হ্যুমেন রিসোর্স চাউখৎ-থৌরাংগী মন্ত্রালয়

জি.ই.ই(মেন)একজামিনেসন-২০২১গী মতাংদা য়ুনিয়ন ইজুকেসন মিনিস্তরনা ৱাফম কয়া লাউথোক্লে

জি.ই.ই(মেন)একজামিনেসন-২০২১ তাঙ্কক মরি(ফ্রেবুৱারি, মার্চ, এপ্রিল অমসুং মে)থোক্না পাংথোক্লগনি
অহানবা জি.ই.ই(মেন)একজামিনেসন-২০২১, ফ্রেবুৱারি ২৩-২৬,২০২১ ফাওবা পাংথোক্লগনি
লোল ১৩দা জি.ই.ই(মেন)একজামিনেসন-২০২১ পাংথোক্কনি

Posted On: 16 DEC 2020 7:32PM by PIB Imphal

ঙসি য়ুনিয়ন ইজুকেসন মিনিস্তর শ্রী রমেস পোখ্রিয়াল ‘নিশঙ্ক’না জি.ই.ই(মেন)একজামিনেসন-২০২১গী মতাংদা ৱাফম কয়া লাউথোক্লে। জি.ই.ই(মেন)একজামিনেসন-২০২১ তাঙ্কক মরি থোক্না ২০১২গী ফ্রেবুৱারি, মার্চ, এপ্রিল অমসুং মে থাশিংদা পাংথোক্লগনি হায়না মহাক্না লাউথোকখি। অহানবা জি.ই.ই(মেন)একজামিনেসন-২০২১, ফ্রেবুৱারি ২৩-২৬,২০২১ ফাওবা পাংথোক্লগনি। মহাক্না হায়খি নেসনেল ইজুকেসন পোলিসিগী মতুংইন্না, অহানবা ওইনা  জি.ই.ই(মেন)একজামিনেসন-২০২১ লোল ১৩দা পাংথোক্লগনি। লোলশিং অদুদি অসামিজ, বেঙ্গলি, কন্নরা, মালায়ালম, মরাথি, ওরিয়া, পঞ্জাবী, তামিল, তেলুগু, উর্দু, হিন্দি, ইংলিস অমসুং গুজরাতিনি।

মিনিস্তরনা হায়খি কেন্দিদেত অমনা সেসন মরিমক শরুক য়াবা দরকার ওইদে। করিগুম্বা কেন্দিদেত অমনা সেসন অমদগী হেন্না শরুক য়ারবদি, মেরিত লিস্ত/রেঙ্কিং শেম্বদা মহাক্কী খ্বাইদগী ৱাংবা ২০২১ এন.তি.এ স্কোরশিং লৌখৎকনি। ক্বেসন পেপরদা ৱাহং ৯০ য়াওগনি অমসুং মদুগী মনুংদা কেন্দিদেতশিংনা অপুনবা ৱাহং ৭৫গী পাউখুম পীনবা হোৎনগদবনি।

মিনিস্তরনা হায়খি তাঙ্কক মরি থোক্না জি.ই.ই(মেন)একজামিনেসন-২০২১ পাংথোকপা অসিনা করিগুম্বা কেন্দিদেতশিংনা অহানবা হোৎনবদা ফজনা পাউখুম পীবা ঙমদ্রবদি একজামিনেসন অসিদা মখোয়গী স্কোরশিং ফগৎনবা মখা তাবা খুদোংচাবশিং পীরি। করিগুম্বা অকক্নবা থা অমদা বোর্দ একজামিনেসন লৈবদগী নৎত্রগা কোবিদ-১৯না মরম ওইদুনা কেন্দিদেত অমনা শরুক য়াবা ঙমদ্রবদি, জি.ই.ই(মেন)একজামিনেসন-২০২১ শরুক য়ানবা অতোপ্পা থা অমা কেন্দিদেতশিংনা খনবা য়াগনি।

জি.ই.ই(মেন)একজামিনেসন-২০২১গী অকুপ্পা মরোল খঙনবা মফম অসিদা নম্বীয়ু:

*****



(Release ID: 1681377) Visitor Counter : 19