ঙসি ন্যু দিল্লীদা লৈরিবা নেস্নেল ম্যুজিয়ম ইন্সতিত্যুত সোসাইতীগী মীফম অদুদা কল্চর অমসুং তুরিজম(আই.সি.)গী রাজ্যগী মন্ত্রী শ্রী প্রহলাদ সিংহ পতেলনা থৌরম মপু ওইখ্রে৷ মীফম অদুদা আউতস্তেসন মেম্বরশিংনা ভর্চুয়েল মোদতা শরুক য়াখি৷ ইন্দিয়ন ইন্সতিত্যুত ওফ হেরিতেজ শেমগৎননবগী সরকার অসিনা লাওথোক্কদবা অদুগা মরী লৈননা অমসুং নেস্নেল ম্যুজিয়ম ইন্সতিত্যুত সোসাইতীগী হৌজিক লৈরিবা নোমেনক্লেচর অদু ইন্দিয়ন ইন্সতিত্যুত ওফ হেরিতেজ সোসাইতী(আই.আই.ঐচ.এস.)দা হোংদোকপগী খন্ননবগীদমক ১৩.০৩.২০২০দা পাংথোকখিবা সোসাইতী অসিগী মমাংগী মীফম অদুগী ৱারোইশিন পুরকপা অসিনা মীফম অসিগী এজেন্দা ওইখি৷

প্রধান মন্ত্রী শ্রী নরেন্দ্র মোদীগী লুচিং মখাদা ইন্দিয়ন ইন্সতিত্যুত ওফ হেরিতেজ অমা শেমগৎনবা মন্ত্রালয় অসিগী  ইনিসিয়েতিব অসি অমসুং ২০২০-২১ চহীগী য়ুনিয়ন বদজেৎ লাওথোকখিবা অদু শরুক য়খিবা মেম্বরশিং এস.ঐচ. কে.এন. দিক্সিত, এস.ঐচ. বসান্ত শিন্দে, প্রোফেসর অরুন মেনন, এস.ঐচ. দি.এন. ত্রিপাথী অমসুং অতোপ্পা মীওইশিংনা তরাম্না ওকখ্রে৷

কল্চর মন্ত্রালয় অসিগী প্রপোজেল অদুগী মতুং ইন্না কল্চর মন্ত্রালয় অসিগী মখাদা ইন্সতিত্যুসনশিং অসিনা চলাইরিবা সর্তিফিকেৎ/দিপ্লোমা কোর্সশিং মমিং ওইনা পল্লবদা ইন্সতিত্যুত ওফ আর্কিয়োলোজী, আই.জি.এন.সি.এ., নেস্নেল আর্কিভস ওফ ইন্দিয়া অমসুং এন.আর.এল.সি. লখনৌ অসি কল্চর হেরিতেজ অমসুং কঞ্জর্বেসনগী হিরমদা রিসর্চ অমসুং হাইয়র এদজুকেসন তৌননবগীদমক নেস্নেল ম্যুজিয়ম ইন্সতিত্যুতকী দিগ্রী কোর্সশিংগা লোইননা ইন্দিয়ন ইন্সতিত্যুত ওফ হেরিতেজকী মখাদা লৈহল্লগনি৷ ইন্সতিত্যুত অসিনা ইন-সর্ভিস এমপ্লোইয়ীশিং অসিগীদমক ত্রেনিং পীবা খক্তা নত্তনা হিস্ত্র্রী ওফ আর্ত, কঞ্জরবেসন, ম্যুজিওলোজী, আর্কিবেল স্তদীস, আর্কিয়োলোজী, প্রিবেন্তিব কঞ্জর্বেসন, ইপিগ্রাফী অমসুং নুমিস্মেতিক্স, মেনুস্ক্রিপ্তোলোজী অমসুং মরী লৈনবা ফিল্দশিংদা এম.এ., পি.ঐচ.দি., দিপ্লোমা অমসুং সর্তিফিকেৎ কোর্সশিং ফংহল্লগনি৷

নুমিৎ ১৫নিগী মনুংদা অনৌবা ইন্সতিত্যুত অসি শেমগৎননবগীদমক মেম্বরশিং মখোয়গী সজেসনশিং থারক্নবা ৱারেপ লৌখ্রে অমসুং মসিগী মনুংদা তারকপদা কল্চর মন্ত্রালয় অসিনা সোসাইতীস রেজিস্ত্রেসন এক্ত, ১৮৬০গী মতুং ইন্না অমসুং ভারততা হাইয়র এদজুকেসনগী ইন্সতিত্যুতশিং শেমগৎনবগী লৈরিবা য়ু.জি.সি. গাইদলাইনশিং অসিগী মতুং ইন্না ইন্দিয়ন ইন্সতিত্যুত ওফ হেরিতেজ(আই.আই.ঐচ.) শেমগৎনবগী তঙাই ফদবা খোঙথাংশিং লৌখৎলগনি৷

*****