুং লাইনাদগী য়াম্না লাপ্না থম্বা ঙম্মী৷ মরম অদুনা য়োগ অসি মী খুদিংমক্কী নুংতিগী তৌদ্রবা য়াদ্রবা শরুক অমা ওইনা থমগদবনি৷
কোরোনরী সর্জনশিংগী সোসাইতী অসিদা ঐনা য়াইফ মঙ্গোল পীজরি!
জই হিন্দ!
*****
(Release ID: 1682527)
Visitor Counter : 118