রেলৱেজস, কম্মর্স এন্দ ইনদস্ত্রী, কঞ্জুমর এফিয়র্স অমসুং ফুদ এন্দ পব্লিক দিস্ত্রিব্যুসনগী কেন্দ্রগী মন্ত্রী শ্রী পিয়ুশ গোয়লনা ঙসি সি.আই.আই. পার্তনরশিপ সম্মিৎ ২০২০গী মিনিস্ত্রিএল সেসনদা ৱা ঙাংখ্রে, হায়রিবা অসিগী হিরম ‘পার্তনরশিপ ফোর লাইফস, লাইফলিহুদ এন্দ গ্রোথ’না ওইখি। ভুতানগী ইকনোমিক এফিয়র্সকী মন্ত্রী ঐচ.ই. লিয়োনপো লোকনাথ শর্মা, মাল্দিবসকী ইকনোমিক দিবেলপমেন্তগী মন্ত্রী ঐচ.ই. উজ. ফেয়য়স ইস্মাইল, চিলিগী ফোরেন এফিয়র্স মন্ত্রী ঐচ.ই. অন্দ্রেস অলামন্দ, দিপুতী ফোরেন মিনিস্তর ঐচ.ই. দিমিত্রো সেনিক, ব্রাজিলগী মিনিস্ত্রী ওফ ইকনোমীগী দিব্যুরক্রেতাইজেসন, মেনেজমেন্ত এন্দ দিজিতেল গোভর্নান্সকী স্পেসিএল সেক্তেতরী (ভাইস মিনিস্তর), ঐচ.ই. কৈও মারিও পেস দি এন্দ্রেদেনা সেসন অসিদা শরুক য়াখি।

শ্রী গোয়লনা হায় মরুপ ওইনা লোইনরিবা লৈবাকশি পুনশিনবনা মরুপকী ওইবা মরীদা য়ুম্ফম ওইবা মখোয়না অনৌবা খুদোংচাবশিং খঙদোকপদা, অমনা অমগী মতেং পাংনদুনা অমসুং মখোয়গী প্রজাশিংগী য়াইফনবগী কান্নবা পুরকপদা মতেংওইরগনি। শরুক য়ারিবা লৈবাকশিংগী লৈনরিবা অনকপা অমদি মরা চেৎপা মরী অসিগী মতাংদা শ্রী গোয়লনা হায়খি ভারতনা মখোয়গা লৈনরিবা মরীশিং অসি ফগৎনবা অমসুং হেন্না চেৎশিনহন্নবা আশা থম্লি। লাইচৎ মনুংদা ভারতনা খুন্নাই অসিদা পাংখিবা মতেংগী মতাংদা পাউদম্লদুনা মহাক্না হায়খি ভারতনা অতোপ্পা লৈবাকশিংনা মতেং মথৌ তারকপা মতাংদা মতম পুম্বদা মতেং পাংদুনা লাকখি। ভারতনা গ্রান্তশিংগী খুত্থাংদা লৈবাক ৫০রোমদা লেম্না হিদাক-লাংথক ফংহনখি অমসুং লৈবাক ১৫০রোমদা হিদাক-লাংথকশিং সপ্লাই তৌখি। শ্রী গোয়লনা হায়খি কোবিদ-১৯গী হৌরকপা মতমদা ভারতকী হিদাক-লাংথকশিং অসি শেল পাইবা লৈবাকশিংনা মোনোপোলাইজ তৌদনবা অমদুং হায়রিবা অসি চাউখৎপা ৱাৎলিবা লৈবাকশিংদা ফংহন্নবা ভারতনা হিদাক-লাংথকশিং মপানদা থাদোকপদা অথিংবশিং থমখি।

আত্মানির্ভর ভারতকী মতাংদা ৱা ঙাংলদুনা শ্রী গোয়লনা হায়খি ভারতনা মরোমদোম লেপচবনা পার্তনর ওইরিবা লৈবাকশিংদগী মরী তৎনগদবা নত্তে, মসিনা মপাঙ্গল কনবা থাক অমদগী মালেমগা চাউনা থবক তৌমিন্নগনি। মহাক্না হায়খি ঐখোয়না অমনা অমগী মতেং পাংনদুনা মীপুম খুদিংমক্কী য়াইফনবা তৌবা ঙমগনি।

শ্রী গোয়লনা হায় ভারতনা মালেমগী অতোপ্পা মফমশিংদগী হেন্না চাউবা ইনবেস্তমেন্ত ফংনবা মহাক্কী ইকনোমী দিরিগুলেৎ তৌনবা হোৎনরি। “ঐখোয়না দিফেন্স, মেন্যুফেকচরিং, মাইনিং, ফাইনান্স, কেপিতেল মার্কেৎ সেক্তর হাংদোকখ্রে। ঐখোয়না এগ্রি প্রোসেসিংদা ইনবেস্তমেন্ত হেনগৎহন্নবা, ভারতকী খুঙ্গংদা ইনবেস্তমেন্ত তৌনবা, ঐখোয়গী লৌমীশিংগী ইনকমশিং হেনগৎনবা কৈথেল হংদোক্নবা এগ্রিকলচরেল লোশিং মখা তানা লিবরেলাইজ তৌখ্রে। মপুং ওইনা ঐখোয়না ভারত্তা বিজিনেস তৌবা লায়থোকহন্নবা অমসুং ফগৎহন্নবা হোৎনরি।” হায়না মহাক্না মখা তাখি।

শ্রী গোয়লনা হায়খি ভারতনা ইনবেস্তমেন্তগী, অমসুং গুদস অমদি সর্ভিসেসকী প্রোক্যুর্মেন্তগী অচৌবা খুদোংচাবা ফংহল্লি। ভারতনা মতুপশিং অমদি য়ুম্লোনরিবশিংগা লোইননা থবক তৌমিন্নবা পাম্লি অমসুং গ্লোবেল ফুৎপ্রিন্ত লৈহন্নবা থবক তৌরি। মহাক্না হায়খি ভারতনা কোবিদকী অৱাববু খুদোংচাবদা ওন্থোক্নবা হোৎনরি, অমসুং ২০২৫ ফাবদা দোলর ত্রিলিয়ন ৫কী পান্দম ফংগনি হায়বগী থাজবা লৈঅমসুং মথংগী চহি ৫-৭ ফাওবদা দোলর ত্রিলিয়ন ১০গী পান্দম থম্লি।

***