কেমিকেল অমসুং ফর্তিলাইজরগী য়ুনিয়ন মিনিস্তর শ্রী দি.ভি. সদানন্দা গৌদানা ঙসি নুমিৎ নিনিগী ওইবা ওর্গানাইজেসন ওপ ফার্মাসিয়ুতিকেল প্রোদুসর ওফ ইন্দিয়া (ও.পি.পি.আই.)গী এন্নুএল সম্মীত হৌদোকখ্রে। মিনিস্তরনা পুন্সি চুপ্পগী ওইবা এচিবমেন্ত অমসুং অখন্নবা শকখঙবগী এৱার্দ সম্মীত অসিগী মনুংদা পীখ্রে।

সম্মীত অসিদা ৱা ঙাংবদা শ্রী গৌদানা হায় মদুদি ইন্দিয়ন ফার্মাসিয়ুতিকেল সেক্তরনা কোবিদ-১৯গী লায়চৎ মনুংদা কম্পনিশিং, মালেম অমসুং ইন্দিয়ন্না লৈবাক অসিগীদমক হোৎনরিবা কয়া অসিদা মতেং কয়া পাংলি। ইন্দিয়া অসি মহৌশানা ‘মালেমগী ওইবা ফার্মাসি অমনি হায়না লৌরি’। হায়রিবা অসি হৌজিক লৈরিবা কোবিদ-১৯গী লায়চৎ অসিদা ইন্দিয়ানা মালেম শিনবা থুংনা শিজিন্নবা মীওইবা অমবু কনবা য়াবা হিদাক কয়া অমা পুথোকপা অমসুং মপাল লমদা থাদোকপা অসিনা মপুং ফানা প্রমান উৎলি, হায়না মিনিস্তরনা মখা তাখি। 

মহাক্না হায় মদুদি, হায়নরুবা লৈতনা কম্পনি পুম্বনা মখোয়গী হৈ-শিংজবা মফম কয়াদা চংশিন্দুনা অমসুং লৈবাক অসিনা ভাইরস অসিবু ঙাকথোক্নবা হোৎনরিবা অসিদা স্তেতশিং অমসুং সেন্ত্রেল সরকারশিংগা লোয়ননা থবক তৌবা হৌখি। শ্রী গৌদানা হায় মদুদি মখোয়না মখল কয়াদা লোকদাউন অসিদা থেংনরিবা অৱাবা কয়া অসিবু নাথৈরগা চংদ্রবা য়াদ্রবা হিদাক লাকথক কায়া অমা য়েন্দুনা অতৈ অপোপ্পা পোৎলম কয়া অমসু থিন্থবা তৌদনা ফংহনখি।

ফার্মাসিয়ুতিকেল ইন্দস্ত্রীনা অসুক ৱারবা মতম অসিদা লৌরিবা থৌদাং অসিদা থাগৎপা ফোংদোক্তুনা মিনিস্তরনা হায় মদুদি লোকদাউন মনুংদা লৈবাক অসিদা হিদাক লাকথক্কী অৱাৎপা অমত্তা লৈখিদে। খুদোংথিরবা অসিগী মতম পুম্বদা,  ফার্মাসিয়ুতিকেল ইন্দস্ত্রীনা সরকারগা খুৎশম্নদুনা য়াম্না কন্না হোৎনদুনা দিমান্দশিং অসি ফংহনখি -মদুদি তেস্তিং কিত্তগীনা হিদাক-লাংথক ফাওবা অমসুং লায়েংবা অসিনি।

