বোর্দর সেক্যুরিতী ফোর্স (বি.এস.এফ.)কী ৫৬শুবা রাইজিং দে

বোর্দর সেক্যুরিতী ফোর্স (বি.এস.এফ.)না ঙসি  মসিগী ৫৬শুবা রাইজিং দে পাংথোক্লি। থৌরম অসিদা হোম এফিয়ার্সকী কেন্দ্রগী মিনিস্তর ওফ স্তেত শ্রী নিত্যনন্দ রাইনা ঙসি চাৱলা কেম্পতা পাংথোকপা বোর্দর সেক্যুরিতী ফোর্স রাইজিং দে পেরেদ – ২০২০গী সেল্যুৎ লৌখি। থৌরম অসিদা চিফ ওফ দিফেন্স স্তাফ, জেনরেল বিপিন রাৱৎ, বি.এস.এফ. দাইরেক্তর জেনরেল শ্রী রাকেশ অস্থানা, সেন্ত্রেল আর্ম পুলিস ফোর্সেস অমসুং পুলিসকী মকোকথোংবা ওফিসরশিং অমদি অতোপ্পা শক্নাইরবা কয়ানা শরুক য়াখি।

রাজ্য মন্ত্রীনা বি.এস.এফ.কী অথৌবশিংগী নিংশিং খুভমদা অমর ওইখ্রবা বোর্দর গার্দশিংগী মফমদা ইকায় খুম্নবা উৎখি। মহাক্না বি.এস.এফ. পর্সনেলশিংদা ‘পুলিস মেদল ফোর গলেন্তরী’ অমসুং ‘প্রসিদেন্তস পুলিস মেদল ফোর দিস্তিনগুইস সর্বিস’ লানথোকখি। শ্রী নিত্যনন্দ রাইনা বি.এস.এফ.কী চহিগী ই-মেগাজিন “বোর্দরমেন”সু রিলিজ তৌখি।

হোম এফিয়ার্সকী কেন্দ্রগী মিনিস্তর ওফ স্তেতনা মহাক্কী ৱারোলদা হায়খি মদুদি বি.এস.এফ.কী থৌনা ফরবা পর্সনেলশিংনা লৈবাক্কী ঙমখৈবু খুদোংচাদবা ফিভম কয়াদা ফাওবা মপুং ফানা ঙাক্লি। মশাগী মথৌদা বি.এস.এফ. জৱানশিংগী থোইদোক হেন্দোকপা কত্থোকপা অমসুং মুৎনায়দ্রবা থৌনা অদু ইকায় খুম্নবা উৎলদুনা শ্রী নিত্যনন্দ রাইনা হায়খি মদুদি মখোয়না মরম ওইরগা লৈবাক অসিগী নাগরিক খুদিংমক্না নেস্নেল দিবেলপমেন্ত ৱার্কশিংদা অকিবা য়াওদনা থৌদাং য়ারি। শ্রী রাইনা হায়খি মদুদি প্রধান মন্ত্রী শ্রী নরেন্দ্র মোদীনা সেক্যুরিতী ফোর্সেস অসিদা থাজবা থম্লিবা অমদি হোম মিনিস্তর শ্রী অমিত শাহনা নখোয়বু থাজরিবা অদু নখোয়না ঙাক্না চৎলি অমদি লৈবাক অসিনা নখোয়দা চাউথোকচরি।

থৌরম অসিদা বি.এস.এফ.কী দাইরেক্তর জেনরেল শ্রী রাকেশ অস্থানানা বি.এস.এফ.কী এচিবমেন্তশিং, অনৌবা খোংথাংশিং অমদি তুংগী মায়োক্ননবা শেম শারিবশিংগী মতাংদা পাউদমখি।

বি.এস.এফ. অসি মালেমগী খ্বাউদগী চাউবা বোর্দর ঙাক শেনবা ফোর্স ওইদুনা পাকিস্তান অমসুং বঙ্গলাদেশকা লোয়ননা  কিলোমীতর ৬,৩৮৬.৩৬ শাংবা ইন্তরনেস্নেল বোর্দর ঙাক্লি। মসিগী রাইজিং দেগী থৌরম অসিদা বোর্দর সেক্যুরিতী ফোর্সনা জাতিদা মখোয়গী ৱাশক অমসুং মসিগী মোতো ‘লাইফলোং দ্যুতী’ অমুক হন্না চেৎশিনখি।

***