بجلی کی وزارت
کابینہ نے بجلی کے سیکٹر میں باہمی مفاد کے شعبوں میں معلومات کے تبادلے کے لئے بھارت اور امریکہ کے درمیان مفاہمت نامے کو منظوری دی
Posted On:
16 DEC 2020 3:33PM by PIB Delhi
نئی دلّی ، 16 دسمبر / وزیر اعظم جناب نریندر مودی کی صدارت میں مرکزی کابینہ نے بھارت کے سینٹرل الیکٹریسٹی ریگولیٹری کمیشن ( سی ای آر سی ) اور امریکہ کے فیڈرل اینرجی ریگولیٹری کمیشن ( ایف ای آر سی ) کے درمیان بجلی کے سیکٹر میں باہمی مفاد کے شعبوں میں معلومات اور تجربات کے تبادلے کے لئے ایک مفاہمت نامے کی تجویز کو اپنی منظوری دے دی ہے ۔
یہ مفاہمت نامہ تھوک بجلی مارکیٹ کے موثر فروغ اور گرڈ کی بھروسہ مندی کو بڑھانے کے لئے ریگولیٹری اور پالیسی فریم ورک کو بہتر بنانے میں مدد کرے گا ۔
ایم او یو کے تحت مندرجہ ذیل سرگرمیاں انجام دی جائیں گی :
- باہمی مفاد کے شعبوں میں معلومات اور ریگو لیٹری عمل کے تبادلے کے لئے توانائی سے متعلق امور کی نشاندہی اور موضوعات اور امکانی ایجنڈا تیار کرنا ۔
- ایک دوسرے کی تنصیبات میں کمشنروں اور / یا عملے کی شرکت کے لئے دوروں کا اہتمام کرنا ۔
- سیمیناروں ، دوروں اور تبادلوں میں شرکت ۔
- باہمی مفاد کے پروگرام مرتب کرنا اور جہاں مناسب ہو ، ایسے پروگراموں کو منعقد کرکے مقامی شرکت کو بڑھاوا دینا ۔
- جہاں باہمی مفاد اور عملی طور پر ممکن ہو ، مقررین کو توانائی کے معاملات اور دیگر بندوبست یا تکنیکی امور پر بولنے کا موقع فراہم کرنا ۔
۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔ ۔ ۔ ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ ۔ ۔۔۔ ۔۔۔۔۔۔۔۔
( م ن ۔ و ا ۔ ع ا ۔
U. No. 8138
(Release ID: 1681195)
Visitor Counter : 165
Read this release in:
English
,
Hindi
,
Marathi
,
Assamese
,
Bengali
,
Manipuri
,
Punjabi
,
Gujarati
,
Odia
,
Telugu
,
Kannada