মহাক্না হায় মদুদি লৈবাক অসিদা য়াম্না অথুবা মতমদা ভেক্সিন পীনবা তঙাইফদবা লৈবনা, ঐখোয়না ইন্দিয়ন অমসুং মালেমগী কম্পনি কয়া অমা লাবোরেতোরিদা অমসু পুন্সিনবা কয়া অমা উরি। হায়রিবশিং অসি ইন্দস্ত্রী, মালেমগী কম্পনি, রিসর্স ইন্ততিত্যুৎ, ইন্দিয়ন কম্পনিশিং, রিসর্স ইন্সতিত্যুৎ, সরকারগী রিগুলেতরশিং অমসুং হোস্পিতাল অসিনা ভেক্সিন অসি শাগৎপা অমসুং ভেক্সিন অসিগী ক্লিনিকেল ত্রাইয়েল তৌবদা মতেং পীরি।   

মিনিস্তরনা হায় মদুদি ইন্দিয়াগী ফার্মাসিয়ুতিকেল সেক্তর অমসুং মেদিকেল দিবাইসেস সেক্তর অসিদা মপাল লমগী চাওরবা শেনফম থাদনিংবগী পুক্নিং চিংশিল্লক্লি। মশীং য়াম্লবা কম্পনি কয়ানা মখোয়গী রিসর্স, মেনুফেকচুরিং অমসুং ক্লিনিকেল ত্রাইয়েল লিংখৎনিংবগী অপাম্বা ফোংদোরক্লি।

হিদাক-লাংথকশিং অসি মপাল লমদা থাদোকপগী  শরুক অমা ওইনা মহাক্না হায়খি মদুদি মসি অচুম্বনি মদুদি মালেমগী মফম অতৈদা ইন্দিয়াদগী হিদাক-লাংথকশিং লৌরি অমসুং মরম অদুনা ইন্দিয়াগী হিদাক-লাংথক মপাল সমদা পুথোকপা অসি য়াম্না থুনা চাওখৎলক্লি।

য়ুনিয়ন মিনিস্তরনা হায় মদুদি রেকোর্দকী মতুং ইন্না ২০১৯-২০গী চহিদা ইন্দিয়াদগী ফার্মাসিয়ুতিকেল পোৎলম পুথোকখিবা অসি বিল্লিয়ন দোল্লার ২০গী মথক্তনি অমসুং লাক্লিবা ফাইনানসিএল ওইবা চহি অসিদা বিল্লিয়ন দোল্লার ২৫গী মথক্তা ওইগনি হায়না পারি। মসি মমাং চহিদা বিল্লিয়ন দোল্লার ২২ দোমেস্তিক মার্কেত অসিদা পাবদনি। মসি হেন্না চাওখৎপদা মতিক চারবনি।

সরকার অসিগী ৱাহৈশিং অসিদা মরুওইবা থমদুনা নাগরিকশিংদা অহোংবা মমলদা চৎনবা য়ারবা হকশেলগী চেকশিন থৌরাং পীবা অসি মরু ওই, মহাক্না হায় মদুদি হৌজিক স্কীম কয়া অমা লৈরি মখোয় অদুগী মনুংদা – অমদি প্রধান মন্ত্রী ভারতিয়া জন উশাধী পরিয়োজনা (পি.এম.বি.জে.পি.) অসিনা অনেম্বা মমলদা হিদাক-লাংথকশিং পীবা অমসুং অনিশুবা অসিনা আয়ুশমান ভারত য়োজনা হায়রিবা অসিনা লৈত-লায়র কয়াদা লেম্না হিদাক-লাংথকশিং পীবা অসিনি।  

মিনিস্তরনা মহাক্কী ৱা লোইশিল্লকপদা হায় মদুদি পুন্না থবক তৌমিন্নবা, রিসর্স অমসুং চাওখৎ থৌরাংশিং অসিনা ঐখোয়না তুংদা হকশেলগী চেকশিন থৌরাংদা মায়োক্নবা ঙম্লগনি অমসুং ইন্দস্ত্রী অসিনা ইন্দিয়ন ইকোনোমী চাওখৎপদা মতেং ওইরগনি।

******

(রিলিজ আই.দি.: 1681773) ভিজিতর কাউন্তর : 153