রেলৱেজ, কম্মর্স অমসুং ইন্দস্ত্রী, কঞ্জুমর এফিয়র্স, ফুদ এন্দ পব্লিক দিস্ত্রিব্যুসনগী কেন্দ্রগী মন্ত্রৌ শ্রী পিয়ুশ গোয়লনা ঐখোয়গী এফ.দি.আই.গী কাংলোনশিং ঐখোয়না কোমথোকপা অমসুং তোঙান তোঙানবা সেক্তরশিং হাংদোকপনা ভারত্তা অস্ত্রেলিয়াগী ইনবেস্তমেন্ত তৌনবা অচৌবা লম লৈরে হায়না ঙসি ফোঙদোকখ্রে। ভারত অস্ত্রেলিয়াগী বাইলেতরেলগী শেন্মীৎলোন অমসুং ললোন-ইতিক্কী মরী ফগৎহন্নবা সি.আই.আই.গী সেসনদা ৱা ঙাংলদুনা মহাক্না হায়খি ঐখোয়না ফুদ প্রোসেসিং অমসুং ভেল্যু এদিসন্দা চাউনা ইনবেস্তমেন্ত তৌনবা এগ্রি সেক্তর হাংদোকখ্রে। মন্ত্রীনা ভারত-অস্ত্রেলিয়া ইকনোমিক স্ত্রেতেজী রিপোর্তসু ফোঙখি।

মন্ত্রীনা ঐখোয়না ফোরেন ইনবেস্তমেন্তগী ঐখোয়গী এফ.দি.আই. পোলিসীশিং হেন্না খুদোংচানবা অমসুং ৱাখল মান্নবা ওইনবা অমসুং মতেং ওইনবা লেপ্তনা হোৎনরি হায়না ফোঙদোকখি। মহাক্না হায়খি অনৌবা লমশিং ওইরিবা স্পেস, ন্যুক্লীয়র ইনর্জী অমসুং দিফেন্স প্রদক্সন অসিনা ঐখোয়গী ম্যুচ্যুএল এঙ্গেজমেন্তগী অফবা খুদোংচাবশিং ফংহল্লগনি। দিফেন্স, স্পোর্তস, তেক্সতাইল্স, তেক্সতাইলগী দিজাইনিং, দিজিতেল গেমিং, এনিমেসন, ৱাতর মেনেজমেন্ত, জহাজশিং কম্মর্সিএলগী ওইনা শাবা, স্পেসকী কোল্লাবোরেসন অমসুং এজুকেসন্দা দিজিতেল ওইহনবা অসিগী অনৌবা সেক্তরশিং অসিদা ললোন-ইতিক্কী মরী অসি ফনা থম্নবা হোৎনবদা অচৌবা আশা থম্লি হায়না মহাক্না ফোঙদোকখি।

শ্রী গোয়লনা হায়খি হন্দক্কী লেবর রিফোর্মশিং অদুনা লেবর রিগুলেসনশিং অমসুং থবক পীবদা লায়থোক্নবা অনৌবা ইকো-সিস্তেম অমা শেম্বসু ঙম্লগনি। অনৌবা ফ্রেমৱার্ক অসিগী মখাদা তুরিজমগুম্বা লমশিংনা ভারত্তা থবক কয়া ফংহল্লগনি, অমসুং ভারত্তা তুরিজম প্রোজেক্তশিং হেন্না ওইথোকহল্লগনি। মহাক্না হায়খি ঐখোয়না ভারতকী লৌমীশিংনা ইনকম হেন্না ফংহনবা পাম্মি, হায়রিবা অসি ঐখোয়গী ফার্মগী প্রদ্যুসতা ভেল্যু হেন্না হাপকৎলগা অমদি মালেমগী তোঙান তোঙানবা মফমশিংগী এঙ্গেজমেন্ত হেন্না তৌদুনা মালেমদা লৈরিবা খুন্নাইগী মথৌ তাবশিং অসি ফংহল্লবা মতমদা খক্তা ওইথোকপা ঙমগনি।

শ্রী গোয়লনা অখন্ননা ৩বিগী পান্দমশিং: বিগর ত্রেদ বাস্কেৎ - বেত্তর ত্রেদ বাস্কেৎ - বেলেন্স ত্রেদ রিলেসনশিপ, অসিগা লোইননা ঐখোয়গী ললোন-ইতিক্কী মরীদা ঐখোয়না চাউনা খুমাং চাউশিনবা উবা ফংগনি।

মন্ত্রীনা হায়খি লাইচৎ অসিগী মরুমদা ইন্দস্ত্রীনা মীৎয়েং থম্লিবা অসি শেন্মীৎলোনগী থবক-থৌরমশিং অমুক হন্না হিংগৎহন্নবা য়াম্না অফবা ফলশিং পুরক্নবা হোৎনবনি। শেন্মীৎলোন্দা ভ-শেপ ওইনা রিকভর তৌরি হায়বা উৎলি। “ভারতনা কোবিদ-১৯না পীরক্লিবা খুদোংচাবা অসিবু শীজিন্নদুনা ঐখোয়গী শেন্মীৎলোন হেন্না লিবরেলাইজ তৌদুনা অমসুং ভারত্তা বিজিনেস তৌবদা লায়থোক্নবা হোৎনরি। ঙসিদি ঐখোয়না মরু ওইনা সেক্তর পুম্নমক্তা এফ.দি.আই.দা ওতোমেতিক রুৎ ১০০% ফাওবা লৈবগা লোইননা ঙসিদি খ্বাইদগী ওপন ওইবা ইকনোমীশিংগী মরক্তা অমা ওইরি।”

নন-ত্রান্সপরেন্ত অমসুং ওপেগ ইকনোমীশিং দিসসিপ্লিন তৌবা য়াওনা ইনপুৎশিং সপ্লাই তৌবগা মরী লৈনবা খুদোংথিবশিং লাকশিন্নবা সপ্লাই চেনশিং দিভর্সিফিকেসন তৌবা মরু ওই হায়না শ্রী গোয়লনা ফোঙদোকখি। অস্ত্রেলিয়া অমসুং ভারতনা মলাবার এক্সর্সাইজশিং, ক্বাদ গ্রুপিংশিং, তোঙান তোঙানবা স্ত্রেতেজিক্কী লমশিংদা পার্তনর ওইবা ওইরবসু স্ত্রেতেজিক ফ্রন্ততা হেন্না নকশিন্ননা থবক তৌমিন্নরি। মহাক্না মখা তারদুনা হায়খি নকশিন্না থবক তৌমিন্নবা অসিনা ঐখোয়গী ইকনোমিক পার্তনরশিপ্তা অমসুং মতুং তারকপদা কান্নবা ওইগনি।

শ্রী গোয়লনা হায়খি অস্ত্রেলিয়া স্ত্রেতেজী রিপোর্তগুম্বা খোঙথাংশিং অসিনা ঐখোয়গী ত্রেদ অমসুং ইকনোমিক পোলিসীশিংনা স্ত্রেতেজী রিপোর্ত অসি ইমপ্লিমেন্ত তৌনবা হোৎনবদা মতেং পাংগনি। “কম্প্রিহেনসিব ইকনোমিক পার্তনরশিপ এগ্রীমেন্ত অমগীদমক্তা ঐখোয়গী নেগোসিএসনশিংগা চান্নবা ঐখোয়না খুৎশম্ননা থবক তৌমিন্নগদবা অফবা লমশিংসু খঙদোকপা য়াগনি”, হায়না মখা তাখি।

********