ঙসি ভিদিও কনফরেন্সকী খুৎথাংদা ফাইনান্স অমসুং কোর্পোরেত এফেয়ার্সকী য়ুনিয়ন মিনিস্তর শ্রীমতি নিরমালা সিতারমন্না লুচিংদুনা ফাইনান্সিএল স্তেবেলিতি এন্দ দিবলপমেন্ত কাউন্সিল(এফ এস দি সি)গী ২৩সুবা মীফম পাংথোকখ্রে।

মীফম অদুদা ভর্চুএল ওইনা ফাইনান্স অমসুং কোর্পোরেত এফেয়ার্সকী রাজ্য মন্ত্রী শ্রী অনুরাগ থাকুর; ফাইনান্স সেক্রেতরি দোক্তর অজয় ভুসন পান্দে; ইলেকত্রোনিক্স অমসুং ইনফোর্মেসন তেক্নোলোজি মিনিস্ত্রিগী সেক্রেতরি শ্রী অজয় প্রকাস শানি; ফাইনান্সিএল সর্বিসেস দিপার্তমেন্তগী সেক্রেতরি শ্রী দেবাসিস পান্দে; কোর্পোরেত এফেয়ার্স মিনিস্ত্রিগী সেক্রেতরি(ইন-চার্জ)শ্রী তুহিন কান্তা পান্দে; ইকোনোমিক এফেয়ার্স দিপার্তমেন্তগী সেক্রেতরি শ্রী তরুন বজাজ; রিজার্ব বেঙ্ক ওফ ইন্দিয়াগী গভর্নর শ্রী শক্তিকান্তা দাস; চীফ ইকোনোমিক এদভাইজর দোক্তর কৃষ্ণমুর্তি ভি.সুব্রামনিয়ান; সেকুরিতিস এন্দ একচেঞ্জ বোর্দ ওফ ইন্দিয়াগী চিয়রপর্সন শ্রী অজয় ত্যাগী; ইন্সুরেন্স রিগুলেতোরি এন্দ দিবলপমেন্ত ওথোরিতি ওফ ইন্দিয়াগী চিয়রপর্সন শ্রী সুভাস চন্দ্রা খুন্তিয়া; পেন্সন ফন্দ রিগুলেতোরি এন্দ দিবলপমেন্ত ওথোরিতিগী চিয়রপর্সন শ্রী সুপ্রাতিম বন্দ্যোপধ্যা; ইন্সোলভেন্সি এন্দ বেঙ্করপসি বোর্দ ওফ ইন্দিয়াগী চিয়রপর্সন দোক্তর এম.এস সাহু অমসুং ইন্তরনেসনেল ফাইনান্সিএল সর্বিসেস সেন্তরস ওথোরিতিগী চিয়রমেন শ্রী ইনজেতি শ্রীনিভাস অমসুং ভারত সরকারগী অতোপ্পা সেনিয়র ওফিসারশিং শরুক য়াখি।

মীফম অদুদা লৈবাক অসিগী অমসুং মালেমগী ওইরিবা শেন-থুমগী ফিবমশিং অমুক হন্না খন্নখি অমসুং ২০২০-২১গী অনিসুবা ক্বাতরদা ভারতকী জি.দি.পি হন্থরক্লিবা অসি য়েংলগা অথুবদা মতমদা শেন-থুমগী ফিবম হান্নগী ফিবমদা হল্লক্নবা ভারত সরকার অমসুং ফাইনান্সিএল সেক্তরগী রিগুলেতোরি ওথোরিতিশিংনা পায়খৎলিবা থবকশিং খন্নখি। শেন-থুম ফিবম ফগৎলক্লে অমসুং মাঙজৌন্না লাউথোকখিবা অদুগী হেন্না য়াংনা হান্নগী ফিবমদা অমুক হল্লক্লগনি। শেন-থুমগী ফিবম মরা চেৎনা থম্লগা মেক্রোইকোনোমিক্কী পান্দমশিং ফংনবা অমসুং য়াংনা শেন-থুমগী ফিবম ফগৎলক্নবা ফাইনান্সিএল সেক্তরদা পাংবা য়াবা মতেং পাংনবা মীফম অদুদা খন্নখি। আর.বি.আই অমসুং অতোপ্পা রিগুলেতরশিংনা পীখৎলকপা বজেৎকী ৱাফমশিংসু কাউন্সিলনা খন্নখি।

মতম খরগী ওইনা অমসুং মতম শাংনা মায়োক্নগদবা শেন-থুমগী খুদোংচাদবা ফিবমশিং সরকার অমসুং রিগুলেতরশিংনা মখা তানা য়েংশিনবগী দরকার ওইবা অদু মীফম অদুদা খন্নখি।

লন্দন ইন্তরবেঙ্ক ওফর রেত(লিবোর)দা য়ুম্ফম ওইবা কন্ত্রেকশিংগী মতাংদা থেংনবা খুদোংচাদবশিং কাউন্সিলনা খন্নখি অমসুং মসিগী মতাংদা মরী লৈনবা ইন্সতিতুৎশিং অমসুং দিপার্তমেন্তশিং শরুক য়াবা মাইকৈ ফাংবা লাল্লোং অমা দরকার ওইরে হায়না থমখি।

আর.বি.আইগী গভর্নরনা লুচিংবা এস.এস.দি.সি সব-কমিতিনা পায়খৎলিবা থবকশিং অমসুং মমাঙদা এফ.এস.দি.সিদা মেম্বরশিংনা লৌখিবা ৱারেপশিংগী মতাংদসু কাউন্সিলনা খন্নখি।

*****