نئی دہلی،17/دسمبر 2020،  وزیر مملکت برائے ثقافت اور سیاحت (آئی سی) ، جناب پرہلاد سنگھ پٹیل نے آج نئی دہلی میں نیشنل میوزیم انسٹی ٹیوٹ سوسائٹی کے اجلاس کی صدارت کی۔ باہر کے ممبران نے مجازی موڈ کے ذریعہ میٹنگ میں شرکت کی۔ اس اجلاس کا ایجنڈا سوسائٹی کی سابقہ ​​میٹنگ کے فورا بعد تیار کرلیا گیا تھا، جو 13.03.2020 کو منعقد ہوئی تھی  اور جو ہندوستان کے ثقافتی ورثہ (آئی آئی ایچ) کے انسٹی ٹیوٹ کے قیام کے بارے میں حکومت کے اعلان سے متعلق تھی۔ اس میں موجودہ نیشنل میوزیم انسٹی ٹیوٹ سوسائٹی  کا  نام بدل کر انڈین انسٹی ٹیوٹ آف ہیریٹیج سوسائٹی (آئی آئی ایچ ایس) کرنے پر بھی غور کیا گیا تھا۔

Union MoS (IC) Shri @prahladspatel took the virtual meeting of NMI Society to review the proposal for setting up of Indian Institute of Heritage in the presence of Secretary @MinOfCultureGoI, JS @nirupamakotru, PS @rahulsymby, @msignca and other officials of @NMIHACM. pic.twitter.com/6KFlOR2R7b

— Ministry of Culture (@MinOfCultureGoI) December 17, 2020

ممبران، جن میں جناب کے این دکشت ، جناب وسنت شنڈے ، پروفیسر ارون مینن ،  جناب ڈی این ترپاٹھی اور دیگر شامل ہیں، نے وزیر اعظم  جناب نریندر مودی کے وژن اور سال 2020-21 کے مرکزی بجٹ میں کیے جانے والے اعلان کے مطابق ہندوستانی ثقافتی ورثہ انسٹی ٹیوٹ قائم کرنے کے وزارت کے اقدام کا خیرمقدم کیا۔

وزارت ثقافت کی تجویز کے مطابق ، سرٹیفکیٹ / ڈپلومہ کورس جو اب تک وزارت ثقافت کے تحت اداروں کے زیر انتظام ہیں۔ ثقافتی ورثہ اور تحفظ کے میدان میں تحقیق اور اعلی تعلیم کے حصول کے لئے انسٹی ٹیوٹ آف آثار قدیمہ، آئی جی این سی اے، ہندوستان کے قومی آرکائیوز اور این آر ایل سی لکھنؤ کو قومی میوزیم انسٹی ٹیوٹ کے ڈگری کورس کے ساتھ ساتھ ہندوستانی انسٹی ٹیوٹ آف ہیریٹیج کی چھتری میں لایا جائے گا۔ انسٹی ٹیوٹ تاریخ، آرٹ، ثقافت، میوزولوجی ، آرکیالوجی اسٹڈیز، آرکیالوجی، پریوینٹیو کنزرویشن، ایپی گرافی اینڈ نومس میٹکس، مخطوطات اور اس سے متعلقہ شعبوں میں   ایم اے، پی ایچ ڈی، ڈپلومہ اور سرٹیفکیٹ کورسیز مہیا کرائے جائیں گے۔اس  کے ساتھ ساتھ برسرکار ملازمین کی بھی تربیت کا نظم ہوگا۔

فیصلہ کیا گیا کہ اراکین 15 دن کی مدت میں نئے انسٹی ٹیوٹ کے قیام کے لئے اپنی تجاویز بھیجیں گے، جس کے بعد وزارت ثقافت سوسائٹی رجسٹریشن ایکٹ 1860 کے مطابق ہندوستانی انسٹی ٹیوٹ آف ہیرٹیج (آئی آئی ایچ) کے قیام کے لئے ضروری اقدامات کرے گی اور ہندوستان میں اعلی تعلیم کے انسٹی ٹیوٹ کے قیام کے لئے موجودہ یو جی سی کے رہنما اصول کو پیش نظر رکھے گی۔

۔۔۔۔۔۔۔۔۔۔۔

U-8272

م ن۔   ج ق ۔  ت ع۔