উত্তর প্রদেশতগী ভারতিয়া কিসান য়ুনিয়ন (কিসান) গী মেম্বরশিংনা ক্রিশি ভৱনদা ঙসি লৌউ-শিংউ অমদি লৌমীশিংগী য়াইফ থৌরাংগী কেন্দ্রগী মন্ত্রীগা উন্নখ্রে। য়ুনিয়ন অসিগীলুচিংবশিংনা ফার্ম এক্তস অসি তরাম্না ওকখি অমদি এক্তশিং অসি লৌমীশিংদা কান্নবা ওইরগনি। অদুম ওইনমক মখোয়না ফার্ম এক্তস অমদি মিনিমম সপ্পোর্ত প্রাইস (এম.এস.পি.)গী মতাংদা সজেসনশিংগা লোইননা মন্ত্রীদা মেমোরেন্দম অমা পীশিনখি।

ফার্ম এক্তসপু য়ুনিয়নগী লুচিংবশিংনা শৌগৎপগীদমক্তা লৌউ-শিংউগী মন্ত্রী শ্রী নরেন্দ্র সিংহ তোমরনা মখোয়বু থাগৎখি। ফার্ম এক্তস অসি লৈবাক শিনবা থুংনা রাজ্যশিংনা তরাম্না ওকখি হায়না মন্ত্রীনা ফোঙদোকখি। মহাক্না মখা তারদুনা সরকারনা তশেংবা ফার্ম য়ুনিয়নশিংগা মখা তানা দাইলোগ তৌবা পাম্লি অমদি পুকচেল শেংনা ৱারোইশিন অমা থিনবা হোৎনপা পাম্লি। মহাক্না হায় এম.এস.পি. অসিদা লৈঙাক্কী ওইবা ৱারেপনি অমদি লৈরিবা মওং অসিদা অদুমক লৈখিগনি।

ভারতিয়া কিসান য়ুনিয়ন (কিসান) গী লুচিংবশিংনা লৌমীশিংনা য়েৎনবা অমা লাকপা মতমদা সিবিল কোর্তশিংদা চৎপা য়ানবগী ওপ্সন পীবিনবা অপাম্বা ফোঙদোকখি। অপীকপা তাউনশিং অমসুং খুঙ্গংশিংদা লৈরিবা লৌমীশিংগী হকশিং ঙাক শেন্নবা মন্দিগী মকোক অমদা পীরিবা হকশিং অদুগা চপ মান্নবা হক পঞ্চায়ৎকী মকোক্তা পীবিনবা অপাম্বসু মখোয়না ফোঙদোকখি। ইসেন্সিএল কম্মোদিতিস এক্তকী ওইনদি, মখোয়না মসিদা হোর্দিং অমদি ব্লেক মার্কেৎ তৌবদা অথিংবা থম্বগী অপাম্বা ফোঙদোকখি।

য়ুনিয়ন অসিগী লুচিংবশিংনা ইরিগেসনগী মৈগী রেৎ অসি হন্থহন্নবা অমদি উত্তর প্রদেশকী রাজ্য অসিদা মৈ পুং মতম শাংনা ফংহনবিনবা অপাম্বা ফোঙদোকখি। লোইননা মখোয়না মহৈ-মরোংগী স্তেন্দর্দশিং অসি প্রোক্যুর্মেন্ত সেন্তরশিংনা লেপ্পিদুনা পোত্থোক অদু য়োনবা মতমদা লৌমীশিংনা অৱাবা অমত্তা মায়োক্নদনবা ৱাফম পুখৎখি।

*****