ঙসি ভারত অমসুং মালদিবস অনিগী মরক্তা ৱেবিনার অমসুং এক্সপো অমা পাংথোকখ্রে। ৱেবিনার অদুগী থিম্না ‘ইন্দো-মালদিবসকী অপুনবা অৱাংবা থাক্কী ঙাক-শেনগী থবক’ হায়বা অসিনি। ৱেবিনার অসি ফেদেরেসন ওফ চেম্বরস ওফ কমর্স এন্দ ইন্দস্ত্রিগী খুৎথাংদা দিফেন্স মিনিস্ত্রগী দিফেন্স প্রদক্সন দিপার্তমেন্তনা শীনবনি।

মসিগী ৱেবিনার অসি মরুপ-মপাং ওইবা মপান লৈবাকশিংগী লৈনবা ঙাক-শেনগী মরী ফগৎহন্নবা পাংথোকপা এরো ইন্দিয়া ২১ ৱেবিনার সেরিজশিংগী শরুক অমনি।

লৈবাক অনিগী মরক্তা অচেৎপা, মরুপ-মপাং ওইবা অমসুং মাইকৈ কয়া ফংবা মরীগী মতাংদা নাকল অনিমক্না ৱারি শানখি। এদিসনেল সেক্রেতরি(দি পি) শ্রী সঞ্জয় জাজুনা হায়খি  মালদিবসতা ভারতনা মরুওইবা মফম  অমা কল্লি অমসুং সরকারগী “য়ুম্লোন্নবনা হান্না” হায়বগী থৌশিলগী মতুংইন্না, তংদু-লৈতাবা, নুংঙাই-য়াইফবা অমসুং শান্তি লৈবা মালদিবস অমগীদমক চাউখৎ-থৌরাংগী খোঙলোয় অমা ওইনবা লৈবাক অসিনা থাজবা পীরে।

শ্রী জাজুনা মখা তানা হায়খি সরকারগী ‘মেক ইন ইন্দিয়া’ থৌরাংগী মখাদা ‘অত্মানির্ভর ভারত’ অমগী মঙলান মঙফাওন্নবা ভারতকী ফিবম য়াংনা ফগৎলক্লি। মশাগী ওক্নবা পুথোকচবা ভারত নৎত্রগা অত্মনির্ভর ভারতকী থবক অসি মালেমগী ফিবম অসিদা ভারত য়াওশিনবা ঙম্নবনি অমসুং নাইতোম লৈনবা নত্তে। মসি লৈবাক অসিগী দরকার ওইবশিং কোন্নবা মমল হোঙবা মগুন লৈবা পোৎথোকশিং পুথোকপা খক নত্তনা মালদিবস য়াওনা মালেমগী মরুপ-মপাং ওইবা লৈবাকশিংগী দরকার ওইবা ফংহনবনি।

ৱেবিনার মনুংদা, এম.এন.দি.এফনা মখোয়গী দরকার ওইবশিং মমুৎ তানা উৎখি অমসুং ভারতকী দিফেন্স কম্পেনি ১১ হায়বদি ভারত ইলেকত্রোনিক্স লিমিতেদ, মাজাগোন দোক সিপবিল্দরস লিমিতেদ, তাতা এদভান্স সিস্তেম লিমিতেদ, মহিন্দ্রা দিফেন্স সিস্তেম লিমিতেদ, এম.কে.য়ু লিমিতেদ, এস.এম.পি.পি, ওর্দিনান্স ফেক্তরি বোর্দ, ভারত আর্থ মুভরস লিমিতেদ, জেন তেক্নোলোজিস লিমিতেদ, লারসেন এন্দ তৌব্রো অমসুং গার্দেন রিছর্স সিপবিল্দরস এন্দ ইঞ্জিনিয়ারিং লিমিতেদনা মখোয়গী পোৎথোকশিং উৎখি।

ৱেবিনার অদুদা মালদিবস নেসনেল দিফেন্স ফোর্সকী চীফ ওফ দিফেন্স ফোর্স, মেজর জেনেরেল অব্দুল্লা সামাল, মালদিবসতা লৈবা ভারতকী হয় কমিসন্নর শ্রী সুনজয় সুধির অমসুং নাকল অনিমক্কী দিফেন্স মিনিস্ত্রিগী অতোপ্পা ওফিসিএলশিং শরুক য়াখি। ৱেবিনার অদুদা মীওই ৩৭৫ শরুক য়াখি অমসুং এক্সপোদা ভর্চুএল একজিবিসন স্তোল ৪১ হাংখি।

*****