জপান এয়র সেল্ফ দিফেন্স ফোর্সকী চীফ ওফ স্তাফ জেনেরেল ইজুত্সু শুঞ্জিনা ইন্দিয়ন এয়র ফোর্সকী চীফ ওফ দি এয়র স্তাফ(সি.এ.এস.) এয়র চীফ মার্শেল আর.কে.এস. ভদাউরিয়া পি.ভি.এস.এম. এ.ভি.এস.এম. ভি.এম. এ.দি.সি.দগী ফোর্মেল ওইবা ইনবাইতেসন অমা ফংবদগী ২০২০গী দিসেম্বর ০৯দা ভারত্তা থুংখ্রে৷ সি.এ.এস.না এয়র হেদক্বাতর্স্তা পাংথোক্লিবা অসিগী মথক্তা সি.ও.এস.-জে.এ.এস.দি.এফ.না রক্সা মন্ত্রী শ্রী রাজনাথ সিংহবু মহক্কী ওফিস্তা কৌখ্রে অমসু্ং দিফেন্স স্তাফকী চীফ, নেভেল স্তাফকী চীফ অমসুং আর্মী স্তাফকী ভাইজ চীফকা লোইননা মীফমশিং পাংথোকখ্রে৷

এয়র হেদক্বাতর্স্তা সি.ও.এস.-জে.এ.এস.দি.এফ. থুংবা মতমদা মহাকপু গার্দ ওফ ওনরগা লোইননা তরাম্না ওকখ্রে৷ মতুং তারকপগী খন্না নৈনবদা ভারত অমসুং জপানগী মরক্তা লৈরিবা দিফেন্সকী ওইবা মরী অদুদা লৈরিবা প্রোগ্রেস অদু খঙবা ঙমখ্রে অমসুং এয়র ফোর্সেস অনি অসিগী মরক্তা  মখাতানা কোওপরেসন পীননবা অমসুং ইন্তরওপেরেবিলিতী লৈহন্নবা খন্না নৈনখ্রে৷ মখোয়না এয়র ফোর্সেস অনি অসিগী মরক্তা জোইন্ত এক্সরসাইজশিং অমসুং ত্রেনিং হেন্না পাক চাউনা পাংথোক্নবগীদমক খন্না নৈনখি৷ ঐচ.এ.দি.আর. কন্তিজেন্সীশিংদা কল্লেক্তিব রেস্পোন্স নিংথীনা পীননবগীদমক হেন্না চাউবা কোওপরেসন অমগী মতাংদসু খন্না নৈনখ্রে৷

কোবিদ-১৯না থেংনহল্লিবা চেলেঞ্জশিং অসি লান্থোক্তুনা এয়র ফোর্সেস অনিগী মরক্তা লৈরিবা মরী অদু কাইহন্দনা অমসুং হেন্না মপাঙ্গল কন্না থম্নবা খোঙচৎ অসিনা মরা চেৎপা কম্মিতমেন্ত অদু অমুক্কা হন্না হায়খ্রে৷

*****